ضرتي مصممة تجيب لي جلطة على العيد

كل ما اسمع بطاريها اموت من الحرة
وانا اعترف بهالشي
وين ماهربت منها تلاحقني بالانستغرام بالتويتر بالسناب
صارلي حوالي ثلاث شهور من اخر مرة قابلتها
امس عاد شفتها بعزومة ل قريبة زوجي والحمدلله كنت طالعة واضطريت اشوفها هي وامها واختها وبنتها الصغيرة
سلمت عليها وسلمت علي هي وامها واختها وطبعا لازم بعد ماتسلم ترجع لورا وتحط يدينها على بعضهم وتبتسم بوجهي وتطالعني
بعدها تقولي كنت بسألك كم رسوم التسجيل والدراسة عندكم بالروضة عشاني بسجل بنتي عندكم بوفلان قالي احسن نسجلها هناك تكون قريبة من عمتها وتهتم فيها
وزوجي مخبرها اني بسافر مع اخواتي بعد العيد تجي تقولي خلي ولدك عندي يستانس مع اخواته البنات بدال ماتاخذينه معاكي وهي على طول ملاحقة بهالولد لي عندي تبغاه عندها من زمان
واختها تحشر خشمها تقولي سجلي رقمي عشاني بسجل بنتي بعد ولما سجلته تقولي بس لاترسلين لي رسايل صباح الخير وحقة لي ماترسلها ل ١٠ تموت محروق تراني بدقك بلوك وتضحك هي واختها وامهم !!!
سحبت عليهم وتركتهم لاني بموت كنت من حرتي واستهزائهم مثل الدلوعات وليتها فكتني ترسل لي اخر الليل تقولي حياكي رايحين شاليه انا واخواتي ثالث يوم العيد وزوجنا مسافر تعالي بدال ماتقعدين بروحك وانا مافي اي تواصل بيني وبينها
نرفزتني نرفزتني بكلمة زوجنا المفروض تقول بوفلان وخلاص
قلت لها لا ياحبيبتي انا بعد رايحة مع اخواتي اذا تبين تعالي انتي حياكي وليتها تجي عشان استفرد فيها هناك واعلمها الشغل العدل
يابنات والله العظيم مابيني وبينها شي بس هي لي تحشر خشمها بكل شي وانا مبلغة هالرجال لي عندي لا اشوف وجها ولا اتواصل معها وعيت الا تبغى تنرفز فيني كل فترة