بنات أنا ساكنه بيت يديد وتونا نأثث ومحتارة والله ومالي حد أستشيره غيركم يا راعيات الذوق...
أبغيكم تقولون لي شو أضيف وشو أغير!! وكيف أرتب الأثاث؟
هذي صورة غرفة المعيشة يعني جلسة الأسرة الصغيرة المكونة من أم و أب طفلين الولد سنتين والبنت 10 شهور (الطفلين ما أدخلهم هالغرفة عندهم غرفة خاصة آمنه وايد مثل غرف الحضانة مقابلة لغرفة المعيشة بصورها لكم بعدين)
الأثاث لونه أوف وايت وهوعبارة عن كنبتين كبار وحدة منهم تتحول سرير :) الطاولات بيضاء من إيكيا أيضاً أما طاولة الطعام اشتريتها من 2XL صغيرة أدري بس تكفي لأربع أشخاص لونها بيج
الجدار مغطى بورق مموج من تحت وفيه مربعات من فوق مصبوغ بنفسجي فاتح (ليلكي) وفوقه بدرجة أفتح قريبة للبياض
صورة أقرب للطاولة الجانبية وتوضح طريقة ورق الجدار
أدري التلفون مب متناسق لأنه كلاسيك لكنه المتوفر حالياً
وهني صورة الطاولة والستارة شيفونات بس بنفسجية فاتحة وغامقة وأنا ركبتهم اشتريتهم بسعر رخيص من القرية الصينية أيام القرية العالمية
وهني الزاوية الثانية فيها رفوف للكتب والتحف من إيكيا بعد وفيا إضاءة في أعلى رف (أنا استخدمتها للتخزين ولعرض التحف)
يارب انك توفق اللي ترد علي وتساعدني يارب :angry: