fa6ooom @fa6ooom

عضوة جديدة

صـــــــديقتي مـــتسلطة بشكل غير طبيعي !!!

السلام عليكم ورحمة الله وبــركاته

مادري من وين أبدي لـــكم...

بس وايد اعاني من هالشي" صديقتي متسلطة ماذا أفعل؟؟"

عندي صديقة الله يهداها مادري شفيها دائما تجبرني على أشياء مابي أقولها أومابي أسويها متسلطة بشكل غير طبيعي
وهالشي وايد يضايقني طبعي ماحب أحد يتحكم فيني او يجبرني والقهر اني اكبر منها

اهي تتصل فيني على طول وساعات ماقدر أرد عليها أكون مشغولة أو راقدة أو قاعدة مع الاهل لأنه اهي تتصل في الليل وأكثر شي وقت اللي تتصل أكون راقدة يعني ماقدر أرد عليها لانه وراي جامعة من الصبح ماقدر أقعد لوقت متأخر
واذا ما رديت تزعل وترسل لي مسجات تقهر اللي ما يقهر كأنه نوع من التهديد يعني مثلا "اذا ما رديتي هالمرة لا اعرفج ولا تعرفيني "وانتي قاعدة تحقريني" وجوفي اللي يتصل لج مرة ثانية ... مسجاتها كله جذي
وساعات اسكر تلفوني واذا اتصلت لي وتلفوني مسكر نفس الحركة ترسل مسجات انتي ليش تسكرين تلفونج انتي ما تبين تكلميني اذا سكرتيه مرة ثانية والله ما راح اكلمج:mad:
وكل مرة على هالحال:44:
واذا اكلمها مرة ثانية اقول لها اني كنت راقدة وتعبانة ماقدرت ارد عليج
ما تقتنع باللي أقوله لها تقول لي ليش ترقدين هالمرة لا ترقدين ان رقدتي بتجوفين

وأحيانا أكون مضايقة من شي ومابي أقول لأحد بس اهي تجبرني الا تقولي لي
لا تقولوا لي صارحيها لأنه مستحيييل أقدر أسوي هالشي لأنه أدري ما راح تتقبل اللي بقوله ولا بتتفاهم وبتزعل

شسوووي ما عدت اتحمل نفسيتي تعبت بشكل كبيراول مرة في حياتي يصير عندي صديقة جذي
الحمدلله باقي صديقاتي طبيعيين ما يسوون مثل ما تسوي

تعبت تعبت بشكل مو طبيعي قولو لي شسوي احس روحي مقيدة كأني ملكها وبسبب انانيتها تبيني لها وبس
لو أقول مني لبكرة اللي تسويه ما راح أخلص
هل أقطع علاقتي فيها؟؟ بجد تعبت:44:

يلزم عليك تسجيل الدخول أولًا لكتابة تعليق.

تسجيل دخول

لحظات ولكن • 16 سنة

مشكلتكـ غررريبه

هذي صديقتكـ مو امكـ

من الاساس مافي مشكلة

انتِ معطتها حجم اكبر من حجمها

الله يعينكـ

fa6ooom • 16 سنة

لحظات ولكن :

مشكلتكـ غررريبه هذي صديقتكـ مو امكـ من الاساس مافي مشكلة انتِ معطتها حجم اكبر من حجمها الله يعينكـ

مشكلتكـ غررريبه هذي صديقتكـ مو امكـ من الاساس مافي مشكلة انتِ معطتها حجم اكبر من...

أمي ما تسوي لي ما تسوي اهي

مثل ما قلتي شكلي عطيتها اكثر من حجمها :44:

.~¤¦§Musk§¦¤~. • 16 سنة

السلام عليكم ...

بصراحة ربي يعينج ... بس شوفي بقولج كلمتين وانتِ ابخص بهن فلاتزعلين ..

أولا .. هي مو من سنج ... يعني المفروض انتي المسيطرة بحكم السن والخبرة بالحياة
لكن للأسف انتي انسانه م

fa6ooom • 16 سنة

.~¤¦§Musk§¦¤~. :

السلام عليكم ... بصراحة ربي يعينج ... بس شوفي بقولج كلمتين وانتِ ابخص بهن فلاتزعلين .. أولا .. هي مو من سنج ... يعني المفروض انتي المسيطرة بحكم السن والخبرة بالحياة لكن للأسف انتي انسانه م

السلام عليكم ... بصراحة ربي يعينج ... بس شوفي بقولج كلمتين وانتِ ابخص بهن فلاتزعلين .....

والله كلامج على عيني وراســـي

بس البنية طبعها جـــــذي حاولت اغيره بدون ماتحس بس بدون فايدة

ومو من حقي اكون مسيطرة عليها حتى لو كانت اصغر مني وعلى فكرة تره انه مو متساهلة معها احيانا افقد اعصابي وأعصب عليها بسبب حركاتها بس احاول كثر ماقدر اسيطر على روحي وساعات احسسها انه اهي السبب في عصبيتي بس ماكو فايدة نفس الشي يوم يومين وترجع مثل ما كانت

.~¤¦§Musk§¦¤~. • 16 سنة

ماادري كل ماجيت أكتب ينحذف ليه ...

المهم ... نرجع .. يا حلوه ... شوفي يبدو انك انسانه طيبه ... زياده عن اللزوم ...
فهي قاعده تستغل هالشي لصالحها ... وقاعده تشغل حيز كبير منج وقاعده تستنزفج وهذا مايتحمل لومه غيرج لأنج أنتي الوحيه اللي تتحمله لأنج سمحتيلها تتمادى معاج ..

ثانيا .. العلاقة من اللي فهمته مو متوازنه ... وهي قاعده تكتم عليكي وتحطك بين اختيار صعب يا أنا يا العالم ... وهذا يجرنا لمزالق الحي بين الفتيات... وانتي ادرى شو أقصد فلا تحطين نفسج بوضع ممكن أي حد يتكلم عليج فيه بالسوء

طيب بلا هذرتي وش الحل...

شوفي هل تستمرين معاها او تتركينها محد يقدر يحدد هالشي غيرج

شوفي انتي وش تبين يعني حسبيها صح
يا أنها تستمر بصداقتج وتحشم نفسها بشروطج وتحترم نفسها وتبعد عن حركات المراهقين ..
ويكون الاحترام المتبادل والمحبه في الله أساسها الصحيح ..
يعينى وقفي في موقف قوة وماقلت عصبي قلت قوة ... بانكِ ماتسمحين اي حد يكلمج بهالمستوى والتسلط بس لاتصرحين بالفاظج كثير وصليلها المعنى أو انج رح تضطرين أسفه للابتعاد

أو أنج تستمرين بتطنيشها .. لحد ماتمل وتفكج خير شر ... بدعوى الانشغال مع الاهل والدراسه وتكفين شرها عنك .. وهنا انتبهي لانتنقم بش كبير...

اولا حددي انتي وش تبين .. وبعدها بنكون معج بالخطوات