صوتكِ لن يسمع ..... ما لم تسجليه هع هع هع هع

إزيكم يا صرقوعات ........... عاملين ايه يا حلوات
وحشتوني موت يا الدبات ........ الله لا يخليني منكم يا المنسمات

خخخخخخخخخخخخخخ
وش رايكم اعرف اكتب شعر>>>>>> اعرف صح <<<<<<<< بس ما عاد اعودها
اممممممممم كلكم شفتوا الإعلان اللي منزلته ام العيال المشغوله يا ربي يحفظ لها عيالها و يصلحهم و يكثرهم
إعلان القصة القصيرة و أكيد اللحين معظم الصرقوعات يعصرون عقولهم عشان
يطلعون موضوع منسم حتى يفوزون
و بما اني من جمهور الصرقوعات انتبهوا انا من الجمهور يعني من الشعب يعني مواطنه
و المواطن يحق له يدلي بصوته
لإن الصوت أمانه
صوتك يعبر عن هويتك >>>>>> متأثرة بالتلفزيون هاليومين


هاه شفتوا هذا قرار وزاري صادر من الحكومة انا مالي شغل هم اللي يقولون صوتوا

عاد اللي تبغنا نصوت لها الله الله بالمواضيع اللي تخلي بطوننا تشقق و عيوننا تدمع من الضحك

اللحين و بعد ما خلصنا الإعلان الجمهوري الخاص فينا يا مواطنين الواحة الترفيهية
ابقولكم سالفة صارت معي الله لا يحط احد محلي يا رب
هذا يا الطيبات رحت عند أمي العصر و قالت لي فروحه عمك في المستشفى
قلت لها سلامات وش فيه عمي >>>> ترى عمي رجال كبير في السن و من البر
قالت أبد دخلوه المستشفى حتى يسوون له عملية
قلت لها : لا لا لا و الله عساه ما يشوف الشر خير وش هي عمليته
قالت : فتاق
عاد أنا احسب كل الناس اللي يصيبهم فتاق يكون في بطنهم ما اعرف ان فيه فتاق في مناطق
ثانية بالذات للرجال
قلت لزوجي يا أبو فلان عمي في المستشفى ضروري ازوره
قال لي وش فيه سلامات قلت ابد مسوين له عملية فتاق >>>>>>> نشرتها
قال خلاص لا طلع لبيته أوديك له
قلت أوكيه
و يوم طلع عمي من المستشفى رحنا أنا و زوجي نزوره
عمي كان نايم في مجلس الرجال دخل عليه زوجي و انا دخلت عند عمتي و البنات
سلمت على عمتي و قلت لها كيف حال عمي عساه بخير
قالت الحمد لله طيب
قلت لها وكيف العمليه ان شاء الله تمام
طالعت في بنضرة غريبه و ما ردت >>>>>>> كنها تقول وش عندها ذي
قلت لها كيف أموره اللحين
كمان ما ردت
و بنات عمي يطالعون في بعض و كاتمين الضحكه
بصراحه استغربت وش فيها ما ترد علي زين ليه هالنظرات عمتي وش حلاتها دايم
المهم شوي و لا هم يقولون فرحة تعالي عمك بيسلم عليك في المجلس مافيه احد غير زوجك
و الله و اروح لعمي و يوم شفته
و انا افقع بالصوت >>>>>>>>> تعرفون كيف نكلم الشياب دايم
سلامات سلامات يا عم و اسلم على راسه وهو منسدح و اجلس جنبه
كيف حـــــــــــــالك يـــــاعم عســــــــــــــاك بخير
قال : الحمد لله
قلت و كيف العمليه
قال: زينه
قلت كيف أمورك ان شاء الله تمام >>>>>>> مصرة على الإحراج و الفضايح
طالع في وهو ينظر في مستغرب
و انا ازيده بشرني عنك العملية كيف مستريح ما توجعك
و عمي يطالع و مستغرب >>>>>> وش عندها ذي
المهم وانا اللي أزيده كمان في الأسئلة على بالي بنت سنعه تعرف في الواجب
قلت له كيف ان شاء الله مستريح ما تحس لها بوجع
ولا قام يضحك عمي >>>>>>>>> شبك معي خط ذا الشايب
قال لالا ابشرك طيب و صحتي زينه بس انت زوجيني
انا على بالي انه يقصد انه بخير
قلت له لالالا يا عم خلاص يكفونك حريمك اللي عندك
ضحك وقال لا و الله جيبي لي الرابعه و أدخل عليها اليوم و أسير على باقي الحريم
في ليلة واحدة حتى تعرفين اني نشيط وانا عمك انا في قوة احسن من الشباب

بعدين جاء رجال عند في المجلس و انا قمت عند عمتي و البنات و يوم أذن المغرب
خرجنا انا و زوجي من عندهم وفي السيارة


زوجي يضحك و ميت ضحك و حاط العمامة على فمه
أنا بكل بلاهه وش فيك ليه تضحك
قال فروحه وش هي عملية عمك
أنا وبكل براءة فتاق
قال ايه فتاق بس وين
قلت في بطنه
قال لا و الله مهو في بطنه
قلت له وين يعني يكون الفتاق غير في البطن
قال فتاق عمك في ********************
قلت له لا يا شيخ قل و الله
قال قسم بالله توني اسمعه يسولف هو و الرجال في العمليه و كيف سووا فيه
عاد انا هذا حالتي

وش رايكم تظنون اقدر اواجه عمي بعدها ؟