ضاقت فلما إستحكمت حلقاتها فُرجت ، وكنت اظنها لاتفرج " قــصتي ومعاناتـي "

السلام عليكم ورحمه الله وبركاته 🌼🌻.
مساكم / صبحكم .. الله بالخيرات والمسراات ..
'
'
#
'
'
#
'
'
اللهم لك الحمد كما ينبغي لجلال وجهگ وعظيم سلطانگ ..
أتمنى تكونو ب أتم الصحه والعآفيه 😴💛.
واخيرا جا الوقت الي كنت انتظره من اشهر .. الوقت الي فيه باكتب لكم قصصة معاناتي مع العين والمس وشفائي منهم بفضل الله تعالى .. اللهم الحمد ..
أكتب لگم 💗 قصتي / ،
لعلها تشد من ععزيمتكم ، وإرادتكم ، لمقاومة المرض الروحي والالم ل تقهروه ولا يقهركم 🌷"..
وكل أمنياتي أن افيدكم واخفف عنكم بكلمآتي ، وابث الاأمل في نفوسكم 🌻.
بدايتي مع المرض كانت في شهر 7 سنه 1436 بدات معاناتي مع المرض من مناسبتين حضرتهم زواج وملكه ..
بعدها بفتره حلمت بحلم عجيب ي اخواتي لدرجه وسبحان الله اراد ربي يحذرني ب هالحلم ..
الحلم ومافيه كنت اشوف نمل احمر يخرج من بطني كثير كثير كثير والله ي بنات كانه شلال وكان يخرج من بطني ويمشي على الارض ويخرج من الغرفه !!
صحيت مرعوبه حيل من الي شفته وابد مااهتميت له ولا فكرت افسره اصلن قلت ان شاءالله خير وتعوذت من ابليس ونسسسيته نهائيا !💔
وسبحان الله كتب ربي اني م افسره الا بعد معاناه شديد والحمدلله 💔🔕.
شهر 8 لاحضت بطني بدا يتغير صرت احس فيه ب الم بسيط ومع اصوات بسيطه جدا تطلع بالنادر وم اهتميت كالعاده ..
ووجهي امتلئ حبوب كبيره وحمرا الله لايوريكم بس .
مرت الايام لحد اواخر رمضان هنا لاحضت ان حالتي ازدادت سوء 💔 الالالم زاااااااااااادت والاصوات زادت وصارت تطلع حتى وقت الاكل !
حتى اني اعتزلت اهلي وصرت اكل لوحدي صارت تضايقني اصوات بطني وكرهتني في نفسي !
طبعا انا رحت المشفى وقالولي انه مجرد مغص اكلت ادويه ولا فادت بشيء ابدا وجلست على حالي وكان كل فتره تزيد حالتي سوء واتعب واعاني اكثر واكثر .
بدات الدراسه وانا على حالي وداومت ووضعي كذا ! وطبعا اصلن لما افتكر كنت م اهتم م توقعت يعني شي عادي واصوات زيها زي الاصوات الي نحس فيها بوقت الجوع وطنشت والوضع ايزي عندي ..
لما بدات اداوم صرت لما اصحى الصبح وهي تطلع من بطني الاصوات وتستمر لفترهه هنا بديت اخاف واقلق انها تجيني وقت م اكون بالجامعه
صرت اداوم اسبوع اسبوعين وعادي في بدايه شهر 12 يالله هنا بدات المعاناه الحقيقه للمرض 💔🔕.
" ملاحضه "
ب هالفتره انا كنت اسمع شيلات واغاني وكانت تاثر فيني وكنت اطنش ولا اهتم كعادتي طبعا ، ومن طبيعه المرض الروحي انه اذا اهمل العلاج يتطور ويزداد تعب المريض فكيف انا كمان اسوي نواقض التحصين الي هي سماع شيلات واغاني .. زادت الطين بله .. والله المستعان
المهم ..
لما داومت اول الاسابيع كنت اتعب كثير وكان وقتها ربي ساتر علي واصوات بطني م طلعت
لما زادت الاعراض وتعبت اكثر صرت اتهرب من الدوام قد م اقدر وتفوتني مححاضراتي والاستاذات يعطوني انذارات غياباتي كثرت ليت ختمتها ..
بعدها بديت اتحرك حسيت ان حالتي مو طبيعيه بديت ابحث ب قوقل واتخبط فيه واقرا عن الاصوات ..
الغريب ي اخواتي اني كنت اقرا لناس وضعهم زي وضعي تماما وماهم لاحقين حل ابد لما اشوفهم يتكلمون عن وضعهم ويطلبون مساعده الكل ييقلون اكيد قولون وابعد عن البقوليات ووووووووو الخ الكلام .
هنا ياست يالله يعني مافي حل جذري يعني بقعد كذا طول عمري وشش ذا الحال الي انا فيه ..
طبقت كلامهم وسويت حميه والوضع نفسه اللهم خفت بسسيط الاعراض .. لان كمان بعض الاكل تاثر على القولون وبكذا تزيد اعراضه ..
العجيب الاصوات ماكانت توقف لو وش سويت ماتوقف ولو وقفت لما اشرب اعشاب يانسون حلبه احسساس م يوصف في بطني ي بنات ثقل فيه موب طبيعي حراره فضيعهه الالالم فضيعه فضيعه والاصوات طبعا لاتعليييييييييييييق هي اكثر حاجه مبهذلتني تطلع باي وقتت ، وقت الاكل والجوع والقلق تزداد طبعا مع الامساك والاسهال وبقيه الاعراض الي جانتي الي هي اعراض المرض الروحي قلق توتر وسوسه خفقان تنميل نبض في البطن ووو الخ ..
طبعا زي م قلت ختمت الغيابات وصار الدوام اجباري غصب اداوم لو وش كان وضعي .. والله عاد كتب لي كله هاذا الحمدلله ،
صرت اصحى ونا شايله هم و اليوم الواحد والله كانه سنه ..
لما اصحى اكل حاجه الله وكيلكم الاصوات م تهجد والاعراض تقوم علي واقعد عاني واشيل هم ..
واداوم ونا كذا واحيان ربي يستر علي واحيان لا والله تفضحني الاصوات وتقعد فتره طويله م توقف ! قلتلكم عجيييب امرها !! عجيب
بالقاعه لما ادخل بسسسس القاعه والكل يهدا
تتسلط علي وتقعد شغغغغاله اغلب الوقت وونا خلاص مادري وين اودي وجههي 😳.
كنت لما اجي ادخل القاعه اشيل هم احس بضيق بصدري فضيع فضيع وووطبعا مالي مهرب والحمدلله ..
تعرضت لمواقف محرجه كثيييره لاتعد ولاتحصى لدرجه لما اطلع نظرات شفقه طول الوقت الكل مفجوع من الي قاعد يصير لي كل يوم واذا دخلنا القاعه الكل يتحسس لاصوات بطني وينتظرها ههههههههههههههههههههههههههههع .. استغفرالله ياذيك الايام معاناه بكل م تعنيه الكلمه
غير معاناتي مع الاكل والجوع
اذا صحيت واكلت اصوات بطني تقعد مستمره ب الساعات وبطني احسسه يكون تعبان ويطلع اصوات ب اوي وقت
واذا م اكلت ساعات واجوع وووتبدا تشتغل الاصوات لحد م اكل واذا اكلت بعد معاناه يالله عانيت فوق م تتصورون
صرت ب هالفتره اتصدق وادعي ربي يفكني من هالحال بعد كم يوم كذا ونا ابحث في قوقل قريت كلام عن الحلبه وانه تنفع مع اضطرابات البطن الى اخر الكلام قلت خليني اجرب .
قررت اني اصحى من 2 الفجر واقيم الليل وااكل واشربها بعد الاكل عشان تهدي بطني ويمر هاليوم بسلام😂💔.
وسويت كذا كل يوم اصحى واكل واشرب حلبه وهدات اعراض بطني بس مازالت موجوده .
بعد كم شهر لاحضت لما اشرب الحلبه احس ب ارهااق وتعب داخلي ماكان لي عنها غنى ..كانت تخفف عني شوي ..
بس لما لاحضت انها تسبب لي تعب وارهاق تركتها ، وقيام الليل ي بنات والله اليوم الي كنت اقيم فيه قيام الليل اقسم بالله يمر بسلام بدون معاناه قويه واحراجات الحمدلله واحيان لو تعرضت لاحراجات تكون بسيطه يعني .
بس لما يفوتني القيام والله اتبهذل وكثير فاتني كان كل يوم يفوتني القيام اصحى ووالدموع في عيني واشيل هم الدنيا كلها ..
كان لما يجي وقت الفطور اترك صحباتي واروح المصلى اقرا قران واستغفر كنت احس بحزن فضيع وتعب نفسي وجسدي و القران الاستغفار يخخففها عني ويريحني واهدا واستعد للمحاضره الي بعدها وكالعاده اشيل هم المحاضراه والله ساعاتها كانها سنوات عندي من كثر المعاناه الي كنت احس فيه وقتها ..
وقررت ارروح اكشف ع بطني واشوف ايش الي عندي بالضبط رغم اني على يقين انه الادويه مارح تنفع بشي مادري كذا جاني احساس م رح تنفع الي كنت احس فيه فضيع فضيع مارح الاقي له حل ابد خاصة الاصوات هاذي ..
كشفت وكانت النتيجه اني مصابه بقولون عصبي ، قرحه بالمعده ، املاح على الكلى التهاب في المسالك البوليه ...
واستخدمت الادويه الحمدلله نفعت معاي الا القولون كانت ادويه مجرد مهدئات لوقت معين وترجع اعراضه من جديد ..
مرت الايام وكان في ايام هاديه خاليه من الاحراجات والتعب والبهذله وايام سيئه متعبه اعيش فيها معاناه عظيمه وانحط في مواقف محرجه ..
جا وقت الاختبارات والحمدلله تجاوز المواد بفضل ربي رغم عدم استيعابي وفهمي للمحاضره الا ان ربي كان معي وسهل علي الصعاب اللهم لك الحمد ..
واجزنا الحمدلله وفي الاجازه جاتني فكره التاجيل صبري نفذ ماعد فيني ادرس ووضعي كذا كانت الدراسه وقتها ب النسبه لي صعبه صعبه صعبه جدا ، استخرت في امر التاجيل كذا مره وحسيت براحه واستشرت امي وطبعا امي كانت معارضه وخاصمت وغضبت وزعلت مني وبعد ما علمتها بوضعي تفهمت الحمدلله ووافقت رغم انها كانت مقهوره لاني بترك جامعتي بس قلبها م بيطاوعها انها تجبرني على شي موفيه راحتي ....بدات الدراسه واجلت والكل انصدم من سالفه تاجيلي وبدات تساؤلات الناس وكلامهم واستمر لفتره طووويله ..
طبعا م اخفيكم تاثرت كثير من الكلام الي كان ينقال عني والشماته حتى من اقاربي ولاكن طنشت وتحسبت وخليتهم لربي وحده ..
لما بدات الدراسه وكنت اشوف اخواني واختيي يداومون وانا لا ضاق خلقي تعبت نفسيتي حسيت بحزن.عميق كنت اقول آه متى يجي اليوم الي فيه اداوم واكمل جامعتي ونا مرتاحه بدون مرض ومعاناه ..
صرت اسهر ولا يجي الصبح االا وانا نايمه ماابغا اشوف العالم تداوم وانا لا يالله عشت معاناه الحمدلله رب العالمين ..
وقررت اني القي حل للي انا فيه خلاص لين هنا وبس لازم م عد اسمح لهالمرض يغلبني ويتعبني ويوقفني عن كل م ينفعني ،
فكرت ايش الحل يارب انا حتى سبب هالمرض والاصوات ب الذات مو عارفتها كيف بعالج نفسي ، والمستشفيات رحت لها ولا طلعت بنتيجه ..
مع الايام قررت اني اجتهد في الدعاء، بدات بالدعاء في كل موطن اجابه ، مع البكاء والتضرع والتذلل لله سبحانه
كنت ادعي ب هالصيغه " يارب علمني ايش الي فيني بالضبط يارب مالي سواك " واردد وابكي واشكي الحال له سبحانه ..
كنت بعد كل مره انتهي من الدعاء احسس بطمانينه واهدا وايقين بالاجابه الله مارح يردني خايبه ابدا ابدا ..
حاشاه سبحانه ان يردني 🔕💛.
بنفس هالفتره الي اجتهدت فيها بالدعاء ، وانا على اليوتوب كالعادتي اتابع شيوخ ، مقاطع دينيه ومفيده ..
وقعت عيني على فديوو لخالد الجبير كان اسمه " أسباب منسيه " ..
سبحان الله ، اثاري هالفديو بيكون سبب في الفرج عني المهم دخلت عليه وتابعته كله الجزئين ، حمسني كلامه عن قيام الليل بسوره البقره وخاصه لما ذكر قصه البنت الي كانت مسحوره وشفيت في 6 اشهر من بعد م اقامت الليل بسوره البقره ....
شديت الهمه وبدات بالقيام من اليوم الثاني .. مع استمرراري ب الدعاء ..
وواضفت للبرنامج قراءه القران بدايتن قريت 5 اجزاء لمده شهرين وبعدها خليتها 3 اجزاء ..
والاستغفار احيان 4 الالاف احيان الفين 3 الاف الف الي اقدر عليه ..
والصدقه كل يوم وولو شيء بسيط اكل للقطط قطع السكر للنمل مويهه للعصافير الي اقدر عليه .. وانوي تكون صدقه عني وعن اهلي والمسلمين ..
تحصين البيت كل اسبوع بطريقه الخليفه ..
تشغيل سوره البقره او رقيه الحسد والعين وقت النوم ..
واستمريت على هالبرنامج ..
اول يوم اقمت فيه الليل بعد مادعيت وخلصت انسدحت ولاني اول مرهه اقيم بسوره البقرهه فكانت ثقيله علي بالبدايه ، بطني حسيت فيه بحركه سريعه وشي تفجر !! .. تفائلت وقلت باذن الله بدايه خير مع هالبرنامج ..
استمريت وكانت تجيني حاالات غريبه ! وازدادت الاعراض .. وخاصه الاصوات ..
بعد اسابيع صرت لما اخلص من اقيم يجيني نعاس ويزداد لما اقرا قران ولا اخلص الا وانا خلاص النوم واصل واطقها نننومه وتفوتني صلاه الفجر استغفرالله .. والله كان شي لا ارااادي ماكنت اقدر امنع نفسي ابد ، استمريت على ذا الحال يمكن شهر او اكثر ..تقريبا..
بعد كذا صرت لما اقيم واقرا قران احس بخمول وكسل وثقل وتعب نفسي وجسدي وتجيني غازات فضيعه الله يكرمكم والله تستمر معاي من القيام بحد م اخلص قرايه القران .. فضيعععه بشكل ..
وبطني اصواته تزداد وتفجيرات فيه والله تقولون قنابل فيه عجيب امره ..
واخواتي صارو يتعمدون تدرون شيسوون يدخلون لي اليوتوب ويشغلون اناشيد موسيقى والله ماكانو كذا ابد ولاكن حرضتهم الجن علي ..
عشت في معاناه معاهم آه لدرجه اني صرت لما يشغلوونه اروح المطبخ واقعد ابكي وادعي يارب افرجها عني يارب من لي سواك ..
عجزت فيهم اكلمكم ويبعدون عنها كم يوم وترجع حليمه لعادتها القديمه حتى نايمه ماكانو يرحموني ابد اصحى على اصوات موسيقى وبطني آه ينقلب فوق تحت يثور علي اكثر الاصوات تقعد مستمره 24 ساعه زادت علي اكثر واكثر واكثر وانا خلاص كرهت روووحي ووواقعد طول هاذيك الايام متضايقه وحالتي حاله ..
المهم
زادت الاعراض علي صار وقت القيام والقرايه احس بضيقق فضيع كان روحي بتطلع ووجهي يحمر ويبدا العارض يوسوس انه بتموتين ووو وكله كذب بس كان يبغا يوقفني عن القيام باي طريقه ..
بدات تجيني اعراض الشفاء الجزئي اسهال اصفر وكان الله يكرمككم وقت الدوره تنزل مني قطع غريبه لاول مره اشوفها ..
وبعد كل مره تخرج مني اخف وارتاح ..
وبدا العارض يحرض اخواني علي ، انا واخواني ننام بنفس الغرفه بحكم ان الغرف قليله ببيتنا ..
فكان واحد منهم يسوي مشكله معاي لما اجي ب اصلي يقوم يوقف لي ويقل احنا ببنام لاتزعجينا ! ونقعد نتخاصم ويقوم يطفي المبه ويحلف م اصلي في الغرفه وقعدنا كذا اسابيع و اتذكرت انه مو زين لي العصبيه والخصام رح ينقض تحصيني وش رح استفيد من الخصام ! صرت لما يجي يخاصم اشيل سجادتي والشرشف واروح المطبخ ايه اصلي ب الحر ماعندي مشكله بس اهمشي م اوقف ..
جلست على كذذا شهووور واحيان والله ابكي على حالي .... آه زاد عذابي من الي شفته ..
ماكان مني الا اني ادعي واستعين ب الدعاء في كل مره تصير اي حاجه تضايقني وارتاح واهدا واكمل ..
مرت ايام صعبه والاعراض زادت اصوات بطني صارت فضيع واقوى فوق م تتصورون ..
تطلع اصوات غريبه..
والغازات مستمره وتزيد وقت الرقيه ...
تبهذلت بكل م تعنيه الكلمه عانيت وعانيت
استمرو خواتي في ازعاجي واخواني طول فتره علاجي بين فتره وفتره ..
لدرجه اني صرت لما اخاصمهم امي تخاصمني وتغسل عني وتقول انتي شكلك انجنيتي !
اعتزلتهم وصرت اجلس لوحدي بالمطبخ طول يومي اجلس براحتي واقفل الباب عشان م اسمع اي صوت موسيقى .. واقعد اسمع رقيه الحسد والعين ..
وكل يومي اقضيه فيه ..
وحتى رمضان الي فات قضيته في المطبخ اكل لوحدي واجلس فيه لوحدي حتى كانو لما يتابعون المسلسلات الصوت يحطوه عالي اضطر اني اشغل رقيه واسمعها .. عشان بس م انتكس وتزيد معاناتي ..




مر شهر رمضان ونا في عذاب ومعاناه.. آه
يتبع