اخواتي انا راح ادخل في الموضوع على طول :27:
صديقتي وهي مقربة من اهل زوجي لديها صديقة ومره تعزها وصديقتها هاذي عائلتها كبيرة و مرتاحين ماديا جدا وماشاءالله ربنا فاتح عليهم المهم محلاتهم كل شهر يطلعو نسبة من المال ويتصدقو فيها
الصدقة على كوبونات تاخذيها لاي سوبر ماركات او هايبر تقضي منها تقريبا 500 ريال في كل كوبون
وكل شهر لما تنزل هاذي الكوبونات كل عائلة تاخذ كوبوناتها وتوزعها بطريقتها حتقولو وين المشكله
المشكله انه صديقتي هاذي بتاخذ منها صحبتها دي بتعطيعها وبتعطي صحباتها وانا حااقولكم ايش ظروفها وانتو احكمو
زوجها كهربائي في الفنادق وسعودي يعني تعرفو يكون راتبه 3000 الالاف واظن هوا 4000 الالاف وشويه لانه له فترة وعندهم ولدين واحد السنه دي اولى ابتدائي والثاني اصغر منه ب سنتين وساكنين في شقة بسيطة جدا وقديمه نوعا ما 4 غرف يعني الايجار في حدود 16 الف وماشاءالله من 6 شهور اشترى سيارة جديده من المعرض والله العظيم ماكتبت لكم حالها الا عشان رايكم ولا مو من حقي اكتب حالها لانه هذه اسرار بيوت
انا يابنات سالتها بطريقة غير مباشرة ليه بتاخذ الكوبون تقول صحبتها بتعطيها لناس اغني منها وقالت ليش انا مااخذ على الاقل اساعد زوجي واشتري اللي في نفسي وتخيلو يابنات زوجها صار مايقضي للبيت يقولها من الكوبون ماازيد شي واظن قالت لي انه اختها مدرسة دراسات اسلاميه زعلت منها لما عرفت بس مااهتمت لزعلها
مدري يابنات والله احس انه في ناس محتاجين اكثر منها ومن صحبتها اللي بتاخذ وبتوزع لصديقاتها وتدرو يابنات اهل الزوج كيف اذا اتكلمت حتقول حاسدة ومايملى عيني شي
( لانه زوجي راتبه طيب ولله الحمد ) انه احنا نشوف اننا نقضي ب 500 ريال شهريا كثير تعرفو شهر مقاضي وشهر يكون المقاضي اقل لانه يكون باقي من الشهر الماضي يعني شوفو كيف الكوبون دا كيف حيعيش عائلات مكونه من 7 افراد او اكثر وكيف هما حيلعبو بيها والله انه حالتهم الماديه والزوجيه مابتتحسن وزوجها مشاكل في العمل وفي البيت خايفه انا لايكون بسبب هاذي الكوبانات انه بياكل مال مايستحقه يابنات ساعدوني كيف انصحها ايش اقول وصحبتها دي كيف اوصل لها لانه والله خسارة الفلوس دي ماتروح لمستحقيها
وهل معايا حق في كلامي ولا اخليها ولا ايش اسوي ؟؟؟