هلا وغلا بالحوائيات
طبعا اول مشاركه لي وانا متأكده انها راح تعجبكم وماراح تقصرون في شكركم لي
لان هالشي مو غريب عليكم
اليوم غدانا كان بسيط ولذيييييييييذ وفيه طعم مميز وخيالي ورووووووووعه
وصدقوني راح يعجبكم وتنبسطوا عليه
صينية الدجاج بالنكهه الحامضه المميزه
نجي عالصور والشرح بالتفصيل الممل
طبعا خويتكم راعية مزااااااج ومزاجها غريب ويطلع باوقات غريبه
الساعه كانت 2بالليل
طلعت هالمرحومه وحطيتها بمويه حتى يفك الثلج عنها
وبعد مالانت جهزت المزاج
وجهزت مقادير الخلطه
بصله كبيره - ثوم - ليمونه تقشر وتقطع مربعات - خل - صلصةالصويا - بهارات مشكله ولومي اسود -زبادي - وللنكهه المميزه دبس الرمان - معجون طمطام نسيت اصوره - ملح
تخلط بالخلاط جميعا
ونصبها عالدجاجه
ونخلطها عدل ونفركها فرك
في صينيه نفرش فلفل رومي حلقات وبصل جونح ونرص الدجاج فوقه
ونحط باقي الصلصه عليها
بنات رجاء لاحد يرد حتى يكتمل الموضوووووع
واللي تبي ترد بس تضغط على ايقونة شكرا لك
ثم نرش عليها السماق ونقصدرها ونحطها بالثلاجه لليوم الثاني
اليوم الثاني
نجهز قهوتنا وكنافتنا
وبعد ماتقهوينا وروقنا نحمي فرننا ونحط صينيتنا فيه ونتركها تقريبا ساعه حتى تنضج
ونحمرها من فوق
ويصير عندنا صوص متوسط الكثافه وطعمه لذيذ
نكون مسوين رز ابيض ونجهز طبقنا
وصورتين للطبق وبالعافيه
وبالعافيه عالجميع