الرجل لما يحب وحدة بجد ما يروح يتزوج اخرى للأسف لعب عليها و تركها و هي مستمرة في الغباء تريد تضيع عمرها الباقي تنتظره المفروض العلاقة هذي غلط من البداية بس الله يهديها الآن مستمرة أكثر في الغلط و كل مرة غلطها قاعد يكبر عن المرة الي قبلها وش ذنب المسكينة يلي تزوجت واحد كان يلعب ببنات الناس ليش قاعدة تسبها على أساس هي الي راحت خطبت هذا الانسان مو هو الي ركض وراها و تزوجها قولي لها سمعتك أهم من اي رجال و ترى اذا استمريتي كذا زوجته تفضحك عند أهلك و كل الناس و ما تنلام اذا سوتها دامها قاعدة لاصقة فيهم من غير كرامة قولي لها لما يتقدم لها صاحب خلق و دين تتزوجه و تترك هذا الشخص الي تسلى فيها الله يحاسبه و كما تدين تدان لا تخاف الزمن بيدور عليه و يدفع ثمن الي سواه و قولي لها عسى أن تكرهوا شيئا و هو خير لكم لو فيه خير لك كان تزوجك بس ربما الله أبعده عنك عشان مصلحتك فلا تركضي وراء القاذورات قولي لها تحذر زوجته ترفع عنها قضية و تمرمطها و تمرمط سمعة اهلها اذا استمرت لاصقتهم و وقتها ما عاد احد يدق بابهم يطلبها لا هي و لا خواتها اذا انفضحت بين الخلايق قولي لها خلي عندك كرامة شخص ما يبيك وش تبي فيه وش تبي أكثر من إنه أنكرها أصلا و سوا إنه ما يعرفها هذا مو حب الي عندها هذا إسمه قلة كرامة

بلغيها ترا يقدر اهو وزوجته يرفعون عليها شكوى يجرونها ويسجنونها ما فيه اثبات على علاقتهم ولا فيه مشكله اساساً اهي اللي مبثرتهم وتتطفل عليهم وتتهجم وتقل ادبها تقصر الشر وتشوف حياتها ضيعت مستقبلها مع واحد يطقطق عليها خلاص كافي تلتفت لنفسها وولحياتها لا تضيع مستقبلها بيدها واخرتها سجن وفضيحه

هي تبا تخرب حياته مثل ما حرق روحها والله ما الومها لعب بمشاعرها وراح يعيش بلا ادنى تانيب ضمير
بس قوليها لحد هنا وخلاص
والله يرزقها بوظيفه تشغلها وتنسيها النذل ويرزقها بزوج يسعدها يارب

هي ما تحبه.. هي بس مقهوره من اللي سواه فيها وصار عندها ردة فعل.. صدقيني لو يرجع يتزوجها راح تتنقم منه لأنها مكسوره..
حاولي تفهمينها تنظر لحياتها ومستقبلها وتري هو مبسوط انها تلاحقه ومخليها منظره قدام زوجته يعني اني احبك والبنات يلاحقوني..
احسن حل تسحب عليه تماما وهو راح يرجع يدور عليها بعد كم شهر واذا رجع يدور عليها لعاد تكلمه ابدا ابدا وتشوف حياتها وان شاء الله تتزوج واحد ينسيها هذه الكسره..

صديقتك مسكينه وبس تزوج وعنده ٣ وتلاحقه قوليلها تنساه وتتزوج وتعيش مب نافعها تنتقم من نفسها