كي هال هية تيكوا =ترجمة= كيفكم عساكم بخير >> لاتلومونها تأثرت بالباكستانيين
بادخل على المقادير بدون مقدمات
رز مسلوق مع حبتين هيل وحبتين عويدي واكيد ملح
تكشنين بصل وثوم بزيت زيتون
وتضيفين لها صدور دجاج مقطعة بالطول وتقلبينها الين ماتستوي وتضيفين عليها جزر مبشور وفطر مقطع وذرة وصويا صوص وبهارات وملح وتخلينها على جنب
وبعدين تسلقين بطاطس الين ماتستوي وتعجنينها الين ماتصير زي العجينة وتضيفين لها فلفل اسود وملح وتكورينها كور صغار وتحطين بداخلها جبن كيري (قطعة صغيرة ) وتخليها على جنب
تجهزين صوص بشاميل (دقيق حليب موية ملح فلفل اسود بودرة الثوم )والطريقة معروفة للجميع
والرز بعد ماسلقتة حطيتة بصينية تيفال
ورصيت علية علشان لايتفكفك عند التقديم
بعدين امسك حبات البطاطس وارصها فوق الرز
ونحط خلطة الدجاج فوق البطاطس
واخر شي نغطيها بصوص البشاميل
وحبة بيضة للتحمير
ونحطها بالفرن ونولع عليا شوي من تحت ومن فوق الين ماتتحمر
وبالهناء والعافية
