صديقتي حاطه عينها على زوجي .. كيف اتصرف معها ؟؟

السلام عليكم

بنات انا عندي مشكله ، وياليتكم تنصحوني
انا تعرفت على زميله لي في الشغل وكانت حبوبه وطيبه وتطورت علاقتنا الى صداقه وصرنا مثل الخوات.. وولدي يحبها مررررره !! لكن من فتره بديت الاحظ عليها تصرفات ما تعجبني صارت تسأل عن زوجي كثير وانا من النوع الي ما احب اتكلم عن زوجي عند الناس ..مره قالت لي زوجك حلو واعتبرتها مجامله منها مع اني تضايقت .. ومره تسألني ( وش العطر اللي يستخدمه زوجك ؟؟ ) (وش طبقه المفضل ؟؟) . و مره واحنا طالعين من زواج قالت لي تبي جوالي تتصل على اخوها عشان يجي ياخذها وبعد ما استخدمة الجوال قالت لي ما احد يرد وش اسوي مين يرجعني ؟؟ جلست واقفه واحرجتني جدا قلت لها تعالي انا ارجعك مع زوجي لان الوقت متأخر وقالت لا ما ينفع وخلتني الزم عليها تجي معي ( مالت على وجهي ) وركبت الاخت ورى زوجي ولاحظت على غير عاده ان غطوتها كانت رقييييييقه جدا ، وقالت له بدلع مو من عوايدها ( مساء الخير ) ومن جرأتها قالت ( خلي زوجك يشغل لنا أي اغنيه في المسجل ) قلت لها بصوت واطي ( زوجي ما عنده اشرطه اغاني ) قامت رفعت صوتها وقالت ( اجل ممكن يشغل لنا mbc fm ؟؟؟؟؟ وطول الطريق وهي تتمضحك وتستخف دمها مدري وش صار لها ؟؟؟؟ فصخت الحيا مره وحده ….واللي جنني اني لما رجعت للبيت وشيكت جوالي ما لقيت مكالمات صادره لاخوها ولا لقيت أي رقم غريب في جوالي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يعني كانت ناويه ترجع مع زوجي !!!!
والله اني ذيك الليله ما نمت من التفكير .

واخرتها لقيت معها ميداليه مفاتيح محفور عليها اسم ( فهد ) اللي هو اسم زوجي استغربت وسأتها منهو فهد هذا اللي في ميداليتك ؟؟؟؟ قالت زوجك !!!! وجلست تضحك ثم قالت امزح معك يالغياره وحتى الان ما اعرف ليه تشيل ميداليه مكتوب فيها فهد ؟؟؟؟؟؟؟؟؟………
يا بنات بتجنني هالبنت !!!! كيف اتصرف معاها ؟؟؟؟؟
هل اقطع علاقتي معاها ؟؟
تعتقدون ان زوجي له علاقه فيها بس انا يا غافلين لكم الله ؟؟؟؟
والله تعبت وش اسوي ؟؟؟؟؟؟؟؟