صديقتي وامها؟

السلام عليكم ورحمة الله
بنت تقربلي تشكيلي من تعامل امها معها
اول شي هي البنت الوحيده بين اربع اولاد
امها متعلقه فيها لدرجة انها ماتبيها تبعد عنها لو ساعة وحده
ربتها على اساس ان كل الناس يكرهونها وهي اللي تحبها بس
حتى لمن تزوجت البنت تعبت الام وصارت تدعي ان ربها يردلها بنتها وبنتها الحين عندها بعد ماتطلقت
تقول البنت عمري ماسمعت امي تدعيلي بالتوفيق والسعاده دايما اطلب منها تدعيلي وتكتفي باادعيه
مثل الله يحفضك والله يهديك وغير كذا ماتدعي لها وتقول اشوفها تدعي لخواني بسعاااادة وراحة البال والتوفيق في امور حياتهم وانا ماعمري سمعت منها هالدعوات ولقالت لامها ادعيلي بزوج الصالح تتهرب الام ووجها يتغير وتقول ايش تبين في الزواج ماحد بيجيلك شباب والشايب ماترضين فيه
وحتى لو اجتمعوا عند ناس دايما تثبت لناس ان بنتها على خطاء وان بنتها ماتعرف شي ومعتمده بعد الله علي ( يعني على امها ) و وتكره تشوف احد يكلم بنتها لصار بينها وبين امها سوء تفاهم تقولها امها كلها
من فلانه وعلانه يحرضونك علي .. اذا شافت بنتها تضحك مع اي احد غيرها تتعب وتجلس ايام ماتكلم احد ..
البنت تعبانه نفسيا وتحس حياتها واقفه مع انها ترضي امها قد ماتقدر ولاعمرها عقتها بكلمه
لكن تقول احس ربي مو موفقني كل شي اواجهه يكون ضدي عمر الحظ ماحالفني بشي
لها سنوات ماحد دق بابهم ووحده كلمتها كانت بتخطبها لخالها بس قالت امه رافضه يتقدملك
يقلون امك ماتقدر تبعد عنك يعني اللي بيتزوجكي يحسب لامك انها تعيش معك

بنات لاتقولن هذا عقوق ومادري ايش
البنت تدري ان الجنه تحت اقدام الامهات بس تصرف امها معها كاسرها ولاتدري ايش تسوي
البنت مرضيه امها وقايمه فيها وشايلتها شيل حتى حافز لا جاها تعطي امها كل شهر
هذا كلام قريبتي وصديقتي بنفس الوقت وهي بجمبي الحين وتقولكم ادعولها