بسم الله الرحمن الرحيم
رغم اني ماحب اطلع مشاكلي لبرا او اخلي اي حد يدري عنها الا ان اللي صارلي امس ماكان شوي ابدا اخو زوجي ضربني بالنعال على وجهي ورمى علي سيارة ولدي انا حابه ابتدي قصتي من البدايه مع اني ممكن اختصرها بسطرين لكن لعل وعسى تكون عبرة لكثير من البنات بالذات اللي بطبيعتها مرحه وحبابه .
انا من قبل كنت خجوله وطيبه لابعدحد ايه نعم انا اللي اقيم نفسي بعد اللي شفته من البشر والناس عرفت انه قلبي كان طيب زياده عن اللزوم وفي فرق بين الطيبه والهبل والشخصيه المعدومه لان الواحد لازم يحط حد للي يضايقه او يحسسه اني سكت بكيفي موب لازم تكونين شريرة وقشرة عشان تكونين شخصيه عند الغير لاء ممكن تكونين بطيبتك بس مع بعض الحزم في بعض المواقف
في البدايه انا انا جنسيتي غير××× لكن شاء القدر وحبيت شب ××× وبقوة كنت لسه مراهقه عندي 17 سنه انا الحمد لله ابوي له مركز ومنصب عالي في ديرتنا وكان له اتصال مباشر مع ××× فديرتنا بس شاء القدر وطحنا بمشكله واكسرتنا اضطرينا ناخذ بيت متواضع عن اللي قبله لكن مهوب شين.
خطبني زوجي وماقدر يدفع مهري لانه كان داخل بتجارة وخسر فلوسه وطلع بدين كمان فانا من باب الرحمه رحمته وقلت له مابي شي كافي انك بتجيني من ديرة لديرة عشان تاخذني طبعا هذي كانت اكبر غلطه اسويها فحياتي بعدها اهله عايروني فيها وذلوني انتي كنت مصروعه عالزواج عشان كذا تنازلتي وانت وين تحصلين مثل ولدنا وانت كل شوي تقولين له متى نتزوج وتعال نتزوج ورحتي تزوجتيه من غير شي وطبعا لبسي كان اقل من متواضع لانه مافي ماده مع اني الحمد لله من قبل جسمي كان مشدود مره وحلو والبس واخذ راحتي واكشخ ومالبس الا الماركات لانه الحمد لله الماده كانت مرتاحه بتقولون وش دخل اللبس اللبس يعطي انطباع عنك وعن شخصيتك وعن ذوقك وصدقيني انه يرزك قدامهم
ثاني غلطه سويتها فحياتي انه كان البيت لسه بيترمم فنضطر نقعد كلنا سوا كنت اقعد امزح واضحك معهم والواحد فيهم يغلط علي وانا اسوي نفسي عادي كل ذه عشان مايقولون عني خبيثه ولا ملعونه وياليتني سلمت الا قالوها وبقوة بعد هذي من تحت لتحت من وراها بلا وغير كذا صرت مهيونه عالطالعه والنازله صراخ وشتايم وصوت عالي وصلت فيهم يشيلون الاكل من قدامي يخشونه عني يدفون لي الاكل برجولهم وكل ذه انا سكت كان المفروض اقوي قلبي واوقف بوجههم واقلهم لحد يغلط علي معلش صراخ وهواش وتصير مشكله معلش مصير الامور تهدى لكن حقك يابنت لايضيع
نصيحه لكل بنت مقبله عالزواج خلك شبه رمسيه لا تكونين رسميه مره لانه ممكن يستثقلون دمك ويكرهونك لكن لو امزحو ولا ضحكو اكتفي بابتسامه بريئه وخفيفه ومعلش عديها مره ومرتين بس الامور لاتزيد عن حدها يعني لاتوقفين عالوحده ولا تعديها كل مره
بعد كذاجات مرت اخو زوجي وياليتها ماجت طبعا هي ××× وزوجها حرص انه يوفرلها كل شي من البدايه
وانا لاحظت انه اسلوبهايختلف عني تماما للاسف اكتشفت انه هي الصح كانت شويه جاده يادوب تمزح وتضحك بالمعقول معضم وقتها بشقتها ولو حد قالها شي تزعل وتاخذ موقف وتصارخ وتقل ادبها وانا اقول فخاطري اوف هذي بيقلبون عليها واكتشف العكس انه لا والله يحترمونها ومسوين لها هيبه وهي خذت فكره عني اني مصخرة وتعالو شوفو المعامله تكلمني من راس خشمها تقول لزوجها الحمد لله انا اللي فالبيت مسيطرة ولا ذي لا راحت ولا جت يوم يصير عزيمه عندنا الاقيها هي تتصل وتشيل وتحط من راسها من غير اتستأذن وترز عمرها تخيلو يبنات قامت تتدخل بلبسي وشكلي لا تلبس لاتسوي وتدز زوجها علي يهاوشني لاتحطين ريحه لاتحطين كحل لاتلبسين هالشنطه لاتقولين كذا لاتفعلين وكثير اسويلهم اللي يببون موب ضعف مني لا اختصارا للمشاكل وكانت هذي اكبر غلطه معلش يحصل مشاكل بس كل واحد يعرف حده وكل ذه انا مسويه اعتبار لاخو زوجي لانه عندنا من الكباير انه الوحده ترد على رجال
مع الوقت اكتشفت انه زوجته بتضربه بالنعال على وجهه وتلعن والدينه وتسبه في السوق قدام الناس وهو ماحرك ساكن شتمت امه قدامه قعد يضحك اكتشفت انه موب رجال بس يطلع مرجلته علي لانه مستضعفني طبعا لما شفت كذا طبعا امه لو انا اخطيت تاكلني وتعاقبني وتلعن خيري لكن الاحظ عليها لو سلفتي سوت شي تقول مابي مشاكل ولا هي موب قادره قادره لا عليه ولا عليها قلت مافي غير اني بجيب حقي بايدي
جينا امس لقيته يهاوش ولدي بجنون انا بالعاده ماقول شي بس زي ماقلت انا ابي اجيب حقي قلتله لاتهاوش الولد حرام عليك وقف قلبه قال احسن يطلعله قلب قلت شعقبه عقب مايوقف قلبه لاتهاوشه كذا قامت زوجته تقله لاتعب نفسك ترا عالفاضي قلت لها وش اللي عالفاضي وش قصدك بهالكلمه يعني مافي امل مني ضايعه ضايعه قالت وش تبين نقوم نشد شعر بعض قلتلها ايه قومي وقامت وقمت لها قبل ماتوصلني كنت ماسكه شعرها وبقوة جارته قام زوجها استخف الله لايسامحه ووقف بيني وبينها وحط وجه بوجهي وبقوه شوي بيصير بحضني وقام يبربر ويسب ويشتم بس انا ماهمني لانه زوجته تضربه بالنعال ومايسويلها شي قامت هي تدقلي علارض تقلي انت جنسيتك كذا وانا ×××× على سن ورمح انا مارحمتها عطيتها من الكلام اللي يسمها سنه راح زوجها مسك النعال ويقولي بصفق وجهك ومادري وين قلتله اتحداك راح ضاربني بنص وجهي بالنعال مادريي ليش سكت له جات زوجته ثاني مرة رحت ماسكتها من شعرها وجارتها راح زوجها دفني عند الباب الكلب يلمسني ولا عليه من شي راح داف السياره علي رحت رميتها عليه تخيلو شيقلي الشرهه موب عليكي عاللي مسويكي بني ادمه وعزك وسوالك قيمه وقدر وسواك محترمه قلتله جب يالكلب لحقني عالدرج وقفلت الباب وكسره علي صقع براسي دقيت علىزوجي وجا وقالي بجيبلك حقك بس انا عارفه انه موب محرك ساكن جايه عمتي اليوم تقول المويه ترجع لمجاريها وكن شي ماصار وانتي اسكتي قلتلها انا مانشتم وانضرب واسكت
الحين يبنات شرايكم انا فقلبي حرة ماتبرد اول شي انا ناويه اني بعد بكره اسافر لابوي واعلمه بكل شي وماني راجعه الا يجيبلي بيت لحالي او يفصل شقتي عن شقتهم انا خاطري اول ماتطلع سلفتي امسكها من شعرها واكمل اللي ماقدرت اكمله امس وش سوي واسوني ردو علي قولو اي شي
في نقطه مهمه شكلي ماوضحتها صح
الاولى اني فديرتي ماكنت اتغطى بس من يوم اللي زوجي كتب علي لبست النقاب على طول بناء على طلبه يعني اخوه مايعرف شكلي ابدا لكن يوم نروح عزيمه ولا نروح عند حد ترجع زوجته وتقله مرت اخوك البست وسوت وهو يتهاوش مع اخوي ويقله لاتخلي زوجتك تلبس بين الحريم كذا وكذا
وساعات اكون حاطه كحل ولابسه نقاب ونقابي ضيق ومن النوع اللي فوق العين في قطعه ثانيه مادري اذا عرفتوه وهو يمقق بعيونه ويقعد ينتقد
ومن ناحيه زوجي وينه من كل ذه زوجي عنده شركه ولاهي فيها 24 ساعه وتاركني بالبيت بلحالي معهم ماشوفه الا الجمعه واضطر اني اقعد معهم عشانه
من ناحيه اني اقعد معهم نظام بيتنا اصلا فيلا وحده ودورين الارضي فيه المطبخ والمجالس وقعدتنا والدور اللي فوق مقسوم نصين نص لنا ونص لهم وشقتي عباره عن غرفه نوم وغرفه فاضيه بس مبهدله حدها والثالثه حقت عمتي يعني اضطر اقعد بهالغرفه المبهدله بالساعات وعندي تلفزيون وضع زوجي المادي مايسمح اني ازينها لانه يبيلها شغل كثير فموضوع اني اعزل نفسي تماما صعب شوي
وايه نعم انا من البدايه غلطانه وانا اعترفت قبل لاتقولون عطيته وجه زياده والله العالم باللي خشيته وماكتبته
مع العلم اني ساعات كنت ازين له فطوره وملابسه واكله وشاهيه وزوجته نايمه فوق
موقف زوجي ضعيف جدا لانه امه بصف اخوه بحكم انه اخوه بصراحه له شخصيه اقوى من زوجي والباقي عندكم لما الام تسيطر
بنات انا خايفه ادخل ابوي الحين في السالفه لانه عمتي تقلي انها بتجيب حقي وبتزعل لو دخلت ابوي وممكن ابوي يقلب على زوجي محتاره تكفون شالسواة
بس الاكيد اني على اخر الاسبوع وانا راجعه عند ابوي ماني قاعده مستحيل
واللي نسيت قوله بعد اني كنت اسكتله لانه رجال كنت استحي ارد بوجهه لكن يوم عرفت انه زوجته تهينه ماعاد سكت ونتظرت الفرصه عشان ابرد قلبي
الدنيا غيرتني @aldnya_ghyrtny
عضوة فعالة
يلزم عليك تسجيل الدخول أولًا لكتابة تعليق.
ئاقلبي ''' يختي المفروض من البدآيه تتغطي عن آخو زوجك وتحطي حد بينك وبينه ... الوقآيه خير من آلاج !!!
زوجي برا البيت 24 ساعه بحكم شغله وهذا من الامور اللي واجعتني اقله انت تاركني هنا لاخوك وزوجته وانا ماجيت هنا الا عشانك الله كريم ويفرج همي
زوجك ماكان موجود ليتك ماجلست معهم ولاتكلمت ابدا وياهم لا زوجته ولا زوجها والتواصل والتعامل بحدود ورسمية
واخذت ولدك ورحتي بغرفة وسكرت على نفسك
وإذا زوجك موجود جلست معهم وبحدود واذا فيه مشاكل كانت بينكم كانت تجنبتيهم ومارديت عليهم
وبما ان زوجك ماكان معك موجود اول ماحسيت بمشكلة وكلام وهواش بيصير بينكم كان تركت المكان لهم
وإذا رجع زوجك تخبرينهم انه مايصارخ على ولدك ويهاوشه ولا احد منهم يتدخل فيك
الآن كيف حل المشكلة لا ادري
رفع لعيونك
الله يكفيك ما اهمك ويطمئن قلبك
واخذت ولدك ورحتي بغرفة وسكرت على نفسك
وإذا زوجك موجود جلست معهم وبحدود واذا فيه مشاكل كانت بينكم كانت تجنبتيهم ومارديت عليهم
وبما ان زوجك ماكان معك موجود اول ماحسيت بمشكلة وكلام وهواش بيصير بينكم كان تركت المكان لهم
وإذا رجع زوجك تخبرينهم انه مايصارخ على ولدك ويهاوشه ولا احد منهم يتدخل فيك
الآن كيف حل المشكلة لا ادري
رفع لعيونك
الله يكفيك ما اهمك ويطمئن قلبك
الصفحة الأخيرة
❤