صديقتي وجارتها النشبه ساعدوها

اهلين بنات
مابطول عليكن قبل كم يوم صديقتي تشتكي لي من جارتها تقول ان عندها جارتها طيبه وحبوبه ونعم فيها بس عيبها ان تجيها كثيير مررره تقول دايم اذا شافت احذية حريم عند الباب او اذا درت ان عندي ضيوف تنزل بدون استئذان بدون ما تتصل يعني هالحركه تسويها بشكل دائم ومتكرر مو مره ولا مرتين قبل فتره تقول سويت عيد ميلاد لصديقتي ومافيه احد الا صديقاتي يوم شافت الاحذيه عند الباب وسمعت الاغاني علطول لقيتها تدق الباب وقبل كم يوم تقول عزمت اهلي على الغداء فقط يعني جمعه عائليه فقط وتغدينا وبعدين جلسنا نشرب الشاي وسوالف وضحك ومبسوطين مع اهلي واخواني شوي الاقيها تدق الباب وتطب علينا تقول كنا مبسوطين خربت علينا جلستنا وعلى هالموال صرت ادخل الشوزات جوا البيت عشان ماتحس ان عندي احد بس مازالت تعرف تقول شميت ريحة بخوك قلت اكيد عندها ضيوف يعني هي من النوع اذا عرفت ان فيه احد عندك تدرعم هي وعيالها هذا غير شقاوة عيالها ماشاء الله عندها ٤ اولا تعرفون الاولاد وشقاوتهم يكسروا وينطنطو ويدخلو المطبخ ويلعبو صديقتي تقول انا مابي اجرحها واقولها لا تجين بس ماتدري شلون تتصرف معاها او شلون تلمح لها لو انتو مكانها وش بتسوون؟؟ عطوني رايكم عشان ارسلها