بسم الله الرحمن الرحيم
السلام عليكم ورحمة الله وبركاته
جزاك الله خير اختي رحالة
وإليك موقفي
في يوم ما من أيام رمضان وتحديدا في العشر الاواخر ..
كان زوجي معتكفا في المسجد .. وكان المسجد
جنب العمارة اللي نسكن فيها .. وبينهم ممر فيه حمامات
الرجال أكرمكم الله ..
وذاك اليوم كان عندي غسيل ملابس وكنت اغسلها وقت العصر وبعدين
صعدت الى السطح حتى أنشر الملابس ..
للعلم العمارة فيها شقتين بس وحدة فوق اللي نسكنها
انا وزوجي ، وشقة تحت وكانت فاضية .. يعني العمارة مافيها
غيرنا ..
المهم صعدت السطح وكان باب السطح حديد وثقيل
وما يتحرك بسهولة ..
دخلت السطح وبديت انشر الغسيل ، وما سمعت
الا باب السطح يتسكر ، كيف ؟ ما أدري
والمشكلة ما ينفتح الا من جهة وحدة ،، من داخل ..
من جهتي ماأقدر افتحه ..
واختكم في الله كملت نشر الملابس وبعدين تحل مشكلتها
هههههه :: كل شي بوقته ؟؟؟
رحت عند الباب أحاول افتحه ما فيه فايدة طبعا ..
الحين كيف ؟ وش اسوي ؟
رحت اطل من السور على ممر حمام الرجال وهو كان ممر
مكشوف من فوق وفيه الحمامات داخل .. لعل وعسى
اشوف زوجي رايح الحمام ..
والمشكلة مايبين من فوق ما أشوف الا الرؤوس ههههه
....
انتظرت وانتظرت الى أن قرب المغرب وجفت الملابس
وشلتهم وحطيتهم في سلة الغسيل ...
....
وأذن المغرب ،
تيممت وصليت ..
وبعد أن انتهت الصلاة من المسجد وراحوا المصلين
أخذت حصى من السطح حذفت على مكيفات المسجد
قلت يمكن يسمع زوجي ويشوف ايش السالفة ..
وما فيه فايدة ..
....
وأذن العشاء
وصلوا العشاء والتراويح
الحمدلله اني كل يوم كنت أسوي عشاء خفيف
لزوجي وأوديه معي اذا رحت للتراويح وأخليه له
هناك وهو يأخذه اذا فضى المسجد ..
وذاك اليوم طبعا ما فيه عشاء ولا يحزنون
ويوم فقده جا يستكشف الوضع هههههه
شاف الشقة مفتوحة والغسالة مستعملة
فجا للسطح
....
وانفتح الباب
أخيرا ..
أخيرا ..
بس المشكلة فتح الباب وأنا أطل على ممر الحمام
ههههههه
وهو طبعا مثل اللي زعل وقال ليش ما جبتي عشاي
الليلة ؟
آآآآآآآه ياني ياهاالرجال
مافيه عسى ماشر ؟ فيك شي ؟
المهم قلت له السالفة كذا وكذا
وانت ما سمعت الحصى على المكيفات ..
قال : بلى بس حسبته قطاوة (قطط لمن لايتكلم العربية هههه)
والحمدلله على كل حال