.

.
- الفصل الــرابــع -
.
.
الرجال تفهمهم النساء ، ولكن النساء لا يفهمهم الا النساء

وأنتهى الأسبوع ..وبسرعه أيضاً ويلي ؟؟ يالهذه الأيام كيف تمر بهذه السرعه ..إنها من أعمارانا ؟
.
.
كانت الهنوف قد وعدتنا بوجبة إفطار ساخنة يوم السبت لذلك وأنا أرتب أغراض البيت جائتي رسالة من الهنوف بكلمة واحده ألا وهي : ( بتســـــروا )
..
.
.
حاولت أقرأها أفهمها لم أستطع الصراحه ؟ هل تقصد بتسرو ا يعني بتسرون وكما قال راشد الماجد يالله ياقلبي سرينا ؟
.
.
عبثاً حاولت لكن لم أستطع !
.
.
ويوم السبت أستيقظت متأخرة وبسرعه لبست وليس عندي وقت للتشيك والكشخة
.
.
ذهبت وجدت البنات متكيين سفره وفول وبيض وكبده !
قلت : خير يالمشافيح طيب أنتظرو شوي ؟؟
.
.
قالت الهنوف : لا تسوين يعنني وتقولين ماوصلتني الرسالة <<وهي تقلد نبرة صوتي خخخخخخخخخ ترى تم الأرسال أنا ودي أعرف وش يحسون به هذولي الناس الي يقولون ماوصلت الرسالة ؟؟؟؟؟
والي يدبلون كبدي أكثر الي يقول لك ماوصلني الإيميل ياااااااخي هذي أشياء الكترونية غصب عنك توصل ! وش يحسون به كذابين
.
.
قلت لها : الهنوف ايه صح تذكرتك أرسلتي لي رسالة فيها شي غريب ايش ياربي اها يالله ياقلبي سرينا ...
الهنوف : أوووووووم الحالة أنا قلت لكم كلمة وحده عشان ماحد يحرف كلامي (( بتسروا)
يعني تعالوا مبتسرين مبكرين يالهاي كلاس مافهمتوها ..
.
.
قالت أسيل : أنا بصراحه فهمتها ..
قالت ديمه : تصدقين توني أفهمها هههههههههه قلت يمكن الهنوف أرسلتها بلخطأ خخخخ
الهنوف : ليش تحسبيني مفهيه ؟؟
ديمه : أصلاً دايم إنتِ مفهيه متى مافهيتي خخخخخخخخخخ
.
.
وجلست أفطر شوي وجات نوال والكل صلح قعدته ورتبنا القعده وعزمنا نوال وجات وقعدت تآكل معنا ..
شوي إلا والهنوف طقققققق تكسر البيضة في جبهة نوال __ وهذي حركة الهنوف قد سوتها قبل في ديمه وقعدنا نضحك بس نوال زعلت وقامت ..
هناك أشخاص يتقبلون الضحك والتنكيت والذب وهناك أشخاص لأ ..
.
.
كملوا البنات وأنا كنت مسويه ريجيم لذلك قمت وقعدت مع نوال وقلت لها ترى الهنوف تنكت ودايم حركاتها كذا وليدة اللحظه عفوية جداً هالبنت..
.
.
قالت لا لا عادي بس أنا قعدت مجامله لكم ولا أنافطرت مع أمي وعيالي ..
.
.
قلت لها أنتِ متزوجه ؟
.
.
قالت : متزوجه وغير متزوجه ؟؟؟
.
.
قلت لها كيف ؟ قالت ومع قدوم البنات كلهم ..
.
.
أنا متزوجه ..
قالت : ديمه تصدقين نوال يوم أشوف لبسك وكشختك أقول ياحظ زوجها ..
.
.
ضحكت نوال وهي حزينه ..ضحكتها كنها تسخر من شي ؟؟
وقالت : أسمعوا خذوها مني وحده مجربه أي إنسانه تشوفونها تبالغ في لبسها ومكياجها وتصلحها تعطرها وتلبس عباية مزبرقه أعرفوا إنها مو تمام في زواجها وأي وحده تشوفونها ملخبطه غير مهتمه في شكلها إعرفوا إنها متصالحه مع زوجها ميه بالميه ..
الإنسانه الي عندها نقص من ناحية زوجها تلبس وتتضبط وتتكشخ تحاول تلفت النظر أو تكمل النقص !!!!
.
.
قالت الهنوف : هه شوفي الي يخافون من العين وش يقولون ..ذكية يانوال باين من جبهتها تصهلل صلله تتوقعين تدهنها بفازلين ولا صابونة الجوجبا هي السبب خخخخخ
.
.
ناظرت في الهنوف ودي تسكت شوي
قلت لنوال : إي صح نوال مو قلتي لي أنا من الدوا ؟؟
.
.
نوال : هههههههههه الأعضاء عرفوا إنها الدوادمي وإنتِ ماعرفتي
.
.
أسمعي يالمصممه بقول لك قصتي بس أمانه تعطيني حل وش أسوي في هالورطه الكبيره ؟؟
.
.
عندك وقت تسمعيني ؟
.
.
قلت لها أما عندي وقت إلا عندي أوقات هاتي ماعندك ...

أسلمي أسلمي
.
.



تعلمت أغفر الزلـه .. ولو گـان الخطآ قتّآل ..
.. أبد ماگـان من " طبعـي " قلوب النآس{ أأذيها..~

* .

------------------------------------

.
.
.
_ الفصـــل الخــامس _
.
.
على اكتافي كطفلة صغيرة احمل ذكرياتنا وامضي من ليلة الى ليلة .....
ومن نجمة الى نجمة غير واعية لمايحدث حولي من تبدلات في السنين ...استعير عواصف ثلجية لاطفئ فيها حرائق الشوق والغربة
ويزورني المطر مرحا ويفهم باني وحيدة... وتناديني المرايا والاغاني والنجوم المضيئة فتفهم باني وحيدة
عندها اخبأ عند كل زهرة غافيه وكل غيمة مهاجرة وكل دمعة ناعمة كنت طفلة صغيرة حالمة وحتى الآن أحمل كل ذكرياتي ....!

--------------------------
.
.
ذهب الجميع في ساعة بريك شغلتهم مقاطع بلوتوث في جوال ((ريمــا)) صور ومقاطع فيديو الي يطيح والي يصدم مناظر دموية للآن ودي أفهم ليش تستهوي البنات هذي المناظر
.
.
وديمه تصييييح وتناظر وتصيييييييييح ! طيب ليش تشوفين هالأشياء تستاهلين ...
.
.
أنا ونوال قعدنا في ركن بعيد وهاديء كنت متأكدة بإن نوال تريد أن تحكي أسرار بعيداً عن الضوضاء والصجه واللجه ..!
.
.
تقول نوال : بقول لك قصتي الطويله من يوم ولدت ..!
أبوي قدم من ديرتنا وهو صغير أشتغل في الرياض وكافح لين صار عنده فله كبيره في النسيم وعنده مكتب عقار هذا الكلام له عشرات السنين ..
وكان أبوي يحب أهله وناسه وجماعته تصدقين لو أقول لك يقدسهم تقديس !
ويعتز بأصله وفصله وقبيلته حتى إنه ورثنا هالشي الحين حنا مصدقين بإننا شعب الله المختار!
.
.
أبوي له تأثير كبير في حياتي قوي وطيب وحنون وأصيل وكل شي زين فيه كنت معجبه فيه الله يرحمه ..وكنت أتمنى أتزوج رجل بشهامة أبوي ورجولته ..
أنا : يوووه مات الله يرحمه ..
.
.
وكان أبوي يستضيف أي شخص يجي من الديره أخوانه عيال عمه أقاربنا من بعيد ومن قريب كأن بيتنا فندق وذبايح وتكاليف أحياناً فوق طاقة أبوي ..أهم شي يتجمل قدامهم ..
وكانت جدتي الله يرحمها تشجع أبوي على هالشي تقول ربي مبارك لأبوكم في رزقه لإنه كذا..
تعودت أمي على هذا الحال ...
ولإن بيتنا كبير ماكنا نشعر بالتضايق لأ بالعكس نشعر بالوناسه ..
كل يوم ناس وبنات وجمعة ..ونآكل مع بعض الجمعه حلوه بشكل عام ..
مو بس كذا وكان أبوي يدور لهم على بيت لإنه راعي مكتب عقار ..وأحياناً يدور لهم على وظيفة ....
وأستمر الحال على كذا ..
.
.
أمي جابتني أنا البكر وبعدي جابت ثمن بنات ..!
.
.
ماجابت ولا ولد ..مع ذلك أبوي يحبها وماتزوج عليها ولا حتى فكر

أمي بعد ضحت كثير شالت أبوي وأمه وأبوه وأهله كلهم على راسها كانت تشتغل وتنظف وتطبخ وتقدح للمئات وماعمرها قالت لأبوي في حياتها لأ ..!
.
.
ربي فتح على أبوي وصار أغنى واحد في جماعتنا ونقلنا من النسيم للعليــا وبعد ماتخرجت من الجامعه أمي فتحت لنا مشغل على أساس يفيدنا ونشغل أوقات فراغنا في إدارته ..
.
.
.
كبرنا وصرنا أطول من أمي ومن أبوي بعد! ..والغريب إنه ولا أحد من جماعتنا جا يخطب مننا ؟
ليه ما أدري ؟
يمكن لإن أبوي غني ؟
الناس مآخذين فكره إن أبوي مدللنا بزياده ..وهو صدق أبوي كان يلبي كل طلباتنا الناس الغرب أبوي مايردهم أجل شلون حنا بناته ؟
ينتقدوننا كثير لإن مثلاً عندنا سواق ..من زمان حنا عندنا سواق !
أكيد بيكون عندنا سواق أجل مين بيودينا ويجيبنا مشاويرنا !
مايعجبهم لبسنا ..يمكن يشعرون بإن طلباتنا راح تكون كثير ؟
.
.
أنا لإني الكبيره أحس أمي وأبوي كانوا ودهم يزوجوني يفرحون بي بس مالله كتب ..!
وأنا في المدرسه كثير بنات خطبوني لأخوانهم ..
وإذا علمت أبوي كان يعصصصصصصب ويقول مابقى إلا فلان وعلان !
قلت له : آل فلان راعيين المعدات الثقيلة والسيارات
وكان يقول : مايهمني ..قلت لكم أي واحد من غير قبيلتنا مرفوض مرفوض
أنا بزوجك واحد من جماعتنا ..!
.
.
كبرت أنا وأصبحت عند عايلتنا الكبيره أشهر عانس ..ولقب عانس هذا أسوأ لقب ممكن تحمله المرأه يعني مطلقة ولا عانس ..!
كأن منبوذه ماحد يبيني ؟
على الأقل المطلقه جربت حظها !
صرت حساسه جداً من هالموضوع وأمي وأبوي يحاولون مايجيبون لي أي سالفة زواج ..
بنات عمي كلهم تزوجوا ..وبنات خالي ..مابقى أحد ..
والي بعمري صار عندهم ولدين وثلاث وأربع ..
.
.
وأنا محلك سر !
والشي الي كان قاهر أمي وأبوي وقاهرني أنا بعد إني ولله الحمد كنت أحلى من بنات عمي وأزين من بنات جماعتنا أي نعم بعضهم زيون بس أنا بعد مو ناقصني شي لو إن فيني عيب بقول يمكن علشان كذا أو كذا ...بس مافيه أي عيب وأمي وأبوي كانوا دايم يردون هالشي للنصيب !
.
.
أحلف لك ما أحد من جماعتنا تقدم بالرغم من الجميل الي أبوي سواه معهم ليش مآخذين مننا موقف سلبي الله أعلم !
.
.
أنهيت دراستي الجامعية ..والي كان هامني أكثر خواتي بعد كلنا مابيينا إلا سنه سنه ..كلهم ماشاء الله تبارك الله طولي ..!
الله يرحم أبوي كان شايل همنا ..!
.
.
أنا تعقدت من الحياة ..كنت أحلم يكون عندي بيت وعيال مملكتي الخاصه
.
.
بس مالله أراد ...كبرت وكل يوم أزيد تعقيد عن ماقبله لين أصبت بحاله نفسيه كل مارحنا زواج أمي تقول بسوي كذا في زواج نوال بحط كذا وتآخذ أرقام الطقاقات لين صار عندنا بالدرج أرقام كثيرة لمقهوجيات ..طقاقات ..وخدمات كوش وورد وأفرح !
وجدتي المقعده كانت تقول والله لا أقوم على رجليني وأرقص في زواج نوال ..
وأبوي كان يقول :زواجك يانوال إن شاء الله بيكون في أكبر قصر في الرياض و..و..
كنت أتعقد أكثر ودي أحقق أمنياتهم صرت شماعه الجميع معلق آماله علي !
.
.
وبعد فترة أخواتي الصغار صارو ينخطبون من عيال خالاتي ..! قلت يووه يعني أنا حجر العثر الي واقف وساد موية النهر من الجريان !
ماكنت رافضه مبدأ إنهم يتزوجون قبلي ..أشوف الموضوع عادي ..!
.
.
أبوي حلف وقال والله ماتتزوج ولا وحده فيكم قبل نوال ! ولو كانو الرجال يشترون كان أبوي أشترى لي واحد كنت مسببه له عقده حزين دايم لإجلي ..الله يرحمه بس الله يرحمه ..
.
.
أنا صرت أقوم في الليل أصلي وأدعي إن ربي يرزقني بزوج صالح ..
عشان أبوي ..وعشان أمي تفرح ..وجدتي
وأخواتي يتزوجون أوخر من طريقهم ..
وعشان أنا بعد صار ودي أتزوج أنا مثل أي بنت أحلم بزوج على حصان أبيض يحبني ويكون أبو لأولادي ..يوه ..تعبت ..والله تعبت ..
لذلك حلفت قلت والله إذا تزوجت أحب راس زوجي !
لكن هيهات ..
.
.
صار عمري تسعه وعشرين على مشارف الثلاثين ..كنت مستبعده إني أتزوج ..لكن مافيه شي بعيد على ربك !
.
.
فلما أستحكمت حلقاتها ..فرجت وكنت أظن بإنها لاتفرج !
--------------------------------
بيآخذنا حنين ويجـيبنا حنين ..أيام بتعددي وكل يوم بشـــوف كثثثثثثثثثثثثثــير ..
بتغيب أوقـــات عن بالنــا حاجات ..وحاجات في قلوبنــا بنفتكرها بكل خير ..
.
.

.
.
.
_ الفصــل الخامــس _
.
.
.

اقلـّبُ الايام فـي بـالي وانتظــرُ ........ فـرحـاً قــريبـاً لـي فأصــطـَبـِرُ

مرّت عـلى قلبي الاعـوام ارقبهـا ........ عسى ان تنقضي الاحــزان والضُـــرَرُ

سافرتَ في ظلمة الليل البهيم كأنني ........ أعـــدو وخـلفيَ الـنسيـــان ينتصرُ

ما عـاد لي في الارضِ من وطنٌ ........ وراحــت الافـراح بـالالآم تـَستــَتـِرُ

كــأن نجومَ الليل شـاحت بوجههـا ........ عني واخفى ضَـوءَهُ الــــــقمرُ

أمي وأبي أنتما في بحورالـحب ازمنتي ........ والــحـُب فـي داخلي يخبو وينحسرُ

فقـد كـُـنتِ لــي نورا اسير بـهِ ........ شـَمـسـان إن رآهمـــا الليل يندثرُ

عـاهدتمانِ ان تكونا لـي فيـا عجباً !........ أهـكذا تـُخـلـفُ الاقـوال والـنـُذرُ؟
-------------------------------------
.
.
.
تكمل نوال قصتها وأنا أنظر لعينيها الواسعتين أترقب أتساع حدقة العين مع كل إنفعال !
كانت تشعرا أحياناً بسعاده وأحياناً بحزن عميق ..الحزن أثر فيها أكثر ..كثير
ربطت السعادة في حياتها بوالدها الحنون ..ووالدتها - الله يطول بعمرها -
.
.
لكن في كل الأحوال ماحد يدوم لأحد ..لذلك أصبحت نوال هاجس ...ويأس الجميع من زواجها ..
.
.
تقول نوال: وفي يوم من أيام الرياض الممطره البارده .. تغدينا وأذن العصر ..
أشوف أمي وأبوي على غير حالتهم ...!
موطبيعين بالمره كأنه صار شي ...قلت في نفسي يمكن أمي حامل وبولد ..!
شكل أبوي فرحاااان إلا بيتشقق من الفرح يضحك من قلب قلبه وأول مره أشوفه تغدى وكمل صحنه كله ..وسأل عن الحلى !
لالالا فيه شي ..وأمي وأبوي مايخبون عني شي ..
.
.
وأنا أصلي العصر أسمع أمي تنادي ..نوال ..نــوال ..يانــــوال تعالي
قمت خلصت آخرركعتين وبسرعه جيت وأنا لابسه لبس الصلاة ودي أفرح يوووه من زمان ماسمعت خبر مفرح !
.
.
دخلت الغرفة ...وقلت :وش فيكم ..يمه أحس فيه شي ..بيجينا ولد يمه ؟
.
.
قال أبوي : إيه بيجينا ولد إن شاء الله ماتعبنا فيه ! أسمعي يانوال عبد العزيز ولد عمك محمد تقدم لخطبتك ..
.
.
أنا أستغربت ..عبد العزيز؟؟؟ ..ولد عمتي منيفه ؟
.
.
قال : أبوي ايه هــو ماغيره ...دكتور ..وناجح ..وذكي وبن حلال ومن جماعتنا مننا وفينا ..
.
.
قلت له : أبوي بس عبد العزيز متزوج وعنده ست عيال ؟
.
.
أمي : مافيها شي يابنيتي وحتى إذا متزوج شوفي نوره بنت خالتك تزوجت واحد عنده خمس عيال وهي في عز النعمه الحين ..ولا القعده كل سنه من عمرك محسوبه عليك ..!
.
.
أنا للحين مو مستوعبه هو ولد عمي من بعيد وزوجته بدريه مثالية جداً وتقرب لنا بعد وأعرفها زين ..كيف أتزوجه ..أعرف بناته بعد الصغار يووه صكني راسي ..!
.
.
هذا مالم أخطط له في يوم من ألأيام ..!
وكأن أمي وأبوي يقولون مافيه إلا هو ..!كأنهم ماصدقوا إنه خطب عندهم ..
.
.
قلت لهم : طيب دامكم موافقين ومقنتعين خلاص بس بستخير هالأسبوع ..
.
.
قاطعني أبوي وكأنه يقول مافيه وقت حتى للإستخاره ! أستخيري يوم واحد ..
يانوال هذا عزوز تربى في بيتي وعلى يدي ولد مؤدب ومحترم وشاطر مايحتاج تفكير !
.
.
قلت لهم الي تشوفونه وأنا للحين مدري وش شعوري مو سعيده ..مو حزينه متفاجأه جدا!متلخبطه متردده ..مدري كيف أتزوج واحد متزوج ؟؟
.
.
عبد العزيز / عمره خمسه وأربعين وأنا عمري ثلاثين ..وزوجته بدريه تقريباً عمرها سته وثلاثين ..
جو أهله من الدوادمي وسكنو عندنا وبعدين أنتقلوا لبيتهم و أبوهم كان مهتم بالتعليم لذلك كلهم هو وأخوانه وخواته أطباء ومدرسين وعليهم العين ماشاء الله تبارك الله ..
.
.
أستخرت وجهزنا كل شي ...وشافني وأعجبت فيه بشكل منقطع النظير قلت في نفسي يوووووووووه هذا عزوز المعصقل صار ماشاء الله طويل وشخصية ورزه بعذر أمي وأبوي طاروبه..
.
.
نعرف بعض وحنا صغار صحيح إنه أكبر مني بكثير ...آخر عهدي فيه يوم كان يتدرب هو على لبس الشماغ وأنا كنت أتدرب على لبس العبايه ..!
صدق التعليم يضيف للرجال كثير ..دكتور ..وأخيراً بتزوج ..ودكتور ..غصباً عن بنات عمي الي يدقوني بالكلام !
وحتى لو متزوج وخير ياطير الي مثله يحق له يتزوج أربع ..
كل مبادئي وفلسلفاتي تغيرت يوم شفته ..حبيته من أول نظره ..
مو أنا أول ولاآخر وحده تتزوج واحد متزوج ..
.
.
.
يمكن حبيته لإنه دكتور وله مكانته الإجتماعيه بين عايلتنا ؟
يمكن حبيته لإنه وسيم ماشاء الله وموباين عليه السن ...؟
والأكيد إني حبيته لإنه بيشيل عني لقب (عانس ) وبيحقق أحلام أمي وأبوي وجدتي وحلمي أنا
وبصير حرم الدكتور عبد العزيز ..
صدق العانس تقدر الرجل أكثر من غيرها يمكن لإنه جاء بوقته ..!
حتى أبوي سبحان الله أشعر بإنه يحمل لعبد العزيز جميل كبير لإنه خطبني ...
.
.
.
يوه ياعبد العزيز وينك من زمــــان ....؟؟؟
.
.
--------------------------------
أحمل في داخلي كل متناقضات العالم من أمل ويأس وفرح وحزن وسعادة وشقاء فأنا سعيدة بحبك

.
.
.
_ الفصل الســادس _
.
.
العانس الجميلة تمر في وطننا العربي بعدة مراحل وهي كالآتي:
في العشرينيات من العمر تصبح عانسالثلاثينيات عانس مع مرتبة الشرفالأربعينيات عانس مع مرتبة الشرف الأولىالخمسينيات عانس متقاعدةالسيتينيات يرفع عنها لقب عانس لتصبح عجوزاً شمطاءً دردبيساً!
.
.
تكمل نوال قصتها وتقول : الحمد لله تنازلت عن مرتبة الشرف الأولى !
.
.
ونلت شرف الزواج من الدكتور عبد العزيز ..وأصبح لي في مجتمعنا قيمة ودور ..
رتبنا كل شي وجهزت بسرعه ..وابوي ماخلى شي قاصر علي لدرجة إنه تغاضى عن أشياء كثيرالمفروض يسويها زوجي في سبيل إتمام هذا الزواج والحمد لله تم ..
.
.
وكل شي مر على خير وسعادة ..وفرح ..سافرنا للخارج لقضاء شهر العسل
.
.
وكان هالشهر أحلى أيام حياتي يمكن لإني أول مره أسافر للخارج ..!
.
.
أبوي صحيح كان غني بس حنا بنات كثار يسفر مين ويخلي مين ..؟؟
.
.
والحمد لله عبد العزيز يحبني ......
.
.
رحنا باريس ولندن وجنيف ..
.
.
وكان عبد العزيز مايكلمني عن زوجته وعياله وبناته ليش ماأدري بس يمكن مادوه يجرحني توه بدري على هالكلام !
بس في نفس الوقت يلمح إنه وأخيراً تزوج الي بباله ..
أو يمكن إنه وجد الحب ..أنا متأكده إنه يحبني أكثر منها هذا إذا كان يحبها أصلاً ..
ولاحظت إنه أول مره يشوف لبس معين يعني ..أشياء كثيره ..عرفت منها إن زوجته ماتهتم بنفسها كثير ..لو كان باقي عليها أو يحبها ماتزوج عليها ..هذي الفكره الي ببالي ..وليتني ماحطيتها ببالي !
.
.
وحنا في جنيف دخلنا محل فخم للساعات ودخل عبد العزيز وأشترى أفخم ساعه ..وطبيعي حسبتها لي
وبعدين عرفت إنها لزوجته بدريه ! - وهذي أول حركه جرحتني ! -
قلت في نفسي : أبوي ماخلى علي شي قاصر عندي عشرات الساعات وكلها ماركات ..وكأن زوجي بعد يقول في نفسه ذات الشي ..ليش الزعل من الحين ماله داعي ؟؟
.
.
في الحقيقة مدري كيف كان عبد العزيز مع بدريه أول أيام زواجهم أكيد كان غير لإنها الأولى.وهو كان أصغر ... كنت دايم أفكر فيها وفيه غصب عني ! بس للآن ما أتخذت موقف عدائي ضد بدريه ..
.
.
ويوم رجعنا الرياض سكنت في فيلا دوبلكس هي في الأساس لأبوي ..لإن أبوي كان يبيني أسكن بجنبه عرض الفكره على زوجي ووافق زوجي في نفس الوقت أبوي ما أجرها على زوجي ..!
.
.
وبعد شهر ثاني جاتني المشكلة رقم ( 1 ) في الرياض قال لي عبد العزيز : نوال حبيبتي إسمعي تدرين إن عندي شغل وعندي بيت أول ..عندي زوجه وعيال ..لذلك أنا ما أقدر أقعد عندك طول الوقت الدين والشرع قال يوم هنا ويوم هناك ..
.
.
وهذا القانون بالنسبه لي كان ظالم ! لإنه عاش معها أكثرمن سبعطعشر سنة عسل وأنا شهرين بس !
.
.
مع ذلك قلت طيب ..أوكيه الي تبيه أبشر ..

كنت أحترمه وأبجله بشكل كبير بالعربي أحبه حب يفوق الوصف
.
.
والمرأة التي تحب شخص تحب أن تتملكه ومع حالتي للأسف إستحاله ..مين يتملكك ياعبد العزيز ولا مين؟؟ أنا ولا بدريه؟؟ ولا بناتك؟ ولا عيالك؟ ولا شغلك؟ ولا أمك ؟ولا أبوك؟؟ هل بيبقى مكان للي ببطني .. ..
.
.
يوووووووه فكره ميئوس منها ..لذلك شلتها من راسي ..!
.
.
.
ومرت الأيام ..وأنا ولله الحمد سعيدة بالحياة الجديدة هذه ..عندي بيت وزوج ..والحمد لله عرفت إني حامل ورحت أنا وأمي للدكتوره وسويت تحليل دم وطلعت حامل ..
.
.
بس يوم بشرت عبد العزيز كأنه مافرح أو على الأقل مو نفس فرحتنا أنا وأمي وأبوي ..!
.
.
طبعاً لإن عنده عيال قبل ...شي عادي حامل يعني سووو وات
.
.
مايهمني أنا سعيدة بحملي تجربه وحلوه ومفرحه ما أجمل أن تكون المرأة أم
.
.
حددت لي الدكتوره يوم الولاده لإن وضع الطفل يتطلب ولادة قيصريه وسبحان الله كانت بدريه بتسوي في نفس اليوم عملية المراره ..!
.
.
وقعت في المشكلة رقم (2) هــل سيذهب عبد العزيز مع بدريه أم سيأتي معي لحضور أول ميلاد لإبنه منــــي ؟؟؟
سيحرمنا من وجوده ؟
.
.
كنت ما أدري ولا عن شي إلا إن أمي حضرت وكانت قاعده بجنب راسي والدي ينتظر في الخارج ودخلوني غرفة الولاده...
.
.
.
التعب والهلاك وضنى الطلق إضافة الى الخوف والرعب فأنا بكر كل هالأشياء نستنــي أسأل عبد العزيز حضر ولا لأ ؟
.
.
عبد العزيز جــا يشوف إبنه يأذن في إذنه؟؟ يحنكه ؟؟عشان يصير دكتور مثله ...؟
.
.
للآن مدري هو جــا ولا لأ ؟ أكيد عبد العزيز بيحضر يدري قد ايش مهم في حياتي هو وفي حياة إبنه ..
.
.
تتوقعون جـــــــــــــ؟؟؟؟؟؟؟ــــــــــا؟؟
.
.
-----------------------

شكسبير

ليس في العالم وِسَادَةٌ أنعم من حضن الأم