قصتك وموضوعك مررره يقهر ليش كذا الظلم في مجتعنا ؟؟؟


ليش اخوك مايرفع عليه قضيه طيب انه يطلقك اقل شي هذا؟؟


ما اقول غير الله ينصرك ع من ظلمك سواء اخوك او زوجك

اللهم امين
اخوي غاسل يده من موضوعي

انتي كيف بتربين بناتك بهالضعف لاتخافين من احد انتي دقي وعلميه وخيريه يايحط لكم بيت يالمحكمه بينكم ولاو يهددك بياخذهم قولي اول الحضانه لي وثانيا تعال خذهم صدقيني مارماهم ولااهتم لهم وهو يبيهم لاتصيرين ضعيفه انتي هو بيعرس وانتي تندبين حظك تحركي لاتصيرين ضعيفه بكره تورثين بناتك هالضعف وقلت الحليه شوفي العالم والحريم القويات اخذات حقهم بالشرع صراحه تستقزيني نفس القاك كاتبه موضوع اخذتي حقك وادبتيه

الله يفرج لك ويرزقك من حيث لا تحتسبين

زوجك هذا الحقير اشتكيه انه معلقك
مو راضي يرجعك ولا راضي يطلقك حتي تربي البنات
واخوك هذا لو رجال فيه خير طلع رجولته عند الرجاجيل عند زوجك الي هاينك ومعلقك كذا
اصلا لو زوجك عارف ان وراك رجال ماسوا كذا لكن ماهو عاده رجال عرف حجمه الحقيقي بين الرجاجيل ولهذا اهانه حتي هوه بك لو رجال سحبه على وجهه بالمحاكم رجال يرجعك ولايطلقك
ويقلب وجهه ويجيب مصروف بناته
هذا هوه الاخو السند الي يرفعك فوورووق وماتشتكين الضيم وراسه يشم الهوا
مو هذا الرخمه الي لايقل عن زوجك حقاره وامه وش دخلها تحرضه الله يريك فيها يوم تدوس ببطنها زوجته وهو يتفرج عليها بآخر عمرها الظالم ربي يرد له ظلمه مهما طال الزمن الي زرعه يحصده واسأل الله ان يريك فيها مازرعته يدها من ظلم وتحريض
وانتي لاتنتظرين من هالرخمه يسوي لك شي هذا هو وحرمته واحد خليه للمكايد والمجاكر بس مثل الحريم
روحي لشيخ واستفزعي به يساعدك في رفع الظلم عنك اقل شي يطلقك يجيك ضمان وش بيسوي اخوك بيضرب
خليه يضرب قولي مارفعت الظلم عني
وماحسيت جنبي رجال ياخذلي حقي
وزوجي ماعلقني وهو عاملك حساب
وفعلا اثبتت نظرته فيك
لاتسكتي على نفسك لمتى? !
فيه مثل يقول الحاجه ام الاختراع
انتي الحين مالك حد يطالب بحقوقك
ماعندك الا هالاخو الرمه
خلاص انتي البسي شماغه واعطيه طرحتك وخلك انتي الرجال وطالبي بحقوقك واستعيني بالله وربي ينصرك
الدنيا مو سايبه ومايموت حق وراه مطالب بس لاتستسلمي وتسكتي عن حقك برقبتك بنتين مسؤله عنهم وعن مستقبلهم ولنفسك عليك حق
ربي يفرج همك ويقوي حجتك على زوجك واخوك وينصرك نصر عزيز مقتدر. عاجل غير آجل