السلام عليكم ورحمة الله وبركاته
زي ماوعدتكم هي صينة الخضار تبع الأخت عسيرية كول
طبقتها في موضوعي
http://forum.hawaaworld.com/showthread.php?t=2655511
ولأن الرابط الأصلي .. لعب فيه التهكير .. راح أعيد تنزيلها مع الإعتذار لأختي الغالية صاحبة الموضوع الأصلي
صورة الطبق للإغراء ههههههههههه
المقادير والطريقة مع بعض
أول شي هاتي الخضار اللي عندك إلا الكوسه .. لأنها موكوسه ^^
أنا حطيت .. بطاطس .. زهره ..بيدجان ..جزر ..
قطعيها صغار واقليها في الزيت ..
الجزر بشرته .. تخفيفاً للزيت ^^
في مقلاة .. احمسي بصل وثوم مع شوية زيت .. ثم حطي عليهم قطع دجاج مربعات ( إما صدور أو مسحب )
وقلبيها لين تبيض .. ثم حطي بهاراتك .. مع حبة ماجي .. وقلبي لين يذوبون مع بعض .. ثم فلفل بارد أخضر أو أحمر أو الإثنين ..
مربعات صغيره .. وقلبيهم لين ياخذ الطعم .. ثم ملح ..وقبل ماتستوي بشوي حطي عليها الصوص الأحمر ..
(2ملعقة صويا صوص معتدله .. شطه قد ماتتحملين^^ .. كتشب تقريباً بيالة )
وقلبيهم مع الدجاج .. وقبل ماتطفينها .. حطي عليها كزبرة وبصل أخضر ..
وهذي صورة الحمسة بعد الإنتهاء منها
ارجعي للخضار .. واملحيها وقلبيها مع بعض
ثم صبي عليها خليط الدجاج وقلبي لين يختلطون مره .. وتغوص الطعوم في الخضار ^^
ثم صبي عليها الخلطه البيضاء .. وهي عباره عن
( 4 ملاعق جبن سايل .. ملعقتين مايونيز ..ملعقتين نشأ ( كبيره ) .. كأس ونص حليب سايل ) >> مخلوطه بالخلاط
اخلطيها .. وصبيها على الصينيه .. وخلي الخليط يدخل مع الخضار ..
قصدريها ودخليها الفرن ..ربع ساعه ثم فكي القصدير وخليها لين تتماسك .. وحمريها .. وقدميها مع الرز ..
قدميها مع الرز الأبيض أو الخبز
طعمها قريب من المصقعه بس ألذ منها بكثير
دعواتكم لي ولأختي الغالية صاحبة الموضوع الأصلي / عسيرية كول
روعه