صينية دجاج بالبطاطس والقشطة,,,,رهيييببة

:) السلام عليكم بنات كيف حالكم بنات انا اليوم يابتلكم صينية رهيبة بس ان شاء الله ماتكون مكررة واذا كانت مكررة فإعذروني:22: ,نجي للمقادير
المقادير:
دجاجة مسلوقة بالبهارات عشان تروح زفرتها وتكون طيبة وبعدين فتتيها او خليها شرايح مثل ماتحبين
بطاطس مقطعة الى مربعات صغيرة ومقليةخليها على جنب
3 علب قشطة اي نوع
3 ملاعق طعام مملوئة جبن كرافت السائل
ملعقة طعام كبيرة مايونيز انا حطيت قودي (مادري احس انه طعمة لذيذ جدا)
4 ملاعق جبن موزاريلا مبشور
3 حبات بصل-فصين ثوم كبار مدقوق
حبة طماطم كبيرة-ليمونة
ملعقة بزار-ملعقة سنوت (كمون)-ملعقة اجي ني موتو-ملح-نص ملعقة قرفة مطحونة-ملعقة صغيرةفلفل اسود مطحون-رشة خفيفة هيل مطحون-ملعقة زنجبيل بودرة
الطريقة:
نخلط القشطة مع الجبن الكرافت مع الميونيز ونخليه على جنب
نجيب للدجاجة نحضر تاوة القلي ونحط مقدار فنجان اي زيت نباتي تفضلينه نحط البصل عليه ونخليه حتى يحمر قليلا ثم نضع الثوم ثم البزار ونخلط قليلا ثم باقي البهارات المذكورة ثم نضع حبة الطماطم ثم نضع الدجاج ونعصر الليمونة علية ونغطيه شوي عشان يتسبك
وبعدين نفرش خليط الدجاج في صينية مدورة او مستطيلة ونسكب عليه خليط القشطة والجبن ونرش على الوجة جبن الموزاريلا المبشور وندخلة الفرن حتى يحمر الوجة قليلا ويؤكل مع الخبز اللبناني والكاتشاب والسلطة ...
جربوه ترا الكلام كثير بس التنفيذ واييييييد سهل وصدقوني راح تسمعين عبارات الاطراء من حواليج اناعيالي انهبلو وابوهم قالي :تراك طباخ درجة اولى ونحنا ماندري:42: والله اني حسيت بالفخرر واستحيت:22:
هني وعافية على قلوبكممممممم:)
اي استفسار اناحاضرة