صينية مكرونة لذيذةوسريعة ...صورة

السلام عليكم

اليوم كنت افكر اسوي على العشاء صينية مكرونة بس ماادري بإيش وكلما فكرت في نوع لقيت بعض الاغراض ناقصة وفي النهاية قلت في نفسي بحط اللي يجي في بالي وياتصيب ياتخيب والحمدلله صابت وعجبت:arb:
الطريقة والمقادير
مكرونة اي شكل تسلقينها مع ملح وماجي وزيت
انا حطيت نص كيس

2م جبن سايل-م مايونيز-زبادي
الحشوة
في قدر على النار تحطين زيت ولما يسخن تحطين عليه بصلة مقطع شرايح وتحمسينها بعدين تحطين حبة فلفل رومي مقطعة شرايح وتخلينها على النار الى ان تذبل بعدين تحطين جزرة متوسطة مقطعة اعواد صغيرة
وتقلين زهرة وتحطينها عليها وبطاطس مقطع مكعبات ومقلي وتحطينها على البصل وتحطين بهارات وملح وماجي وماجي ابيض وشوي فلفل اسود وثوم وخليها 10 دقايق على نار هادية

نصفي المكرونة من ماء السلق بعدين نحط عليها الجبن والمايونيز ونحركها زين بعدين نحط الحشوة ونفلبها مع بعض بعدين نحطها في الصينية ونبشر عليها شوي جبن كرافت وتدخل الفرن من تحت 10 دقايق ونحمرها من فوق
نسيت اقول انها دسمة
وبالعافية على قلوبكم