هي ضحيه مثلها مثل غيرها من بنات ناقصات حنان وعطف
وهو مجرم مثله مثل كل الشباب اللي لعبوا بضحاياهم
تحمد الله انها طلعت بأقل الخساير لانفضحت ولا زنا فيها والعياذ بالله
تستر على ماتبقى من كرامتها وتحفظ نفسها وتتذكر ان وراها رب العالمين بيحاسبها ويحاسبه على فعلتهم
واذكر ابوها وامها وش ذنبهم ان بنتهم تمشي بطريق مايمشي فيه الا عذرا على الكلمه الساقطات في الرذيله
وتراه يقول هالكلام لزوجته يقول لها هذي ؟؟؟؟الكلمه المعروفه ونشبت لي
وتراه قالها عن مغامراته بحكم ان شاب ومراهق وكذا
المجتمع يغفر له لانه رجل
لكن لايغفر لصديقتك لانها انثى
ومصيرها اذا ماحفظت نفسها يالفضيحه يالسجن


انصحها تطرح موضوعها على معالج نفسي
اذا ماهي حاسه بالوضع اللي هي فيه
وانتي بعد ترى بيلحقك من سمعتها فانتبهي لنفسك
والله يهديها عشان نفسها ومصلحتها
ماحد متضرر الا هي اذا مصره على ذنبها

الله يرزقها بواحد ينسيها اللي حبته وطوايفه ويعيشها بسعاده وهناء انا ماقهرني الرجال لانهم معروفين لو يجلس معها عشرين سنه وهو يكلمها بتبقا نزوه وقاعد يسلي نفسه ويقطع فراغه معها والرجال مايتغيرون دايم هالفكره في بالهم اذا هي كلمتني بتكلم غيري وحتى لو تزوجها ماراح يثق فيها مجتمعنا ونعرفه ونعرف تفكير شبابنا انا قاهرني ان عمرها يروح وشبابها واحسن ايامها تروح وهي تلاحقه من حساب لحساب عشان تهدم بيته وحتى لو سببت بينهم مشاكل ماراح تستفيد لانها ام عياله ولها مكانتها وعازه نفسها الله يمهل ولا يهمل وزوجته مالها ذنب والله حرام عمرها يروح وهي تلاحقه من مكان لمكان حرام والله وعلاقتها بالشاب حرام مابني على باطل فهو باطل حتى لو تزوجها وعرفو الناس وكلن اكل بلحمها وتكلم بسمعتها اش تستفيد الله يهديها ويصلح حالها وحال بنات المسلمين

موقفها جدا مؤلم فترة 8 او 9 سنوات و قبلها فترة العلاقة 5 سنوات شي مو سهل اخذ من عمرها كثير ربي يعينها من جد
هو حقير و تافه و ما يستاهلها بس هي كمان غير حازمة
المفروض جاء عندهم البيت او تقطع العلاقة بس هالكلام مو وقته
احب اقولها زوجته مالها ذنب ابدا و غلط تغلطين عليها هي ما سوت لك شي و لا درت عنكم
هو دمرك من قبل بس لا تخليه ينهي عليك هالمرة اذا راحو اشتكو و بلغو عنك موقفك بيكون سيء جدا مع اهلك يعني بتخسرين كل شي


سال انه اللي سواه يصير ببنته و اخته ترى هذا لا يجوز حرم الله على نفسه الظلم و قال ( لا تزر وازرة وزر أخرى)

اللي تقدري تسوينه تدعي الله يحرق قلبه مثل ما حرق قلبك هو اللي يستاهل العذاب
اذا طنشتيه و نسيتيه او تناسيتيه هذا انتقام افضل من اللي تسوينه
و انت يختي اذا جاك النصيب الزين اخلاق و دين قبل كل شيء لا توقفين حياتك و مصيرك مع زوجك تنسي و تنشغلي و تحبيه حتى لو تشوفينه الحين مستحيل
الحين انت قاعدة تتخبطي و مو عارفة ايش تسوي اذا ما هديتي و تركتي اللي تسويه ما حد راح يخسر غيرك
انشغلي باشياء ثانية دورات معاهد هوايات شغل لا تجلسي لحالك بالغرفة او البيت كثير دايما خليك مع الناس
ربي لا يعلق قلبك باحد غيره

اوسخ ناس هي اللي تجري ورا واحد باعها باسم الحب
بلا حب بلا بطيخ عمى بعينها ناطه لزوجته تنتقمها
طاقه حنك بعلاقه محرمه 5 سنوات ومنتظره منه يكون رجل ويتزوجها لا ياماما هذا يتسلللى لين يلقى الزوجه اللي يبغاها
وهي لسى تجري وراه
وش يبيها لو يبغاها ماتركها من الاساس
عذر اقبح من ذنب
خل تترك الحرمه ف حالها الله يشغلها بنفسها يارب بلا قرررف وسختوا الدنيا بقذارتكم

والله العالم صديقتك مضيعه معه بس ماتبي تعلم مااحط بذمتي بس لو تبي ان كان تركته ماجلست ترمي حالها عليه كنها زباله غصب تأخذني وبعدين الجمال مو كل شي يوم انها تسب يد البنت والله لو ان صديقتك ملكه جمال وهو ماحبها مستحيل يتزوجها بس هو كان يضيع وقته معها ويوم شبع تركها وراح للحلال بعد ماشبع من الحرام معها انصحها تتوب لربي وتخاف الله في نفسها وربي بيرزقها على قد نيتها خلاص هو تاب وربي رزقه على نيته امراه صالحه وجاب منها اطفال وش تبي بواحد مثله زود انه مايبيها بعد معه بزران بلا حب بلا قله حياء وادب لا تضيع وقتها معه بكره يقلب عليها ويعلم اَهلها او زوجته تبلغ عنها خليها تحفظ مابقى من ماء وجهها ودام ربي لين الحين ساتر عليها تحمد ربها حسبي الله على كل وحده تدخل وتخرب حياه انسانه متزوجه الله ينتقم منها انتقام قوي جبار ياما امثالها هدموا بيوت عامره خلاص الرجل تزوج انصحها تروح لطبيب نفسي شكلها مريضه نفسيا متوقعه انها بجمالها بطيح الطير من السماء وتبي تجيب راْسه زي الخروف وهو ماناظرها ولا جاب خبرها ترك الجمال وشاف بنت الأصل والفصل اللي صاينه نفسها ومحافظه على شرفها وسمعتها اللهم استر علينا يارب