درت المقرون بالشاميل وحبيت انحط الطريقه المفصله باش الكل يستفيد
خاااصه حبيباتنا المبتدئات
اولا نقوم بتحضير لاصوص انتاع فيونداشي
ونطبخو المقاورن وانخلوها نص نص معناها مطيبيهاش مليح لانها اتكمل اطيابها من بعد
نرجعو لاصوص
نقلي البصل المفروم مليح انزيدله 250غ لحم وانحرك حت يتغير لون اللحم من بعد انضيف مقدار حبتين طماطم مرحيه وثوم وفلفل اكحل والبهارات
انقلبو مليح انزيدو معاهم ملعقتين كبار طماطم معلبه انخليها اطييييب بالمليح نمرقها بكاسين ماء بعد ما تغلي انقص النار ونغلق عليها حت
طيب وتنشف ضيفي ورق رند وشوي ومعدنوس وشوي زعتر فلفل اخضر حار
ثااانيا تحضير البيشاميل
وهو كالتااالي
نحط ملعقتين زبده مع ملعقه زيت في كسرونه ذوبي الزبده مع الزيت شوي ضيفيلهم ملعقتين فرينه او نشاء او خليط
دخليهم مليح مع بعض ومن بعد ضيفيلهم كاس حليب وانتي وعينك بلاك الفرينه تتفرق زيدي ولا نقصي المهم ميجيش مطلوق
حركي مليح باش متتكتلش هنا ضيفيلهم الملح زدت معاه الفلفل الاكحل مبروش وقليل من ثوم والزنجبيل بودره
يعطوه بنه هااايله واقفلي عليه وخليه يبرد من بعد ضيفي حبه بيض
نبدو انجهزو باش انحطوها اطيب انكمل الشرح بالصور
