السلام عليكم ورحمه الله وبركاته
ما شاء الله لاقوه الا بالله
هاي قايز هلا والله >>>> هذا ميشو يقولها مش انا هع :22:
كيفكم مع البرررررررد ؟؟ ان شاء الله دافين ؟؟
احنا هنا الجو عندنا برد موت وابشركم ترا هالفتره يقال انها نهايه فصل الخريف
يعني الشتاء جايكم يقول جاكم الإعصار ما شي يعيقه شتانا اليوم وخر عن طريقه ههههههههه
والله اني ارحم طلاب المدارس وقومه الصبح مع هذا الجو خصوصا الصغار ...
وبمناسبه الحديث عن الصغار ..
قد كنتوا اصغر العايله ؟؟؟؟؟
من اصعب الأشياء على الإنسان انه يكون اصغر مافي البيت ؟؟؟؟؟؟؟؟؟؟؟
وانا الصغيره في البيت ؟؟؟؟
والمفروض اننا جايين صغار على اساس يدلعونا ويهتمون
فينا لكن للأسف كل ما حاولنا نكبر بنظل صغار
اتذكر يوم كنت صغيره كنت اقول يارب اكبر عشان اجلس قدام في السياره
او حتى المرتبه الوسطى تعرفون المرتبه الأخيره وصعوبه ركوبها والخروج منها
احس ودي افصل سياره على مزاجي يمديني اطلع منها من باب لحالي
وآخذ مفتاحه معي محد يركب منه الا انا خخخخخخخخخخخ وربي تعقدت ..
لكن للأسف كل محاولاتي باءت بالفشل على بالي اذا الوحده كبرت يحق لها ان تجلس
قدام ما دريت ان الصغير صغير لو مدري وش يصير ..
خذوا مثلا ..
المشاوير روز جيبي ذاك الشي والا رزو جيبي ذاك الشي طيب ليييييييش ما تقوم فلانه توني جايه من مشوار طيب ليه ما قلتوا لي الا يوم جلست ؟؟
لا انت الصغيره وصغير القوم فرحتهم على ..
مين يا حلوين ؟؟قال فرحتهم عز الله انه خادمهم وخادم عيالهم بعد ؟؟
لا واذا شافوا اني تعبت قالوا خلاص فلانه تقوم >>> تو الناس يا شمعه الجلاس :eek: ؟؟؟؟؟؟؟؟؟؟؟؟؟؟؟؟
يراودني شعور غريب انه حتى لو شافوني عجوووووووووووز وماسكه عصاي يبدي قالوا روووووووذ
( الحين الحوار بدون اسنان لعامل العمر طبعا
ههههههه) يقولون رووووذ جيبي لنا فثفث وثاي (فصفص وشاي ) وفثفثيه انت لنا ؟؟؟
وانا اثير .. عفوا اصير أأشر بعصاتي واقول : طيب قولوا لفلانه تذيب انا مفاثلي (مفاصلي ) توذعننننني ..
وهم يقولون : لا انت الثغيييييره وثغير القوم فرحتهم واقووم وانا ما اشوف الدرب
؟؟؟؟؟واروح المطبخ بشويش عشان لا اتزحلق بالسيراميك لين اوصل البراده واتربع عندها
وجيب ابريق المويه واعبيه كله عشان ما اطق مشوار ثاني ..
وارجع امشي بشويش بشويش وانا أتأوه والا احفادي يقولون لي جده جده نسيتي عصايتك فالمطبخ
كيف قدرت تمشين ؟؟؟؟؟ يحرجون احفادي هالصغار الله يهديهم هع هع :22:
يمه رجعت للواقع اعوذ بالله ؟؟؟
بس احب اطمنكم ان الأمور تجري على ما يرام ان شاء الله
هناك مباحثات تجري بيني وبين اخواتي العزيزات على انه لابد من التخفيف على المسلمين
وتقاسم الأمور هذه فيما بيننا وان لا ندهر احدانا بالشغل والأخريات يتفرجن وربما يضحكن أيضا
والحمدلله الله لايغير علينا اخواتي فهموا وجه نظري وخلوا الأمور تجري بالتقاسم
ما عدا السياره خصوصا اذا زاد العدد اصير انا مع الأطفال ورى العب لعيال اخواني عشان يسوقون زين ؟؟
الله يالدنيا بس الحمدلله على كل حال الله يرزقني سياره لحالي .
اممممم والله اخاف يقولون احنا نسوقها وانت امسكي العيال بطلت ابي سيكل هع هع ..
وكمان ابشركم اني انا صرت ادهر عيالهم بأشغال شاقه مدى الحياه ..
فلانه جيبي ذاك الشي تقول وش معنى انا ؟؟؟
اقوم اضحك بمكر
وانا اذكر بطولاتي مع هالكلمه هذه واقوم اقولها الكلمه التي لاتنمحي من رأسي ( صغير القوم فرحتهم ) وانا في نفسي اقول والله يامالكم بتشوفون مني بس خلي اهاليكم يدفعون ثمن اخطائهم
هع هع ولا ابشركم عاد اذا صار وما احد منهم اقتنع بهالكلمه اتعامل معه بأسلوب آخر
عشان يعرف يقول لي لا ..نداء خاااااااص جدا لكل وحده صغيره في بيت اهلها ..
او تحس بمعاناه اختها الصغيره تجي تقول وش سووا فيكم اهاليكم من هالظلللللم الغير زائل :06:؟؟
الله يعطيج العافية فوز
والله ياما تبهذلت من وراء اختى الكبيرة تخليني
اكرف كرف اليهد وهى
حاطة رجل على رجل
والله امي ما تعبتني مثلها