أم النايف @am_alnayf_1

عضوة نشيطة

صديقتي وزوجها...........؟ انتم احكموا!!!

دايما نسمع ان المرأة قليلة صبر لكن والله صديقتي هذي ماشفت مثل صبرها

انا اعتبرها اكثر من أختي انسانه ماشفت بطيبتها ولا ادبها ولا مرحها الطفولي لكن سبحان الله!!!!! حظها
المهم صديقتي دايما تحكيلي عن زوجها وعن تصرفاته وتشكيلي منه وكل مرة استغرب من هالانسان احس انه مو طبيعي............انا مارح اقول رأيي لانها تعرفه لكن هي طالبه منكم طلب عن طريقي طبعا رأيكم والمثل يقول من شاور الناس شاركهم في عقولهم وهي محد يحس بمعاناتها الا الله سبحانه وتعالى
القصه وما فيها انها تزوجت من شخص عذبها في حياتها ونكد عليها عيشتها من اول ليله في زواجهم ومن اول مادخلت شقتها قالها قومي صلحيلي قهوة!!!!!! عشان يثبت رجولته وشخصيته عليها بعد كذا اكتشفت انه عصبي لدرجه مو طبيعيه يسبها بدون اي ذنب سوته ويسب اهلها ويشتم امها ويلقبها بالقاب قذرة ما تطلق على الكافرة فما بالكم بوحدة في مكانه امه كبيرة بالسن ماضرته في شي ويلعن في ابوها واخوانها لدرجه ان اخوها زراهم في البيت قال الله يلعنه متى يروحّّّّّّّّ!!!!!!! يعني انسان الفاظه بذيئه ويتكلم في اخواتها وانهم قليلات ادب وغير محترمات ويدعي على اختها الكبيرة لاعتقادة انها تأثر على زوجته مع ان اختها ماتتدخل بينهم تخاف انه يلحق عرضها.
وغير كذا جايب في البيت الدجتال الي بثلاث بطاقات الي يجيب القنوات القذرة ويتفرج قدامها ويقولها تعالي شوفي البنات كيف احسن منك شوفي صدورهم واجسامهم والادهى والامر انه يضرب ابنه الي ماله غير 8 شهور واذا عصب كب المويه على وجهه وكسر الي في البيت كله لدرجه ان تسريحتها يكسرها ويكسر اغراضها كلها وحابسها في البيت ياتروح لاهله ولا لاهلها في الشهر مرة وساعه وتمشي بس
حتى اهله ناس همج مايعرفون الادب ولا الاصول اذا زارتهم هي وزوجها تركوها مع امهم واخذوا شاهيهم وقهوتهم وراحوا مع اخوهم في غرفه ثانيه وقاموا يسولفون وهم تاركينها
وغير كذا يتكلم مع خواته في امورهم الخاصه جدااااااااا
واذا تكلمت ولا عارضت قام يسبها وينعتها بالافاظ واطيه مثل يابنت الكل......
وتلفونات ممنوع تكلمين احد حتى اهلها ماتكلمهم الا للضرورة القصوى مانعها تروح لعماتها وخالاتها وكل من يمت لها بصله نسوا شكلهااااااااا
حتى انا صديقتها الوحيدة ممنوع تكلمني انا الي اتصل عليها ومن زمان ماشفتها
نفسيتها تغيرت صارت مكتئبه دايما والشيب غطى شعرها سبحان الله تغيرت من انسانه مرحه مقبله على الحياة لانسانه تقول انا تعيسه والمشكله اهلها عارفين لكن ما بيدهم شي
اتمنى اني اكون وصلت معاناتها بشكل قريب من واقعها الحزين فشاركوها حزنها وعطوها من حبكم واخوتكم تراها والله يشهد على ما اقول محتاجه لمين يسمعها :44:

يلزم عليك تسجيل الدخول أولًا لكتابة تعليق.

تسجيل دخول

ام سارونا الحلوة • 21 سنة

لاحول ولاقوة الا بالله ..
والله قلبي اتقطع عليها بس ليش ماتقول لآهلها او حتى تطلب الطلاق ..

سكارلت • 21 سنة

السلام عليكم

اعتقد ان الموضوع اولا واخيرا يعتمد على مشاعرها نحو زوجها

فان كانت تحبه ولديها الرغبة في الاستمرار ومحاولة اصلاحه فهنا يكون دورها اللذي يحتاج الى الصبر الكثير

اما لو كانت تكرهه ولا تريد البقاء معه فالقرار الصائب هو الانفصال حتى لا تتورط بمزيد من الضحايا الا وهم الاطفال

واستغرب ان اهلها على دراية بكل شيء ولم يتصرفوا الى الان

المفروض ان يكون لهم موقف حازم معه ولا يتهربوا من مواجهته ونصحه

وعلى ما يبدو انه انسان بعيد عن الدين ولا يخاف الله فيها وفي فلذة كبده

كان الله في عونها وفرج همها

ولا تنسي اختي ان تنصحيها بضرورة التوجه الى الله بالدعاء والتضرع

نايفه • 21 سنة

يالله

مسكينه والله انها تكسر الخاطر لكن الله يهديه لها ويفرج كربتها

ويثبتها ويأجرها ......والله اني ماني عارفه وش اقول ..

او انه يعوضها خير ..بس ان شاءالله البنات مايقصرو :26:

سموّره الأموّره • 21 سنة

السلام عليكم ...

الله يكون بعون صديقتك يارب ويفرج همها ...

بس الصراحه كان المفروض من صديقتك لما شافت معاملته سيئه من اول يوم انها ماحملت ..!! لكن مقدر ومكتوب لها ...
وبعدين اشلون اهلها مابيدهم شي !! اذا اهلها عزوتها ماحمو بنتهم منه من اللي راح يحميها ..

ويمكن يكون موقف اهلها السلبي هو اللي خلاه يتجرأ اكثر واكثر لانه و كان خايف من اهلها وعارف انهم ماراح يسكتون له صدقيني ماراح يتجرأ بهالدرجه ..

عموما ..

انصحيها انها تاخذ حبوب منع حمل لحد ماتشوف وضعه هل بيتعدل والا لا ..
ثاني شي ..
الدعــــــــــــــــــــــــــــــــاااء خليها تصلي وتدعي ربه وتناجيه ...
وبأذن الله راح يتعدل ..
وفي نفس الوقت لازم اهلها يتدلون ويحاولون يضعون حد وان ماشافو انه تعدل والله اشوف ان الطلاق هو الحل ...

اعذريني كلامي مو مرتب بس الصراحه .. انقهرررررررررررررررت ,,
الله يكون معاها ..

تحياتي

أم مشاعل • 21 سنة

بصراحة زوجها انسان غير طبيعي.. ومريض نفسيا!

ومن كلامك للأسف مافيه أي ميزة!!

حتى اهله للأسف مثله..

اولا هي مالها الا الدعاء..

ثانيا هي ليش صابرة عليه كل هالصبر؟؟ والله اني كنت اعرف وحدة كان زوجها طباعه مرة شينة يمكن مثل اللي ذكرتيه ، وكانت صابرة وماتحكي حتى لأهلها ، حتى اهله كانوا مثله ، لا وبعد كانت تعيش مع اهله ببيت واحد!!!!
وياكثر ماكان يهبل فيها.. وكانت صابرة عليه بحجة انها تحبه!!!
بعد أكثر من عشر سنوات.. وبعد صبرها.. وحبها.. وتضحيتها.. تدرون وش كافأها فيه؟؟؟ قال لها البسي بنطلع.. واخذها بيت اهلها بدون اي نقاش!!
تخيلوا..

يعني موب دايما الصبر ينفع..

وإذا زوجها بالهالطباع السيئة.. مااعتقد انها مجبرة انها تصبر عشان بالاخير يرميها..

عموما.. انا بس قريت المشكلة.. ومااقدر احكم عليها الحكم الصحيح..

هي بس اللي تقدر تفكر وتقرر..

والله يصبرها ويفرج عليها..