ضايق صدري يابنات على اختي اللي في الجامعه

السلام عليكم ورحمة الله وبركاته
والله يابنات ان صدري ضايق وشوي وانا ببكي على اختي اللي توها داخله الجامعه

القصه وما فيها وحده من الدكتورات قالت ازرعوا نبات واكتبوا عنه تقرير وكل وحده تسلم تقريرها
طبعا اختي في وحده من المحاضرات طردتها الدكتوره لانها وصلت متأخره وحاولت تفهم الدكتوره انه كان عندها محاضره في مبنى ثاني والمسافة طويله ما رضيت تفهم حسبي الله فيها ونعم الوكيل
فات على اختي الموضوع وصديقتها ما رضيت تعطيها المحاضرة نهائيا وحاولت تتهرب ولا حتى قالت لها كيف الطريقة اللي تبغاها الاستاذه واقعد احوس انا واختي في هالمنتديات واكلم صديقاتي وفي الاخير كتبت لها التقرير بطريقة حلوه المهم سويت بحث لها عن نفس النبتة حقتها قلت عشان يطلع الشكل حلو
وسلمته الاستاذه حقتها الاستاذه مره عجبها قامت صديقتها تقول من وراها ان كل شئ حق اختي هو حقها واختي اللي سرقته منها والبنات ما صدقوا خبر وشوفوا كيف الاستهزاء باختي
خلتها كانها حرامية
والله العظيم يابنات أنه شغلي وتنسيقي وربي شايفني وشاهد على تعبي وكل كلمه كتبتها كنت صادقه فيها
جلست اختي تبكي من القهر وما تعشت وبكره عندها امتحان وما قدرت تذاكر من كثر البكاء صدعت

والمصيبه الاكثر ان هذي البنت كذابه وتقدر تقلب الموضوع على اختي وتخلي الاستاذه تصدقها بحكم انها لسا ما سلمت بحثها

تخيلوا داقه على اختي وتقول لها جيبي بحثك عشان اقارنه ببحثي ومين اللي وصلت لك الخبر
والله ان كلام البنت كله كذب في كذب واكبر دليل على كذبها
تقولها كانت فيه كلمة معينه على الغلاف

ولاحظوا انا اللي مصممه الغلاف ما كتبتها
حاولت افهم اختي انها غيرانه من بحثك وهي اللي تبغى تسرقه تبغى تأخذ الافكار اللي فيه
قال ايش قال تقارنه

ايش اسوي يابنات اختي طيبه مره لدرجة انها يوم صديقتها هذي خلت البنات يضحكون على اختي مسويتها زي الشغاله روحي جيبي من شنطتي الملزمه وبعدين روحي رجعيها خلاص معاد ابغاها
وتحاول تبعد اختي عن صديقات طفولتها

والمشكله الاكبر كل ما اختي تبعد عنها هي اللي تجري وراها

وللمعلومية هذي البنت تقدر تقلب الموضوع وتخليه لصالحها وانسانه حقود وحسود والعياذ بالله حاسده اختي على مكافئتها كأنها ما تأخذ زيها وتقدر تشوه سمعة الوحده بسهوله عندها طريقة في الكلام عجيبه
أنا سمعهتها وهي تكلم اختي وكلامها كله كان متناقض وشكلها كذا قالت شئ عن اختي عند الدكتوره
لانها قاعده تطلب السماح من اختي


والله ما كتبت هذا الموضوع الا من قهري على اختي


ابي منكم طريقه تبعدها عن اختي بدون مشاكل


يابنات تكفون كل وحده قرأت موضوعي هذا تدعي لاختي ان الله يكفيها شر هذي البنت وينصرها عليها وياخذ حق اختي منها يارب الدكتوره تنتبه لكذبها وتصدق اختي