تسلم ايدييكم على الوضوع الروعة

بس لو اختي صهيل ترجعي واتحطي صورة القالب لانها اختفت

ولكي جزيل الشكررررررررررررر

شوفي قناة لبنان برنامج لكي سيدتي يجي تسوي الورود بالساتان شي جميل وراقي الساعه 12 .50 بتوقيت السعوديه راقبيه هليام بتجي تصلح ورود

السلام عليكم

تكملة لما ذكرته اختنا صهيل

بالنسبة لكمية الغراء والماي :
1 كوب غراء + 1 ونص كوب ماي
تخلطينهم مع بعض
وتدهنين القماش

بالنسبة لدهن القماش بالغراء ممكن عادي ينحط على حبل الغسيل ويدهن بإسفنجة
من الطرف اللي مافيه لمعة
بس مانكثر دهن عشان ما يتسرب لوجه القماش ويخرب اللمعة اللي فيه


بالنسبة للتلوين :
ممكن نستخدم القماش اللي لونه ابيض ونقص البتلات عادي
وبعدين نلون البتلات بألوان السيراميك البودرة
ومكتوب عليها "ديلون" بالانجليزي
والطريقة :
انا نجهز ملتين او ماعونين
واحد نحط فيه ماي دافي او ساخن شوييييي
والثاني نحط فيه ماء دافي + كمية من اللون
واللون نضيفه حسب الرغبة
اذا نباه غامق نزيد كمية اللون
واذا نباه فاتح نقلل من الكمية

وبعدين عقب ما نجهز الماعونين
نغمس البتلة اول شي فالماعون اللي فيه ماي فقط
وبعدين نطلعها وننفضها من الماي الزيادة
وندخل الطرف اللي نبا نلونه في الماعون الثاني اللي فيه اللون

ليش سوينا هالحركة؟
يعني ليش اول شي في الماي بس وبعدين في اللون؟
الجواب:
عشان لما ندخله في الماي اول شي القماش يتشرب كمية من الماي
وبعدين يوم ندخله فاللون يمشي معانا اللون ويتغلغل في القماش بطريقة حلوة
مش انه يثبت مكان ما دخلناه في اللون

فاهمين علي؟
احس اني خبصت الدنيا

المهم وبعد ما نلون البتلات
نتركها تنشف

وبعدين اذا حبينها انا نتحكم في كل بتلة بروحها
يعني يكون لها انحناءها الخاص فيها
ممكن نلصق سلك ابيض من خلف البتلة
والتلصيق طبعا بصمغ اليوهو السائل
وبهالطريقة نقدر نثني البتلة مثل ما نبا

والباقي مثل ماشرحته اختنا صهيل
والسموحة

تسلم ايديييييييكي اختي الطر المهاجر

لا لخبطي الدنيا ولا ش بالعكس شرحك واضحححح ووافي

الله يجازيك كل خير ياااااااااارب

الشرح رائع
أعتقد ممكن استخدام النشا مخفف ومغلي ويبل القماش كله به وينشر باملاقط علي حبل الغسيل حتي يجف وممكن استخدام قماس البطانة
هذا ما فهمته من برنامج لك سيدتي الذي يذاع علي قناة لبنان يوميا الساعة 12 ظ