ضربت الرجال وضاعت علومي...!

هههههههههههههه..... ;)

يمكن تستغربون لاني اضحك بس اعذوروني لاني كلما تذكرت موقفي ضحكت من الفشيله...
المهم اسمعوا السالفة يابنات....
مره كنت رايحه لسوق مع وحدة من قرايبي وهالبنت كانت مره منسجمه على التفرج على السوق لدرجة انها تنسى اني معها.
المهم اني مليت منها وقلت لها يابنت الحلال تفرجي على السوق بكيفك بس خلينا نمشي جنب بعض مو كل وحده في مكان .
والبنت ماقصرت قالت لي طيب.
ولما دخلنا محل من المحلات صرت اتكلم عن تيور في المحل على بالي انها جنبي مادريت ان البنت برا المحل توها مابعد دخلت وسكت ماقلت لها شي بس قلت لها خلينا نكون مع بعض.
ولما دخلنا المحل الي جنبه وتأكدت انها معي المهم وانا جالسه ادور في المحل حسيت انها مهي جنبي قلت اكيد انها وراي لفيت عشان بمزح معها واضربها مع ظهرها واقول خلك جنبي ومن التحمس مادريت الا اني ضاربه رجال مع ظهره والرجال صار يناظر فيني بقوة :confused: ومستغرب وش السالفة
واكيد انه يقول في نفسه وش هالعربجية الي ماتعرف تغازل.
والبنت ماشاء الله عليها جالسة تحاسب على بلوزه شرتها والله مادرت عني.
اما انا يوم ضربت الرجال صرت معاد اشوف الا الباب ابغى اطلع برا المحل من الفشيله. :08:
بس والله الرجال مسيكين لاني روعته صدق باين من نظراته لي. :29:

وش رايكم بنات بهالموقف فشيلة صح..؟