صلصة البيتزا فالفريزر

صبحكم الله بالخير 😍صراحة المنتدى صاير يججججججنن بشكل ما شاء الله 😭💗المهم بديتو تفرزنون وتجهزون لرمضان ولا توكم 😁أشوف حمولتي ما شاء الله خلصو كل شي من معجنات ومن مفرزنات عاد يوم شفتهم  بدو تحمست وبديت أمس أسوي بعض الأشياء مثل تقطيع الفلفل الرومي والطماطم والورقيات والبصل عشان اللي يبي له فرم واللي يبي له مع السمبوسة تخبرون عاد 😂بس اللي حرصت أخلصه أمس صلصة البيتزا لأنها مره لذيذه وتقريبا أستهلكها كثييييييرررررر وقلت بقولكم عنها لعل إن شاء الله أحد منكم يجربها وتعجبه وبالعافية عليكم مقدماً💗😍طريقتي في الصلصة كالتالي :اجيب كمية البصل اللي ابيها وأقطعه وأحطه بالفرامه وبعد مايخلص احمسه مع زيت لين يصير لونه شوي ذهبي ، بعدها أضيف علبة معجون طماطم وأحمسهم زييييين ، اخر شي لين حسيت أني حمستهم وصارت زينه الحمسه اجيب الطماطم والفلفل الرومي اللي مفرومين واحطهم على البصل المحموس واخليهم يطبخون إلى ان يستوون تماماً بعدها أضفت عليهم ملح وبهارات إيطالية وشوي فلفل اسود وثوم بودرة وبابريكا وكزبرة مطحونه ضروري .

الخطوه الاخيرة إذا بردت شوي أحطهم بأكياس اللي تتسكر من فوق هذا شكلها 

وأحطهم بالفريزر وألذ منها مافيه طلعيها لاجيتي تطبخين عشان تذوب شوي وأستخدميها وبالعافية 😍