والله ان رجلي تعبان ومتوعك . وماخذ أجازه بعد من الشغل ....
بس ماعرفت استغني عنكن <<< ادمنت عليكم
وفي راسي موضوع حبيت آخذ رايكم فيه ... وانطباعكم عنه ...
..
صديقه لي طبعها هادي وحبيبه وجمالها وسط ومستوى تعليمها أقل من وسط يعني يمكن درست الى رابع ابتدائي
عندها ولد ووبنت .. والأهم من كذا زوجها ماشالله تبارك الرحمن على قدر من الوسامه ومستوى تعليمي عال وحنون جداً
وماشالله يحبها ويموت فيه ..ويناديها بأم فلان احتراماً لها .. وماكان يمثل قدامنا الا فعلاً زي ماتقولون حاسس بطعم العائله والزوجه وحاب انه يكون الحنون اللي يظلل عليهم 0 يعني لا الجمال ولا المستوى التعليمي ولا أي شي يكون السبب في محبة الزوج لزوجته الا الله سبحانه لما يحط المحبه في القلب تنلغي كل الفروقات00 لما تشوفين ثنيناتهم مع بعض تشوفين الفرق واضح بينهم في كل شي بالزبط مثل ماأقول.. كل شي!!!
هم من حايل واحنا اللي هي أنا من الرياض أراد الله أن نتجتمع سوا في احدى الدول الأجنبيه خارج المملكه في دوره لمدة سنه..
انبسطتنا والله لصداقتهم وسكنا في طابقين هم في الدور الثالث واحنا في الدور الثاني 0
كانت اسره لطيفه وهاديه... وماخذين معهم الشغاله .. عشان ينبسطون أكثر وتريح أم العيال من شغل البيت
وكمان كانت لسه جديده ةمايدرون وين يحطونها وخذوها معهم
المدينه اللي احنا فيها كانت مره حلوه .. وتوسع الصدر... وابسطنا فيها كثير
ورابع مدري خامس شهر مادريت الا الباب يطق الينها الشغاله حقة صديقتي .. تقول تعالي تبغاك المدام بسرعه... قلت ليه ماتدق علي التلفون وخلاص بدل ماطلع لها0
قلت خلاص أخلص اللي في ايدي وأجي ... قالت لي يامدام تعالي بسرعه المدام بتموووت !!!!
أنا مدري لبست عبايتي ولا مالبستها وعلى طووول على الأسنسير وطلعت فوق وأطق الباب بسرعه قال لي الشغاله .. لا تعالي مع باب المطبخ من الخلف
ياربي شكيت في الموضوع وخفت شوي.... ليه الباب مقفول ؟؟
وقاعده أفكر في جزء من الثانيه 1000 فكره وشلون أتصرف الحين0
وكيف أبلغ زوجها وأساساً ليه هي ماتصلت عليه.. أكيد راح يكون أحسن مني تصرف0
دخلت البيت قالت لي الشغاله تلقينها في المجلس .. دخلت المجلس ....... وشفتها في وضع لاحول ولا قوة الا بالله0
الحرمه جسمها كله أزرق والدموع متلخبطه في وجهها .. والصدمه باين عليها ومتكومه في زاويه المجلس .. ياليت فوق الكنب .. الا على الأرض ..
ومن يوم شافتني وهي قاعده تتكلم كلام مو مفهوم وأنا أحاول أجمع جمله واحده بس مافهمت ولا شي ...
لي عوده لكم ........ أبطل على أبو العيال وأجي
كبسوله @kbsolh
محررة
يلزم عليك تسجيل الدخول أولًا لكتابة تعليق.
عاشقة التصميم
•
يله بسرعه ..:26:
لا حول ولا قوة الا بالله
الله يصبرها اذا دخل الضرب بين الزوجين هرب الحب
فالله يصبرها
الله يصبرها اذا دخل الضرب بين الزوجين هرب الحب
فالله يصبرها
سلامااااااااااااااات لإبو العيال .... كملي القصة يا كبسوووووووووولة ... الله يكون في عونها ...
الصفحة الأخيرة