صراع من اجل البقاء!!

أم تأبط شراً :

فيه شي قاهرني اللي قاهرني الشيبان وقولتهم ان هالبرد ماتسد جانا من ثلاثين سنه وبعض الشيبان المهولييين بالحيل يقولون هالبرد ما جانا من اربعين سنه ياكبر تهاويل هالشيبان عاد انا اقول ويسمحون لي بالكلام اللي ابي اقوله انهم يسسسسسسسسسسسسسسستذبون وماعندهم سالفه ولا كل ماقالووو صدز وشلون ماجانا مثل برد هالسنه من ثلاثين سنه وانا تسد لحقت على برد من هالنمووونه قبل تسم سنه يعني ما ابطينا <<< تبي تعلمكم انه مهيب عجووووز بالحيل خخخ تخبرون يوم يقولون ان اهل الشمال لا قامووو الفجر ما تصب بزابيزهم متجمد الماء بالمواصير عاد هو صدز أو لعععع الخبر ابراي لله وغير تسذا منول لاجت النشره الجويه وقام يهذر حسن كراني لاقعد يقول درجات الحراره ندربي روسنا ماغير نضحك لاقال الخرخير وشواله وصامته وعبيله وشروره ما ادري وش قصتنا نضحك هههههههههه يعني ماجتنا ثقافة الارصاد الجويه الا من تالي عاد اقولكن هالسنه بردنا مهوب صاحي برد بــــــــــرد صرنا مانقوى نتحرك من الخلاقين والسراويل والتدحمل تصدقون اروني يابعد حيي توه بدييتن تحبي يوم خلصت عشر شهور هي خبرت بزر مايحبي الا بهالعمررررر كله من اللي فوق كتوفه خلقنه × خلقنه صرنا مثل الله يغفر له ويرحمه ام سعد وذي الله يسلمكم عجوز اذا جاء البرد طجت ولبست كل خلقون عنده وعلى هالحال الين يطلع الشتاء بس للشهاده انه كل شهر تفصخ له خلقون واحد هذا ان حست بدفى أو مهوب لازم خخخخ انتن معي توووووحن ومركزات أو اهذر على روحي اشوى مير تدرون ان جهة الشمال اكثر الجهات براد ما سمعتووو الاول << وش تبي على الاولين ماسكتهم مقاوله خخخخ ايه اقولكم ان الاول قال : دخانها ولاهبوووب شمالها اذكر كركاتير لمحمد الخنيفر ناس متجدخين و متسدحين ومغمى عليهم بمجلس واحد شابن لهم ضوووو واللي معه بالمجلس اكثرهم فطس من الدخان وهو يقول دخانها ولا هبوب شمالها صدز ماسوى خير ذبح خلق الله وهو يبي الدفى خخخخ بس برد هالسنه ياكافي احسه صار مع كل الجهات يعني كل الجهات صارن مثل بعض لهالاسباب استنزفنا وجمعنا كل من قال اسمي بطانيه وكل ماسمي دفايه اللهم لك الحمد احد يقدر يجمع كل اللي يحتاجه ويقدر يدفي نفسه وناس الله يلطف بهم ينامون على الارض ويتلحفون السماء ناس ما تاجد ناس فقيره ومحتاجه الله يرزقهم ويلطف بعباده عاد اقولكم غدينا نبلص تسن لاحستنا بقره من الفلزنه والفلزنه كلمه مشتقه من الفازلين وش تبون اسوي بلاي من المشق اللي شقق وجيهنا وانا اقول وش لاقيات بوه الشغلات اثره يخلي الواحد تسنه زحليقااااااااا خخخ هذا وترجع اسباب المشق ابي اصير لكم اليوم دختوره أيه اقولكن ان سبب وجود المشق اصدام الجلد بالهواء البارد عقب ما يتوضاء الواحد أو لاغسل عاد اغدي مايحتاج ان الواحد يغسل كل يشوي يتمسح ويسد هههه لو لاصارت برد بالحيل والله ياغدينا انا وذّري سوووود وعبند من كثر مانتفلزن البرد اللي جانا مااظن جاء ولا اللي بالاسكيمووو <<< كبر جورتس وجماهيرتس خخخخخخ ياحب البرد يقلط للجسم مع الرجلين لكن انا عرفت خطته عاد تقعدنا له بالشريريبات حتى صار ما تسد جوز شربات مايسوي شي ما تسنن لابسين شي لا كود ثنين واكثرمع ام حديجان وهاه هاه تسننا نحس بشوي دفى خخخخ عاد تعالو شوفوو اذا جينا نلبس النعال والجميع بكرامه ماتدخل الرجل بالنعله بعذره من الانتفاخ تسن الرجل مجبره وهذا البرهان ضيفي ياموكا تسلمة برهان لثغره والمنصرمه خخخخخخخخ ويارب لك الحمد على نعمة الاسلام وتفضل رب العالمين علينا باليسر والسهوله ومنته علينا بالمسح على الشرابات يوم وليله يعني حنا بفضله ورخاه بس ياليت كلن يقدر وعقب هاليوم والليله يفصخ الماخوذ ويعتقه لوجه الله ويحلته موهب يحلته يعني يحلته بالزباله لا يعني يلوووفه او تدرون ا عني يجدعه بالغساله تدهر عليه شوي مع شوي صابون خخخخ لا تسيف بوه ناس لاقضت مدة المسح فصخ الشراب وتوضى ورجع عليهن وعععععععععع عاد وش تتوقعون النتيجه ؟ تابعوووو معي هالاوصه وانتن تعرفن اللي تبي تكمل تكمل واللي ماتبي تكمل هههههاي

فيه شي قاهرني اللي قاهرني الشيبان وقولتهم ان هالبرد ماتسد جانا من ثلاثين سنه وبعض...

+5

أم تأبط شراً :

عسى ما طققت تسبدكم من سواليفي اشوى مير يعني اكمل هاك اليوم طلعت مع ابو دحومي مشيوير عاد وقف يصلي العشاء بالمسجد وانا انتظره بالسياره أي والله انا لا رحت لبيتي اصلي الدنيا الحين تووووحش تسني بي وانا اصلي ما ادري الا طاب عليّ احد مايخاف الله ويتلن ويسحبن ويذبحن ويكتب عن باتسر بالجرايد رجل يقتحم مصلى حريم ويتسبب بذبح مره كله ملح خخخخ المهم اني قعدت احتري ابونا لين قضى مصلي طلع وكان تسنه دايخ ويبي يستفرغ قلت له مبرررروك المره دورك تحمل ههههههههههه لا والله قلت عسى ماخجه البرد لكن طلع الرجل يابعد حيي مستشم من الريحه اللي شم بالمسجد استغربت ان يكون مسجد وبيت من بيوت الله بوه ريحه غريبه أو بالاصح ريحه شينه وعلى قولة دحومي كريهه << متاثر بسبيس تووون وين نظافة المسجد والاهتمام بالمساجد ؟؟ معقووووله!! طلعت الريحه الشينه مهيب من المسجد طلعت من شربات الناس والعمال الله يهديهم الظاهر الواحد منهم يلبس الشراب مع هبة اول براد ولااااااااااااااا يفصخه الا مع طلعة الشتاء يمرون على قولة تعالي (( يابني ادم خذو زينتكم عند كل مسجد)) مرووووور الكرام الحين نبي انتقل معكن لجانب ثاني من السواليف هيا الى سالفه اوووخرى تصدقون تسد سكنت في بيت حوالي 9 سنوات وانا ما اتغطى بعز الشتاء الا بلحاف خفييييييييييييييييف مهوب ولا بطانبه <<< هو مبين بالصوره انه خفيف هههههاي عاد اقولكم ان اللحاف بولستر هذاك اللي يجي خفيف بالحيل تدرون ليش؟ لان بيتي هذاك كان تسنه فرن دااااااااااااااافي وبقوة كنت اشتاق للبطانيه واذا تغطيت به ابووووخ من الحررر صرت وش اسوي؟ افرح اذا طلع ابو دحومي للبر و رحت انام عند اهلي ودي انام من العشاء من الخبه بالنومه تسني دجاجه انام من العشاء كله علشان البطانيه تذكرت على طاري الدجاج والله مالقاه الا الفراخ والدجاج والبط وكل من لبس ريش تدرون انهن مايحسن بالبرد !!! << حتى الدجاج ماسلمن منتس حاسدتهن ههههههههه الظاهر فلونزا الطيور جاتهن من عيني تبون تدرون وشلون عرفت ا ن الجماعه ما يبردون ولا يحسون بالبرد تراي اقصد جماعة البق باق الطيووووور لاني صرت دجاجه مثلهن وبديت اتغطى بالفتره اللي مرت علينا يوم البرد القوي بلحاف ريش يــــــــــــــاهو شي صدز انه اول مايتغطى بوه يصقعععع ولا احس بالدفى الا عقب خمس لا بالله عقب عشر لا الظاهر عقب ساعة من الانضجاع بس عقبه ابداء ابووخ واصير قابله اني ابيض ههههه بعد ما بات البطانيات انه تدفينا والله يرحمنا برحمته خطمه ع الطااااااااااااااااير بنات وش السوات بدحومي ضايقن صدره بالحيل تدرون وراه ؟؟؟ يقول وراء تابوطه هي الكبيره قلت واذاصار !! قال ياسعده تبي تعرس قبلي خخخخ الولد يفكر بالعرررس من الحين وش الحيله بوه نكمل لكن السواليف حتى العقارب << بعد ذي وصلتي له ههههاي ايه اقولكن ان العقارب وبعض الحيوانات من رحمة ربي به انها تبيت بيات شتوووي..... ياحظهن عاد تذكرت قصة تأبوطه وهي صغيره عمرها تقريباً ثلاث سنين طلعنا مره للبر بالشتاء المراد لقت له بلكه تعرفونها ايه هذيك اللي يبنون به الناس البيوت << لا ياشيخه عاد تخبرون البلك بوه فتحات مع الجنب وش سوت العصلى قامت تلعب وتدخل ايده بالفتحات وتلقى له شي وتجيبه لنا انا وابوه وكانت فرحانتن بوه وش تتوقعن طلع له ؟ طلعت عقرررب مثل ذي لكن من رحمة ربي لتأبوطه ان العقرب مكبرتن الوساده ولاتسان علوووم الله يحفظنا بحفظه لا وقالو ان هالسنه يبي يجي ابو زريق وش انت يا ابو زريق الله واعلم بس من ريحة الموضوع انه نوع من انواع البراد يخلي الواحد بنفسجي ماتسمعون اسمه ابو زريق << والله ماعندتس سالفه خخخخخ الله لا يجعل هالبرد اللي جانا عذاب علينا ويرحمنا برحمته اللهم آآآمين ترى الى الحين مابعد دخلت للموضوع الاصلي وهو صراع من اجل البقاء وشلون؟ ايه تسذا تمر ولون خخخخ تبون اعلمكم شي زين ويفرح قلوبكم هذا اخر فاصل خلاص قربنا للحلقه الاخيره

عسى ما طققت تسبدكم من سواليفي اشوى مير يعني اكمل هاك اليوم طلعت مع ابو دحومي مشيوير ...

+5

(¯·._.·(كافي لاتيه )·._.·¯) :

وعليكم السلام ورحمة الله.. يامليون هلاااااااااا بي انا واياك.. اييييييه ياحزم الضامي وين مواضيعك اول..تكسر اصابعي وانا ارد عليها ومايمدي اعالج اصبعي واصبخ عليه الا انتي منزله موضوع ثاني.. لكن الحين ماادري وش جاكم هاجدين,, شكلها حوبتي بس تبين الصراحه اكتشفت فيك شي...اثر عندك بطئ استيعاب عجيبالحين ياجدتي يوم خلص الشتا توك تفطنين تكتبين عنه!! لها الدرجه ماتدرين وين الله حاطك لكن غصب نقول كل اللي يجي منك زين حتى لو هو موضوع عن الدفايات وحنا بطباخ التمر<--- وينهم طيب خل نتعرف..انا اشوف الواحه تهش ذبان..حتى انه اذا ضاق صدري جيت اوسع صدري و اهش معهم وراك داخلتن شايشه...من مهاوشك!! من سارقن فسحتك ترى مازال العرض قائم..تكتبين موضوع وانا اللي ارد عليهمونتحاسب على عدد الصفحات اي مامن شهوه!! واي مختصر الله يرحم والديك.. انتي ناظري كم سطر كاتبه ومابعد دخلتي بالموضوع..اقترح عليك المره الجايه تنزلين المقدمه بموضوع لحال ..والسالفه بموضوع ثاني.. ياحبي لك بس..لاتقيسن على نفسك..انتي من عصر الديناصورات موجوده..ومثل الديناصورات ماتدرين عن البرد ولاتحسين بشي الله لايضرك... ودي اسألك وش اخبار جحا بما انك لاحقتن عليه ام سعد ماغيرها!! اللي عندهم جمس احمر!! ايه ندري<---ياحظك بس ولو تبين مساعده اجي اشرح..بس لحظه اجيب الخريطه منب معلقه على الكلام..بس عجزه انسخ الصوره.. الحين الدفايه ذي اللي على شكل مروحه هي اللي تطلع نور يعمي العيون!! كأنها عرض ليزر ..ماادري وين عيونه اللي مخترعها..ناس ماادري معين تخترع اتعب على الناس المثقفه واللي تجدع كلمات...منين لك هالكلمه اعترفي!! شكلك رايحتن لمعرض الكتاب بالغلط ولقطيتها منهم.. وتراي غيرت اسمي وراك كأنك ماصدقتي..قولي لي ثليجه..ثلوجه..ايس..اي شي وتراها كلها يوزرات مهب اسمي الحقيقي<---من زين اسمك.. ياربيييييييييييييييييه يالتفكير اللي ماادري وش يبي..بالله وش يبي بك يذبحك!! يعني اسمحيلي بيضيع حياته ومستقبله علشانك!!<---ركزي على مستقبله وبعدين اذا قرب منك وطلع شوكته بيطعنك..قولي ارجوك لاتذبحني انا ام تابط بسمة الواحه.. عاد هو بيرتاع ويهج تعرفين المهبل مااحد يقرب لهم..يخافون يطلع اللي فيك ويدخل بهم..عاد حليها ودوري شيخ وعزايم وشغله طويله عريضه.. ههههههههههههههههههههههههههههههههه ياربيه يالتفكير اللي كذا..هذا جيل المستقبل<---ياذا المستقبل اللي اشغلتينا عنده.. علميه انك مزوجته ريماس ماادري عذبهحرام تعذبين الولد وتخلينه يفكر.. الحين علشان كذا تطلعون للبر!! علشان تلعبون بالبلك!! يختي الديره مليانه بلك وعماير تعمر ..ماله داعي المشاوير.. ذكرتيني بخالتي في عيد الضحيه شرت دفاية قاز لبيت جدتي..ومير انهبل انا<---ضد النار وقعدت اطلبها ..تكفين ياخاله باشتريها منك باللي تبين بس لاتشغلينها ..بس ماطاعت يسلمووو ام تأبط على الموضوع.. الله يعطيك العافيه بـ / ام تأبط وش رايك باللون...تراك معقدتني عن الالوان..ومفشلتني قبل<---مااظن هالوجه يتفشل عاد قولي واضح ولا باغير واكتب بهذا

وعليكم السلام ورحمة الله.. يامليون هلاااااااااا بي انا واياك.. اييييييه ياحزم الضامي وين...