صرخة فتاة في سن الزواج..👰 <<<معدل 

صرخة فتاة ××××××××
يمنع تحديد الجنسيات
مخالف .. تم الحذف
الاشراف
في سن الزواج..👰
كلمات من القلب 
موجهه الى كل شاب مقبل على الزواج والى كل الرجال اب اخ عم جد جار ..الخ والى كل النساء اﻻمهات والاخوات .. 

اليوم بقول لكم قصة وحدة من البنات بس هذي القصه انا متأكده انها حاصله في كل بيت فيه بنت في سن الزواج 
و اخوانا الشباب ما حسو لا فينا ولا في خواتهم 
و كل ام حاسه ببناتها بس احساسهم مايغير شي بالموضوع مابي أطول عليكم بدخل بالقصه على طول
 ام عبير اتصلت عليها حرمه تخطب لولدها خالد و تمدح فيه و تمجده كأنه أحسن ولد في العالم وتسأل عن عبير تقول :والله يا ام عبير يقولون بنتك عبير حلوه صدق؟؟
ام عبير ترد :الحمدالله بنتي جميله و مايعيبها شي :)
ام خالد : عساها طويله ؟ عساها بيضاء؟ شعرها ناعم ؟كيف جسمهابالله وصفيها لي ام عبير تحاول تجامل وتمسك اعصابها ام خالد : ها يا ام عبير متى يناسبكم نجي نشوف البنت !!ام عبير: والله يا ام خالد عبير تفضل ان الولد يجي وبعد مانسأل عنه هو يشوفها
 ام خالد : وشوووووووو من جدك اصلا البنت مالها راي الشور شور اهلها وانا لازم اشوف الي ولدي بياخذها يناسبكم باتسر؟؟
ام عبير برد لك بكرا 
تنتهي المكالمه وتنادي الأم بنتها وتقولها ها وش رايك موافقه عبير : على ايش؟الأم :على الول دعبير : لا شفته ولا عرفت عنه شي وشلون اوافق الأم :خلاص بواعد اهله وشوفيهم 
عبير : وش ابي بأهله باخذه هو ولا اهله و بعدين فكينا من سالفة الأهل احنا اتفقنا اي موضوع يكون بينا وبين الولد على طول انا ماابي اعرض نفسي على الحريم انا انسانه مو ناقه مميزه جايين يشترون و البيع ل أعلى سومكم مره دخلت على حرمه و حرمه يجووون ساحبين خواتهم و بناتهم وقهوه وشاهي و معجنات وحلا وكركره والفرجه بلاش وبعدها يروحون ولا نعرف ردهم خلاص انا مليت انا انسانه عندي كرامه و مشاعر و احاسيس مابي هذا الوضع يمه خلاص الأم مصر على انهم يجوون وش تسوي تبي الستر لبنتها !!
عبير تستسلم زي العاده بعد ماقالت لها امها جهزي لبسك مانبي لا بنطلون زي اول مره يمكن كان هو السبب ولا تنوره قصيره زي ثاني مره و شعرك لاتخلينه كيرلي هذولي يحبون الناعم و دهني بفكس خلي لونك يفتح تراهم يحبون البياض !!! 
عبير جوابها !!لاتعليق 
تاخذ عبير جوالها وتكلم صاحبتها ساره و تطلب منها لبس يناسب اصحاب المعالي لأن ملابسها ماتتوافق مع المقاييس العالميه للأم ××××××××
مخالف .. تم الحذف
الاشراف
و يعلنون حالة استنفار في البيت لأستقبال الضيوف الموعودين الأطفال يرسلونهم لخوالهم و صياني الحلا و الموالح تتجهز و البخور يتولع و يجون الضيوف و تستقبلهم الأم 
طبعا ام الولد و توابعها اختها بنتها بنت خالتها اللي يجي ماهي الفرجه بلاش بعد السوالف و القهاوي تدخل عبيرو العيون تراقب داخله وهي كأنها تقول شوفوني عساني عاجبتكم عساني مطابقه للمواصفات و المقاييس !! تطلع و يطلعون وراها من ذلك منزل الذي احتفاء بهم وكرمهم وعرض لهم سلعه من سلعه والابن ينتظر هاه عساهم جازتلكم (( و ((اه بس يامخفه لو بتشتري سياره انت اول من يحددها يمر يوم يومين ثلاث اربع ولاحولك احد محد دق ولاحد اتصل وبنت تقول خلاص ميئوس منهم وتمر الاشهر والبحث جاري مابين بيوت خلق الله مافيه بيت ماطقوه ولافيه عائله ماشوفوا منها والابن في انتظارو البحث جاري و المشاعر مالها حساب عندهم 
البنت تبدا توسوس وش فيني انا شينه؟طيب الكل يقول عني حلوه؟ياربيه معقوله اعنس؟معقوله محد يبيني!!طيب ليه ما ردو !!ويبقى السبب مجهول و عبير خاطرها مكسورمين يواسيها !!
امها الي ضايق صدرها اكثر منها على كسرة خاطر بنتها ولا الخطيب المجهول !!الي يمكن حتى هو مايدري ان اهله جايين يشوفون له طبعا محد رح يواسيها 
صديقاتها مثلها ماهما ××××××××
مخالف .. تم الحذف
الاشراف
بعد و النظام ماشي عليهم يعني لا تشكيلي واشكيلك ولا تبكيلي و ابكيلك..............
يا ناس حرام عليكم الله و رسوله ما قالو كذا ليه أجازو النظره الشرعيه لأن الولد نظرته غير عن امه .
والله فيه وحده من الحريم من  زمن جات حتى تشوفني لولدها زي عادة قمنا بالواجب خرجت عليها ناظرت فيني ابتسمت والحمدلله ماناقصني شي والكل يشهد بذلك دين اخﻻق جمال اللهم جسمي مليان بعض الشيء لكن متناسق ومشدود ثم عادت لتناظر فيني وكاني فستان تناظره وفي اﻻخير خرجت وهي تعدنا بزيارة اخرى  لكن للاسف لم تعد ﻻهي وﻻ ابنها حتى اﻻعتذار لم نسمعه منها حتى اﻻن واكتشفنا مؤخرا ان اﻻم لها أكثر من عام تدور بين البيوت تتخير لولدها وهو زي اﻻطرش في الزفه وزارت بيوت معروفه بالجمال واﻻخﻻق والدين لكن لم يعجبها حتى اﻻن العجب والولد يقول امي تراها باﻻول ومن ثم اذا اعجبتها اتقدم ﻻاراها وان اعجبتني تم وان ﻻ ابحث من جديد . .
اي انسانية هذي حسبي الله ونعم الوكيل 
 اقولكم قصة اخرى 
مره حريم رايحين يشوفون وحده لولدهم و والولد هو الي موديهم لمى شافه الأبو عند الباب سلم عليه و دخله واعجب بأسلوبه وقاله بنادي لك بنتي و شافها وشافته 
طلعو اهله من بيت البنت وهم يقولون 
البنت ما تصلح شينه الولد قال الا تصلح و انا شفتها و اعجبتني
  و تزوجو و انستروا 
مايستفاد من الحكي هذا كله و القصه 
ياناس احنا بنات حمايل ولنا نسايب وعايشين ونتنفس اسئلو عنا وبتجيكم مواصفاتنا 
بعدين يجي هو وشووله تجونا 
باخذكم والا باخذ ولدكم 
ياعالم متى تحسون بها لوضع تراه جدا مزري ومدمر نفسيا وغير لائق اخلاقيا 
لا ومصيبه بعضهم يشوفونك شهر 5 ويستكون يجي شهر 12 يدقون يقولون نبغها !
محلات وهي محلات 3 ايام مهله بعدها معاد يلتفتون لك وهي جماد 
ياناس حسووووا ليش مانعالج هاالمشكله 
لو كل بنت ترفض ان الأهل يجون و تشرط ان الولد بس الي يشوفها رح يتغير الوضع التعارف بين الأهل يتم ان شاءالله اذا تمت موافقة البنت و الولد وشافو بعض كل وحده لازم تفكر في غيرها اخوك اذا جاء يخطب حاولي تفتحين مخ اهلك الي يبغاك يجي يشوفك هذا الجاد والي شاريك وشاري اخلاقك ونسبك واذا شافك الولد وكملت وصارت لمظهرك ولو ماصار شئ فخلاص القرار صدر من صاحب الشان مو من الوكلاء الي يجون 
وانت ياعريس الغفله ليه ما تقرر بنفسك كم وحده ووحده راحت عليك وكان ممكن تسعدك و تسعدها و تعجبك و تعجبها بس ذوق خالتك ولا امك وﻻ اختك وﻻ جارة امك ما كان نفس ذوقك 
انت الي بتتزوج ولا اهل البيت !! 
ارحمونا احنا انسان لنا مشاعر زينا زيكم مو بضاعة تتفرجوا عليها خافوا ربكم فينا .. 
حسبي الله على كل حرمه ام او ولد ما يفكرون بأحساس البنت و ماخذين السالفه تمشي وسعة صدر وطلطله على بيوت وبنات الناس حسبي الله ونعم الوكيل على كل وحده ما تفكر بشعور البنت الي خاطبتها حسبي الله على كل من تسول له نفسه العبث بنفسيات و مشاعر الفتيات المسلمات
ايها اﻻباء قفوا صفا مع بناتكم وﻻتسمحوا لهذه المهزلة ان تبقى حسوا فينا ارجوكم فوالله لقد تعبنا وتعبت مشاعرنا وانجرحنا 
وانت ايها الشاب اين رجولتك اثبتها وقرر بنفسك وليست امك او اختك .. 
خافوا ربكم فينا ارجوكم .. ياناس والله تعبنا الى متى ارحمونا وﻻ تمنونا بالزواج وبعدين تتركونا ننتظر وعلى اعصابنا دون حتى احترام لمشاعرنا خلو اﻻنانية العريس من انتوا ولا المتقدم  اتقوا الله فينا