اهلين اختي بندوره حياك الله بين خواتك في المنتدى ان شاء الله تستفيدي من المنتدى ونستفيد حنا منك
بس لازم تحطين ببالك انك ممكن تشوفين ردود مؤيده وردود معارضه لاتزعلين هذا شئ طبيعي يا بندوره ..
شوفي يا حياتي انا ابغى اقولك ان زوجة زوجك الاولى مستوعبه تماما ان زوجها تزوج عليها مو انها ما استوعبت والدليل هو التصرفات الي تسويها ...
وانتي يا بندوره مالك اي ذنب وبشرع الله لك نفس الي لها ماتزيد عنك بشئ ولا تنقصين عنها بشئ
وكمان هي مالها ذنب حطي نفسك مكانها زوجه تحب زوجها وكأي مرأه تحس انه لها هي وبس وفجأه تلاقي فيه شريكه جايه تشاركها في زوجها انا طبعا ما ابرر تصرفاتها مفروض كل وحده منكم تكون في حالها عشان المشاكل ، دام ما ناقصها شي اكلها وشربها وكسوتها وليلتها
وحكاية اتصالاتها كثيييييييييير زوجات يسوونها وانا قرات وسبق وقرات وحده تشتكي من الشئ هذا
انا احس ان مربط الفرس عند زوجك واسمحيلي يا حبيبة قلبي بندوره اقولك ان عقله ناقص يمكن عقله اصغر من عقل الزوجه الاولى
والدليل حكاية نعوم وابيض هو كذا يعتقد انه يرضيك واكيد الشئ هذا يرضيك بس صدقيني تصررفه هذا غير حكيم كذا بيزيد من حقدها عليك ويزيد المشاكل وبالتالي تزيد شككاويك منها وبالتالي كلكم بتتعبون كان ممكن يتلافى الامر بانه اذا صار عندها يغير الاسم واذا جاعندك يرجعه وطبعا لانك ذكيه فا قلبه عندك اهم من تغيير الاسم لانك انسانه حكيمه وذكيه لكن لاهو كان حكيم وذكي ولا انتي نبهتيه ..
ايضا حكاية اللي اتصلت فيك وقالت لك ابغى سحر مو شرط يا بندوره انها هي يمكن احد من اقاربها متعاطف معها وتصرف من نفسه بدون اذنها فاليش حكمتي انتي وزوجك انها هي المتهمه وكمان راح يضربها؟؟؟؟ وبعد ما ضربها وحطم قلبها جا يرويلك الروايه عشان تنبسطي
هذا انسان ظالم وحقير واخاف تكونين شريكته في الظلم ...
حياتي يا بندوره الله يسعدك ياما رجال كثير تزوجوا مو بس ثنتين بل اربع وممشيين بيوتهم زي الساعه مو مثل زوجكم المفروض منه يكون حازم ومايميل لوحده دون الثانيه وولانك انتي داخل المشكله ماتحسين انه مايل لك بس الناس الي برا المشكله يشوفون بوضوح حسب روايتك انه مايل لك ، اذا انتي تحبينه يابندوره ماترضين يكون عقابه يوم القيامه ان يأتي وشدقه مائل ، الله راح ياخذ حقها منه لانه سبحانه وتعالى اسمه العادل وهو العادل..
مفروض ما يجيب سيرة اي وحده منكم عند الثانيه لانه كذا يعمق الحقد في قلب كل وحده في قلب الثانيه
تلاقينه قدامها يمدحك ويضهر لها حبه لك وعشقه صدقيني زوجك يا بندوره تافه وسخيف
واساس مشكلتك انتي وضرتك منه هو
راح تقولين طيب وين الحل ؟؟؟؟
انا اقولك لازم انتي اللي تفهمين زوجك انه يكون عادل ويحاول مايثير غيرتها ولا يجيب سيرتك ولا يمدحك عندها واذا هو انسان حكيم يحسس كل وحده انها هي الغاليه بدون ما ينتقص من قدر الثانيه عشان كل وحده ترتاح وبالتالي تريحه مو يضرب وحده ويحطم قلبها ويجي يروي الروايه للثانيه؟؟؟
انتي اذا حثيتيه على العدل ما راح يضيعلك الله هذا الموقف وراح يوفقك ويسخره لك اكثر واكثر
تبيه اخير
انتبهي من زوجك ترا الايام دواره ويمكن مو كل العمر يكون معاك كذا . الي تنكر لعشرة زوجته الاولى بسهوله راح يتنكر بسهوله اكثر لك
لان 5 سنوات ابدا مو مده كافيه للعشره وتعتبرين الى الان حديثة زواج انا اقول الكلام هذا
عشان تدفعين زوجك الى تقوى الله عشان الله يوفقه الى ان يتقي الله فيك انتي وعيالك
تذكري بندوره كما تدين تـُــدان
بالتوفيق لك ياقمر وطمنينا على اخبارك واخبار جارتك ..
هذولي الوردات لك:26: :26:
وهذولي لجارتك:26: :26:
لازم العدل بين الزوجات:42:
اهلين اختي بندوره حياك الله بين خواتك في المنتدى ان شاء الله تستفيدي من المنتدى ونستفيد حنا...
^
^
طيب وش مصلحتها يااختي ؟
لهالدرجة الناس فاضين