ضيعت فلوسي كلها بعيادة التجميل

صباح الورد جميلات حواء


أنا إنسانة ولله الحمد الله عطاني شكل حلو والحمدلله مقتنعة فيه
وكنت قبل كم سنة ما ادل عيادات التجميل وكل اموري تمام


الي صار نحفت 25 كيلو فجأة ووجهي راح في خرايطها
صار ضعيف وخطين واضحين حول الفم يمين ويسار
رحت لطبيب تجميل وسويت فيلر وبوتكس ووجهي رجع أجمل من قبل
الابر المفروض مفعولها يكون 6 شهور لكن ما ظلت شهرين وراحت
رحت لدكتور ثاني بمنطقة ثانية قال لي هرموناتك مرررة قوية
وانتي طبيعتك نارية وعصبية عشان كذا يذوب الفيلر بسرعة
رحت لطبيب ثالث نفس الشي والفيلر من احطه يذوووب بعد مدة قليلة


المشكلة ادمنت شكلي الحلو ووجهي المدور مع الفيلر وفلوسي قاعدة تطيييررر هباءا منثورا
وعيالي مو محصلين ريال من الفلوس الا احصلها
عندي عقار صغير مأجر ب 3000 شهريا وفلوسي كلها طايرة على التجميل
وحياتي اصلا ما تطلب كل هالعناء زوجي انسان عادي ومو غني ولا درى عني
لو يدري شكثر صرفت فلوس عالتجميل جته الجلطة ... يفكر هذا شكلي الطبيعي
كيف اتخلص من ادمان الفيلر والبوتكس والتجميل واوفر شي لاطفالي؟؟
احس نفسي انسانة انانية استفردت بالفلوس وصرفتها في الهواء
يمكن صرفت مئة ألف من خمس سنين لحد اليوم بين فيلر وبوتكس وبلازما واستشارات


لو كنتي مكاني وش بتسوين؟؟؟