كوكب 11 :

هلا بكم جميعا حبيباتي وغالياتي اعطيكم نبذه عن الدرس السابع اللي هو الكرواسون هذا النوع لا تصلحونه الا وانتم رايقات ياخذ وقت طويل في التصليح نفذوا التعليمات بدقه واكيد بيضبط ما يعتمد على الخميره يعجن بحليب بارد من الثلاجه مو لازم ترتفع العجينه او تتخمر هذا مو ضروري بالعكس بتجننك ااذا انتفشت بعد العجن تترك برى بعيد عن اي حراره وبعد ساعه الاربع تدخلينها الثلاجه مدة ثلاث ساعات بعد الثلاث ساعات تطلعينها وتفردينها على الرخام وحيكون صعب لانها بارده لكن تحملي او قولي لأي احد يساعدك الخادمه او الزوج او الاخ المهم في اول فرده يبغى لها قوه حترجع لمكانها افردي من جديد حتكون عنيده لكن مع الفرد حتضبط بعد ما تفردينها مربع كبير ... حطي الزبده في الوسط وطبقي العجينه زي الملابس ودخليها الثلاجه نص ساعه وبعدين طعليها وافرديها وطبقيها ودخليها الثلاجه 3 مرات الى 4 سوي الحركه بعدين تفرد وتحشي وتخبز بس والله انه احلى من الجاهز اتمنى من جميع المشتركات تطبيق الكرواسون مو لازم هذا الاسبوع حتى لوبعد اسبوعين ما فيه مشكله .. لكن لا تدخلين المطبخ الا وانتي مستعده نفسيا ولا تكونين تعبانه او عندك اي شغل لا تطبقيه من اجل التطبيق او لمجرد انك في دوره ... لأ متى ما شفتي نفسك مستعده ادخلي المطبخ جهزي المقادير من الليل وانخلي الدقيق ولما تصحين مباشر ة اعجنيها وخليها الثلاث ساعات حتبدأين من اول يومك ويالله يجهز على المغرب او العشاء عندي هذا الدرس مهم جدا تخيلو حطيت له مقدمه قبل لا اعرضه الدرس الي بعده سهل جدا ما رح ياخذ منك وقت وسريع بعد عشان ما تنضغطون هذي صورته المقادير اربعه اكواب دقيق كوب وربع حليب طازه بيضه اصبعين زبده ملعقتين سكر ملعقه صغيره ونصف خميره نص ملعقه صغيره ملح فقط لا غير بارك الله فيكم والى اللقاء

هلا بكم جميعا حبيباتي وغالياتي اعطيكم نبذه عن الدرس السابع اللي هو الكرواسون هذا النوع لا...

كوكب 11 :

تعليق على تطبيقات الاخت غدير ام خالد تططبيق الدرس الخامس خبز الصاج ....الصاج مو حامي بدرجه كافيه وما رشيتيه بالمويه اذا رشيتيه يشيل الدقيق اللي يقسي الخبزه خبزه الفرن حلو وشكله روعه اطبيق الدرس السابع روعه شكل الفطيرات ما شاء الله بالعافيه وتسلم ايدك الاخت غدي اجمل مشكوره على الاعاده تطبيق الدرس الخامس روعه ما شاء الله تسلم ايدك وبالعافيه الاخت غيمة الصباح تطبيق الدرس الخامس خبزاتك حلوين خبزة الصاج روعه ما عليها كلام تطبيق الدرس السادس يبغى لها المره القادمه اتقان في التشكيل فقط بس الله يعطيك العافيه الاخت فتاة الاسياح تطبيق الدرس السادس ما شاء الله روعه الفطيرات كنك بتعرضينها في محل بالف عافيه وهنا الاخت عروس الخرج تطبيق الدرس السادس فطيراتك حلوين والله يخلي لك بناتك بالعافيه وندتسلم ايدك الاخت كمكوم تطبيق الدرس الاول اظن ان الفطيرات حشيتها ودخلتيها الفرن على طول ما تركتيها تتخمر ويتضاعف حجمها التحمير خفيف من فوق ما قصرتي ويعطيك العافيه تسلم ايدك الاخت ام عبد الملك تطبيق الدرس السادس روعه ما شاء الله تسلم ايك بالعافيه الاخت قهوه بالبيبسي تطبيق الدرس الثالث \روعه الصامولي والبرجر وتطبيق الدرس الاول كمان يجنن الصوره صغيره بس واضح انهم حلوين الدرس الثاني حلو بعد تسلم ايدك اما التوست كنها صامولي الخلل من العجن او الخميره العجينه ما تخمرت اذا العجينه متخمره في الاصل هذا الاهم الخميره ما اشتغلت ليش ما ادري من بعض الاسباب اللي تخلي الخميره ما تشتغل يعني تموت ... ان المويه تكون دافيه اكثر من اللازم المويه المفروض انها ما تكون بارده ومره سمعت شيف في التلفزيون يقول المفروض لما نعجن ما نخلي الخميره تكون جنب الملح لانه بيمتص سوائلها وحتموت لانها كائن حي بس والله ما ادري اذا صار كذا لا تحمرينها ليش تخسرينها سويها صامولي على الاقل مشكوره على التعب وبارك الله فيك الاخت ام الحلو الدبدوب تحفه تطبيق الدرس السادس خطيييييييييييييييير ما شاء الله لا قوة الا بالله فنانة معجنات الله يعطيك الصحه والعافيه بالعافيه وتسلم الايادي الاخت بنت سعوديه تطبيق الدرس الاول كويسه الفطيرات القوارب حلوين اوي تطبيق الدرس الثالث الصامولي والبرجر حلوين ,,, تحميرهم غير متساوي التوست كويس مره تطبيق الدرس الرابع حلو بعد يعطيك العافيه الاخت ام عاصم 2008 تطبيق الدرس السادس كل شي روعه لكن اللي باللبنه لا تنتظرين يتغير لونها الخبزه مستويه طلعيها من الفرن بالعافيه بارك الله فيكم ووفقكم لما يحب ويرضى

تعليق على تطبيقات الاخت غدير ام خالد تططبيق الدرس الخامس خبز الصاج ....الصاج مو حامي بدرجه...