كلامك صح هجومي بس هذي المشاعر طبيعيه تجيك لان الإنسان لما يشوف اللي افضل منه بالمعيشه وبالماده يحس بشعور النقص واعتقد طبيعي كلنا لما نشوف المشاهير وكيف حياتهم كلها رفاهيه
وسفر وكل شي دبل عندهم ماشاءالله تجي غصه بالقلب ان احنا ليش أقل

بس هذا رزقهم

بس هذي الحياة في ناس يطالعون حياتنا ويحسون بغصه ليش هم أقل وكذا الحياة


وفي الأخير كلنااا نلبس القماش الأبيض ونفس المكان ننقبر ولا تفيدنا من أشياء دنيا شي الا مااعطينا للفقراء والمحتاجين

لاسيارات بدافع عننا ولابيوت ولاخدم ولاماركات ولا شي بينفعنا بالقبر ولا بناخذهم معنا


اتفق ان هذي الأشياء مريحه بدنيا وتعطي سعاده مؤقته ولاكن نقدر نعيش بدونها

معاكي صحه وأهل وبيت وسياره ومستوره الحمدلله على النعم

ارضي وادعي الله ان يوسع عليك ويرزقك ماتتمني

أهلك زي كثير عوايل جابو كثير ماشاءالله وحالتهم متوسطه وكل واحد بياخذ رزقه بدنيا

أهم شي رضا ربي ولاتطالعي برزق غيرك حاولي تنشغلي بنفسك
لاتطالعي اللي اغنى منك لان بتتعبي نفسك

انا مااقلك ان الحين كل شي ما يطلع لك غصب عنك بوجهك ولحين الناس تموت بالمظاهر بذات المشاهير ولاكن حاولي تتجنبي تشوفي محتواهم عشان مشاعرك

احذفي السناب
وريّحي راسك

ثقفي قلبك بالحياة علميه كيف يرضى بقدر الله علميه كيف تكون لديه قناعة كافية في كل شي علميه كيف يعبد الله علميه الامتنان لوالديك لما قدموه لك علميه أن ابتسامة أمك لك وانتِ صغيرة وحبها وخوفها وأهتمامها وتعبها وجهدها وسهرها هو دين عليك تسديده لا تقابلي حب والديك بكره ولا تقابلي نعم الله بجحد فثقافة القلوب تحقق السعادة التي ربما لاتحققها ثقافة العقول.

قولي الحمد الله
هاي اهلج
السعادة مو في قصور

اهلك كانو عايشين بفترة الثقافة العامة ان كثرة العيال شيء لازم فعشان كذا جابو عيال كثير ماتقدرين تلومينهم على فكرة كانت منتشرة وقتها، تو الفترة الاخيرة صار فيه توعية بعدم كثرة الاطفال عشان الواحد يقدر يعطيهم من طاقته وجهده وماله انا معك بسالفة ان الخلفة الكثيرة بدون اي تخطيط غلط، اما بالنسبة لوضع اهلك المادي حنا بالدنيا هذي كل شيء لنا مكتوب سواء من مستوى مادي وغيره والمستوى المادي درجات اما يوفر لك حياة كريمة او حياة مرفهه وطبعا لكل وحدة منها جهدها الحياة ابدا مو كاملة واذا تحسين ان احد حياته كاملة فانتي غلطانة بدال ماتتحلطمين عن حياتهم المرفهة اللي انعمها الله عليهم والله يديمها لهم اسعي وشوفي اذا سهل تجيبينها او لا دور اهلك لك انتهى انتي الحين كبيرة ومسؤولة عن نفسك مانتي طفلة مفروض حتى الاساسيات توفرينها لنفسك مو اهلك يوفرونها لك ، اشكري الله على النعم اللي عندك ولاتناظرين لحياة غيرك اللي اعلى منك لانك راح تتعبين حلو عيونك تكون مليانه مو فاضية وتدورين بس النقص بحياتك واذا تشوفين ان المستوى المادي عندكم مو كويس ولاعاجبك اسعي انك تغيرنه بدال ماتناظرين لحياة غيرك لان كذا ماراح يتغير وبس بتحسين بغبنه، الشيء الثاني كلامك عن العضوات اللي يشكون من المادة، المادة مهمة والحياة ماتمشي بدون فلوس ما اختلفنا لكن شكواهم كانت عن حق يوخذ منهم او رغبة بتوفير اساسيات الحياة مافيه اي وجهه مقارنه بينكم وبينهم هم يتكلمون عن اساسيات وانتي تتكلمين عن رفاهيات