صديقتي وزوجها

طيب هي ليش تطلع من الاساس اذا كان رافض
ما تعرف انه حرام ولا يجوز
وش استفادت من هاذه الطلعه
تشتت حياتها

رجعت له بعد ماطلقها بدون مايعرف قيمتها
لو راحت لأهلها و لا رجعت الا بعد مده
وأهلها كلموه وتفاهموا معاه وحطت شروطها
كان وقتها قدرها و حسب لها ألف حساب بس كذا مرررررره ظلمت نفسها برجعتها له بكل سهولة

اذا هي زوجته اللي عايشه معاه في بيت واحد ماقدرت تعرف مفاتيح عقله وقلبه تبينا احنا الاغراب اللي مانعرف عنه الا انه طلقها عشان الطلعه نجيب لها الحل السحري بعد اللي صار ؟
وهي جات الفرصه لعندها لما راحت بيت اهلها وما سوت شي لا هي ولا اهلها ورجعت له بدون أي حلول كيف تبينا نساعدها ؟
وحسب مافهمت من تعليقك الثاني هي بذاتها قالت ان حياتها في بيت زوجها افضل من بيت اهلها يعني هي في اعماقها عاجبها بيت زوجها ولا عندها استعداد تغامر وتخسر زوج بايعها بالرخيص والطلاق عنده مثل السلام
وبس اقول لا تصدقين سواليف الحريم اللي يقولونها مجرد فضفضه للتسليه هي ما تبي حل حقيقي
لانها لو كانت فعلاً تبي حل كان سوته من وقت اتخذت قرار تطلع بدون علمه وطلقها
اما حالياً رجعتها له بهذي الطريقه حرقت كل كروتها وصارت هي الطرف الاضعف واعطته الامان وسلمته رقبتها
والشي المهم انا عندي قناعه انه في تفاصيل كثير بين الزوج وزوجته لا انا ولا انتي نعرفها هي اللي وصلتهم لهذا الحال
الحل بكل بساطه طالما اختارت ترجع لبيت زوجها تتحمل نتيجة هذا القرار لانها رجعت بناء على شروطه مو شروطها فلازم تكون قد رجعتها وتسكت وتتعايش مع الوضع وتتقبله بكل هدوء

اتفق معك

طيب ماقلتي كيف رجعها
هو راح لأهلها
ولا هي حرقت جواله اتصالات تعتذر عن اللي سوته
وان كان فعلها غلط
لكن توصل للطلاق دا بايع
واهلها كأن بنتهم سوت مصيبة عشان كذا سكتو عن طلاقه لبنتهم
والا كان هذي فرصة يجيبوه ويتكلمو معاه
عالعموم زي ماقالت عواطف صاحبتك ماتبغى حلول
تبغى تشتكي وبس
والا لو جبتيلها الف حل
ماحتسوي شي
الا كمان لو مشيت على شورك وطلقها ثاني
بتجي تلومك انك السبب في طلاقها