عواطف تركي . :

انا ما عندي حل لك لان الحل لازم يكون منك انتي لانك ادرى بنفسك وحياتك وظروفك . لكن اللي حبيت اقوله والله انك شحنتيني غيظ وقهر تعاملينه هو واهله بأحترام وطيبة قلب وهم يعاملونك بسخريه ومضحكه ليش ؟!! كيف صرتي ضعيفه كذا لدرجة ان الطووط اللي متزوجته يهينك ويتطاول عليك وما يقدم لك ولا ذرة احترام حتى وانتي منهاره وتبكين قلبه حجر ويطقطق عليك وانتي مستمره بالبكي والانهيار ليشش ؟!! مستحيل اقول تطلقي ولا اهدمي بيتك وشتتي اطفالك مستحيل مستحيل اقولها لانها مو حل الخلل جزء كبير منه فيك انتي بضعفك وخوفك وخنوعك ويمكن حتى تنازلاتك عن ابسط حقوقك من بداية زواجك بالطووط هذا الى ان استوطى راسك ودعس عليك بكل قلب بارد واللي يقهر اكثر حتى اخواته يضحكون عليك ويرددون نفس الكلام وختام كلامي اذا كنتي تألفين وتكذبين عشان تثيرين الجدل ربي حسيبك بكل شعور غضب وضيق دخل لقلبي من كلامك واذا صادقه ربي ينور بصيرتك ويرشدك للصواب ويعينك عليه

انا ما عندي حل لك لان الحل لازم يكون منك انتي لانك ادرى بنفسك وحياتك وظروفك . لكن اللي حبيت اقوله...

🇸🇦السعوديه🇸🇦 :

هلا بنسمة القلب لا والله كلامك مايزعل ومعك حق فيه مبالغاات وفيه كذابات اكتشفنا كذبهم لأهداف مانعرفها. وفيه بعد نماذج أعنف من الي مر عليك هنا فيه قصص تعنيف وظلم وقهر وتعذيب. وفيه حتى حالات قتل. فيه ذكور أبعد مايكونون عن الإنسانيه والدين . وفي المقابل فيه رجال ونعم الرجال إحترام وتقدير ومعامله حسنه ومعيشين زوجاتهم بنعيم. لكن مافيه مجال تنزل الوحده موضوع تقول زوجي أعطاني أو سفرني أو دلعني يعني مهو شي يطرح عشان نلقا حل. بالعكس تلقين الوحده لو قالت شي بشكل عابر قالوا مغروره متعاليه. متغطرسه. فيه وحده هنا كتبت مره مشكله مع زوجها ورديت عليها فراسلتني خاص تدرين وش الي فاجأني إنها طلعت بنقلاديشيه. قسم بالله انصدمت تكتب بالعربي ومستحيل تشكين إنها عربيه. سألتها كيف؟ قالت مولوده ودارسه وعايشه حياتها هنا. ما يعني اني أبري الرجل السعودي لا والله إن فيه منهم من من يستحق القتل وإن تصرفاته تكره الوحده بالزواج وبالرجال كلهم

هلا بنسمة القلب لا والله كلامك مايزعل ومعك حق فيه مبالغاات وفيه كذابات اكتشفنا كذبهم لأهداف...

نسمة :

يا مرحبًا بالغالية❤️ غادة أنا ما تجرأت وكتبت هالكلام إلاّ لما شفت عضوات سعوديات شككوا بمصداقية هلبة مواضيع من هالنوع وفيه الي أقسموا بالله بإنها كذب لأنهم عارفين مجتمعكم أكثر مني، وما أقول المشاكل الزوجية مش موجودة أكيد تحصل بكل بيت سواء في ليبيا أو السعودية وفي كل الدول وبعضها تأدي للقتل حتى عندنا مثل ما قلتي لأن المجرم ما ليه جنسية. وأكيد مش حتجي وحدة تكتب موضوع تمدح فيه زوجها، لكن المبالغة في طرح موضوع سوء معاملة الأزواج في المنتدى الي أغلب عضواته وزواره سعوديات فيها تشويه لصورة الرجل السعودي وغالبًا هالشي زورًا وبهتانًا إمّا لأن الموضوع كذب ولمجرد إثارة الجدل، أوفيه تهويل وتضخيم ومبالغة، أو لأن صاحبة الموضوع تتكتم على عيوبها وأخطائها وتخلي الحق كله على الزوج أو هي وزوجها أجانب وتكتب بلهجتكم مثل ما صار معك وهذا يخلق صورة سيئة عن الرجل تبين إنه ما يحترم المرأة وهالشي فيه مغالطة كبيرة واستخفاق بالعقول لأني ما سمعت أحد راح للسعودية واشتكى من عدم الاحترام وهذا نحن أجانب فمابالك بالزوجة وأم العيال! و أذّكر بأني ما أقصد صاحبة الموضوع ولا غيرها بس أتكلم بشكل عام وتبقى لكل قاعدة شواذ والصالح والطالح بكل مكان والله يصلح أحوالنا.

يا مرحبًا بالغالية❤️ غادة أنا ما تجرأت وكتبت هالكلام إلاّ لما شفت عضوات سعوديات شككوا بمصداقية...