ضيعتي اغراضك او انسرقتي تعالوا !!!

بالنسبة للضياع
كنت برحلة من سنغافورة ل دبي يمكن سبع ساعات أو أكثر
وماخذة منوم للطيارة
ونزلت نايمة يسحبني زوجي وبالفندق تذكرت شنطة اليد اللي كانت معي
أتصلنا عالمطار وبلغناهم
ومن بكره الصباح أتصلوا ودعونا نستلمها
وقابلني الضابط وقال لي هذة شنطتك؟؟؟
قلت ايه
قال ممكن تقولين ايش بوسطها؟؟؟؟
قلت ساعة يد ألماس وحلق وخاتم وأدوات ماكياج بسيطة
وقال ايش بعد؟؟؟
دعيت زوجي وقلت له بأذنه
وحفايظ نسائية!!!!!!!!!!!!
وقالها للضابط!!!
وسلمني اياها وأنا ميتة من الفشيلة انه مفتشها!!!

ووقعت عالاستلام وقلت لو دريت بأنه مفتشها ما جيت أركض الفجر للمطار أدور!!!

والسرقة صارت لي مرتين بسوق صحارى بالرياض وكلهم برمضان وكلهم عن الكاشير (عند الحساب)
أنقصت الشنطة من كتفي ما حسيت بها..

وفيها فلوس ملابس العيد والجوال وماكنت حافظة أي رقم لنا لا بيتنا ولا جوال زوجي
بس دقيت من المحل على رقم الجيران
ونادوا لي زوجي... حسبي الله ونعم الوكيل عاللي سرقتها...

ومرة بزواج حطيتها بجنبي عالطاولة واختفت الشنطة بس ما كان بها الجوال ..

الله يعوض عليكم ويجازي كل سروق يارب!!

الله المستعان ..
أستودعي الله أغراضك وأنتي طالعه ..
ما أتذكر شيء الآن ..
لي عوده ..

تذكرت مرة ثانية كمان
بالجنادرية وأنا واقفة أتفرج عاللي يبيعوا طبخات شعبية
وكان زحمة فطلعت أبغى أرجع للبيت بسرعة وبالبوابة زحمة موت
قطعوا شنطتي من كتفي بالبوابة بوسط الزحمة...
بعدها ما رحت للجنادرية أبد من خمس سنين...
لأن الجوال كان بالشنطة بس أشوى معي حرمة جيراننا
خليتها تكلم زوجها ويكلم زوجي يدق علي على جوال جارتي..
الله حسيبهم..

:icon33:موضوع يوجع القلب احنا ومشاكل الضياع
انا كنت مرة رايحة الكلية مع ابوي وكنت الليلة اللي قبلها جاية عند اهلي من بيتي لان زوجي سافر وكنت حاطه بشنطتي طقم ذهب هدية من وحدة وخاتم ذهب حقي من اول قيمته 400 وطقم البنت يمكن سعره فوق 500 وعلى بالي باخليه بالبيت ونسيت داومت بنفس الشنطه يوم فتحتها وانا بالسيارة الا واشوف الذهب قمت حطيته بدرج السيارة وماقلت لابوي في بالي اخر الدوام بشيله وانزل للكلية ويروح ابوي يودي السيارة للمغسلة وخلى العامل يسلها من جوى ومن برى .. وراح ذهبي بخبر كان ورجع ابوي وسأله قال مالقيت شي ورجع ابوي وقالي
تستاااااااااهلين<<<<:44: لاني معروفة بالضيااع ودااايم تضيع اشياء كثيرة وانقهر فترة وبعدين انسى

لا نذكروني

كنت موظفه في مشغل وشنطتي راافعتهاا في آخر درج فوق وكل شئ فيهاا ومن ضمن الى فيهاا فلوس لنااس مولى وبوك لى غريب وأحبه وأغلى شنطه عندي وجواالى وتجي هااذيك البنت الى كل أسبوع تجي تسوي حوااجبهاا ومعهاا ولدهاا وبعد لين صارو يشتغلون فيها ألعب ولدهاا وقلت غريبه أسبوعين وراء بعض تجي تصلح حوااجبهاا الله يااخذهاا هي محلقتهاا جعلهاا الضربه تضربهااا
وفي اليوم الى سرقت فيه الشنطه جالسه تفتر في المحل كنها بتشتريه ولافه جلال الصلاه يقاالكم بتصلى ولا شوي ماا عاد شفناها ولا نسأل عنها وينها ماعندنا أحد ونجلس مع صاحبة المشغل نسولف ونقول شفتو اا حركااتها ودورانهاا وقالت عسااموب حرااميه قلت شوفي درجك الا تفتح الدرج تفتش درجها وشنطتهاا وأطير أدور شنطتي الا ماا لقيت أثر لهااا حسبي الله عليهااا جعلهاا تعالج بهااوبلى فيها

ومره أنصرقنا في الحرم أنصرقت أمي قصواا جيبهاا وكان فيه مفتاح سيارة أخوي الى جينا فيها وخذوا الفلوس والمفتاح وجلست أصرخ بأعلى صوتي وكنا طبعا في زمزم وكله حريم وأدعي عليها عند الكل الا وحده من الحريم تقول شوفي هذا المفتاح مرمي عند المويه ونااا خذه ونحمد رب العاالمين الى رجع لنا المفتاح ولا شلون بنرجع للرياض وكلنا حريم

حسبي الله عليهم