ضعف النظر ( أمراض العيون ) عند الأطفال

صبحكم الله بالخير جميع 🌷
لعلي كنت مصابه بالإحباط أمس بس الحمدلله أنتهى اليوم وكان جميل بخبر جمييييل ياربي لك الحمد 😭💕

بحكم أنو ضعف النظر وراثه في العائله كلها من ناحية زوجي ومن ناحيتي فصارو العينان ولدي وبنتي فيهم ضعف نظر والحمدلله على كل شيء ، المهم أكتشفت ضعف النظر عند ولدي لما كان تقريباً بثالث إبتدائي حسيت عيونه طول الوقت تدمع ويغمضها بقوه ودايم يقرب عند التلفزيون فأخذت له موعد بمستشفى مغربي للعيون وكشفت عليه دكتورة سعودية جعلها بجنات النعيم الله يذكرها بالخير، و عشان يصير فحص النظر صحيح حطت بعيونه قطرات نوعين مختلفين بين كل قطره وقطره تقريبا خمس دقايق ولثلاث مرات ولكن آخر وحده كانت بعد ربع ساعه ، وبعد آخر قطره بنص ساعه كشفت عليه وقالت فعلاً فيه ضعف نظر وصار يلبس نظاره وصرت كل سته شهور أخذ موعد وأكشف عليه والحمدلله أموره تمام ، والآن ولدي عمره 10 سنوات الله يحفظه آخر موعد كان قبل تقريبا سته شهورلكن وديته عند دكتور عيون مصري الله يسعده ويوفقه بعيادات الفارابي ولما كشف عليه للأسف قال عنده ( كسل بالعين اليمين ) 😭 ضاق صدري مررره لأن ( كسل العين ممكن يسبب فقد النظر ) لاحول ولا قوة إلا بالله إذا كان شديد وماتم علاجه بدري ، المهم قالي تغير قياس النظر والحل لازم يلبس النظاره أغلب الوقت ومايشيلها إلا على وقت النوم وبعدها يجي أكشف عليه نتأكد كيف صارت عيونه ومشينا على كلامه الحمدلله ، ويوم جاء أمس رحنا نسوي له فحص وكانت البشارة ياربي لك الحمد أنو الكسل راح والله ياصحت صياح عن سنه قدام 😭
طبعاً بنيتي 🌸 فيها ( طول نظر) وكشفت عليها بعمر 5 سنوات مالاحظت شي عليها بس احتياط وكويس إني وديتها والآن عمرها 7 سنوات الله يحفظها ، الحمدلله مافيها كسل لكن قال أحرصو كل الحرص عليها ماتشيل النظاره أبداً عشان أحتمال كسل النظر يصيبها بعيد الشر .

و قالي أستخدام الأجهزه لازم يقل المفترض( عشر دقايق) مو أكثر 👌⏰

فيه أحد منكم أطفاله فيه ( كسل بالعين ) وهل أستمر معه ؟ وكيف عالجتوه ؟

الله يحفظ أطفالكم جميع ويخليهم لكم 💖