ضـرسي يعورنـــــي ........

ســلخيـــررررررر

الله مير يحيكم ويسلمكم ويخليكم لكــل خشـــه ترجيكم .......

موضـوعي هالمره بدون مقـدمات سـرد تلقــائــــي ......

في يــوم من الأيــام .. ومره من المرات .. وساعه من السـاعات ..

قمت من النوم ونفسيتي خاااايسه وماغير اتنافض

رحت ادور على اميمتي مثل كل مره ادور حنااان:04: وانا لي كمن يوم تعباااانه

ضرسي ثايرن علي وخدي مورم منه

قلت لأمي ..... يمه بنيتس ماهيب على سنع بتمووووووت

قالت لي ... وليـه هي دايم على سنع لتس شهر وانتي بتموتين ولين الحين مافطستي

وانا اللي تخنقني العبره وهي تمسك الطريق الدائري في عوينتي مالقت لها منفذ <<موب منها من الكحل اللي تارسته بعيونتس

قلت يمه ابموووووووت ....... قالت موتي بس تجملي وتعالي ساعديني في شغل البيت

خلتس لين فطستي الا إننا نذكرتس بالخير ............

قلت يمه انا تعبانه .........

قالت وش متعبتس ماغير اكل ومرعه وقلت صنعه ........

طاح وجهي كل ماجيتها من جهه راحت للجهه الثانيه
قلت انا منضــــوله .......

قالت والله وانا امتس شايفتن شي فيتس يتاهل احد ينضلتس عليه .........

موب ناضلتس غير عميان العرب <<ياكثر ماتحطمت خخخخخخخخخخخخخخخخ

قلت انا من عقب عرس ولد عمي وانا مانيب طيبه ....

قالت مافيتس غير وسواس ومايبلتس غير شهـــــــار

قلت لهــا ... لايمــــــه مابيه يقولون يدخن و وظيفته أهليه موب عاجبني <<فاهمه غـلط خخخخخخخخخخخخخخخخخ

ترى كل هالنقاش عشان مانتكبني واروح للمستشفى وانا من اسمه تطقني ام الركب عاد كيف لو رحت له

قلت مالي الا إني اتحمله واسكت ..........

بس الوجع لايزال يؤلمني <<العن ابو الإسلوب خخخخخخخخخخخخخخخخخخ

ومايخليني اعرف احتسي <<هذا اللي هامها نست الأكل خخخخخخخخخخخخخخخخخخخخخخ

وبعد مازاد الوجع استسلمت وقلت لأمي وراحت معي للمستشفى .............

وجلست ثلاث ساعات انتظر دوري وماغير اراقب حال المرضى من قبل الدخول لغرفة الدكتور

وحالهم بعد مايطلعون خخخخخخخخخخخخخخخخخخخخخخخ

والله اشكالهم وهم طالعين تقل سكـارا ماغير يصقعون في الجدارن خخخخخخخخخخخخخخخخ

بس كل ماشفت مريض هذا حاله ومع اصوات الجهاز اللي يحفر الأسنان مدري وش اسمه

وانا اللي تراودني نفيستي احط رجلي بس امي رابطتن عباتها بعباتي عارفتن بنيتها في اي لحظه بتهج

جـاء دوري وجلست عند باب الغرفه ساعه اقرى المعوذات وبعد مادفدفة اميمتي فيني ساعه لين دخلت

واشوف الدكتور ومن حظي طلع هنــدي .. راسه يقوطر زيت جوز الهند

قالي ايس فيــه ...........

قلت ابــد طال عمـرك مارين انا وامي وحبيت اسلم خخخخخخخخخخخخخخخخخخخخخ

قالي تعال انتـه فيه نوم على هذا .......... وانا اللي يمغصني بطني اكره هالكرسي

ولاقويت اتحرك من مكاني احس رجولي ماعاد تشيلني

امي تقول الحين اللي يعورتس ضرستي والا فيتس طلق ولادة خخخخخخخخخخخخخخخخخخخ

المهم .....

جلست على الكرسي وانا اقول في نفسي { جاك الموت ياتارك الصلاة }

قال لأمي ....... ماما انته فيه روه بـــرى .........

قلت انــــا وشووووووووو

قال مافيه مرافق بس انته مريض .......

وامي صدقت تبي تطلع وقمت انا ابروعها ..

قلت يمه لاتطلعين ترى ان رحتي يبي يسرق تسلوتــي .........

المستشفيات الخاصه يسون تسذا ............

جلست امي عندي وقالي يالله افتــه فمك وين الم .......

قلت . شوف موب السن الأول .. ولا الثاني ولاالثالث

فيه اثنين كبير ورى واحد كويس و واحد مافيه كويس .....

قالت امي انا وانا سعوديه مافهمت تبينه هو الهندي بيفهم خخخخخخخخخخخخخخخخ

أشـرت له بلسـاني على موضع الألم ........

ومن زود الفـلاحه كنت آكل علكه ومن الربكه لزقتها فيه خخخخخخخخخخخخخخخخ

قام الضعيف انهبل ......... قال ماما ايس فيه هذا حشـوه مافيه كويس

انا انصدمت اي حشوة مهنا حشوات

واتذكر انها علكتي خخخخخخخخخخخخخخخخخخخخخخ

يوم طلعتها وشاف ضرسي قال ......

ماما هذا يبغـى خلع مافيه حفر وحشوه ...

قلت وشوووووووووو:32:

خلع في عينك .. بغيت اذبحه ذيك اللحظه من الحين ابخلع وانا مابعد عجزت

قلت اكيد الزيت اللي في راسك خار على معدتك يالسلوقي

قلت والله مايسوي بي شي ..... امشي نطلع

قامت امي يوم وصلنا البيت قالت عقاباَ لتس والله لتاكلين صحن تمره .............

وبعد محاولات عفتني وسامحتني ........

وجلست اعيــــــــط وأعيــــــــــط وأعيـــــــط

لين واحد من اخواني رحمني وحن علي وقالي تعالي ابوديك يم صيدلي

عند استراحة الشباب كل ماأنكسر واحد مننا رحنا له ........

يوم وصلنا وجيت ابنزل إلا إللي تــالني بالدركسون من رقبتي .......

قال وين نازله .........؟؟ قلت للصيدلي خله يشوف ضرسي .......

قال شافتس عزرائيل تبين واحد من الشباب يشوف خشتس يالمشوهه وياخذ فكره عني .......

نزل هو ومـا أخذ ثلاث دقايق إلا هو جايبن لي بنــادول اكستـــرا 500 قالكم شي جديد

شكله معطيه بندول عادي وخاف يطيح وجهه عندي وجابلي اكسترا يعنني بذلت مجهود خخخخخخخخخخ

ومــــازال ضــرسي يؤلمنـــي :44: ومازلت اتوجع منه :44: ومازال الحتسي يخرج بصعوبه مني :44:

ولهذا السبب جيت وسدحت لكم سالفتي وكل ماأختلجه في نفسي ........

والله يعينكم لاصار ماأقدر احتسي بس اقدر على الكتابة كل شي بخاطري بسدحه هنــــــــا :23: