جزاكِ الله خير غاليتي السفيرة :)

وأسال الله أن يتقبل منا ومنكم الدعاء :)

مودتي وحبي لكِ يا الغالية ..

السلام عليكم ورحمه الله وبركاته..

بسم الله الرحمن الرحيم..

أول شي أعتذر منكم أخواتي .. لو تأخرت عليكم..
وأحب أشكر الأخوات اللي رشحوني ..
وان شاء الله أكون ضيفة خفيفة عليكم


س1..عرفينا عن نفسك وخاصه في الطبخ ؟

بنووتة حبووبة..مش متزوجة..أحب أساعد الناس في الخير..وأحس برااحة كبيييرة اذا ساعدت أحد واستفاد منّي :)

س2..وجبتك المفضله؟
يمكن من خلال مواضيعي تعرفون شو أحب ..
أمووت في شي اسمة حلويات..وخاصة الشوكولاتة<< دايما أقول للوالدة الشوكولاتة تعذبني هههههه
وبعد المعجنات .. وايد أحبها.. << للأسف كل اللي أحبة دسم في دسم :icon33:

س3..طبق تحبين تسوينه كثير؟
الكيك..أحس أحب اسويه أكثر من أكلة خخخخخ ..
واذا كان عندي وقت أحب اتفنن في عمل المعجنات ..

س4..متى تعلمتي الطبخ؟
الصراحة ما اذكر متى بالضبط بس من ايام الثانوية.. يمكن يكون من أواخر الاعدادية.. << الله على الذاكرة!!
بس في الجامعة صرت بالفعل مثل ما تشوفوني أحين..
يعني أيام المدارس كانت الطبخات مرة تصيب ومرة تخيب *_*

س5..موقف طريف صار معاك في المطبخ ؟
مممم ... مايحضرني شي في هالوقت!!

س6..يعتمد عليك في الطبخ او لا؟
الحمدالله .. يعمتد بالدرجة المتوسطة.. لأني الصراحة ماجربت مرة أطبخ بروحي مثلا حق عزيمة لأ ما أقدر بس اذا كان عندنا عزيمة مثل أمس((هذا السبب اللي عشانة تأخرت عليكم)).. تقريبا أنا سويت ثلاث ارباع الأطباق >.<


س7..سوي طبخه وصوريها لنا؟
انتو تامرون.. هذي صورت الطبق .. مفن الموز بالفراولة .. روووعه !!


ان شاء الله بس أخلص من ترتيب الصور بنزلة لكم باجر :)

س8..نصحيه توجهينها لطباخات عالم حواء ؟
احرصي على ذكر الله أثناء عملك أي طبخة.. وانا الحمدالله أحاول قدر الامكان:39:
أمّا من ناحية النصائح المطبخية ماشاء الله عليكم.. انتو تعطوني النصائح مش أنا:)

س 9..هل تستخدمي الميكرو يف؟
عاد سالفة المايكروويف سالفة ..
كان عندنا من زمان واحد..كان هدية..وماشاء الله كان حجمة حلو وكبير.. وبعض الأحيان مش دايما أحسة يفيد!!
طبعاّ للتسخين فقط مش للطبخ لأنه يضر..
بس الوالد الله يحفظة..مادري وين سمع انه مضر ومب زين.. بدون ما يشاورنا راح ومادري أعتقد أعطاة لعامل كان يشتغل عندنا الله أعلم!!

س 10..ما هو رأي أهلك أو زوجك في طبخك ؟
الحمدالله مب بس أهلي حتى أقاربي يثنون على طبخي ويعجبهم ولله الحمد:)

س 11..ماهي نوعية الاواني التي تفضلين ان تطبخي بها؟
من ناحية القدور طبعاّ ستيل.. أما صواني الكيك عندي من كل الأنواع تقريبا << قلنا عاد تحبين الكيك خلاص ههههههههه

س12..ماهي الأكلة التي تحبها عائلتك وأنتي لا تحبيها ؟

...........

س13.. اول طبخه طبختيها ؟؟
ما اذكر بصراحة!!

س14..كم مره احترقت الطبخه معاك ؟؟
حالياّ ما أتذكر في طبخة انحرقت عندي بالكامل..وأعتقد انها ماصارت.. اللي يصير عندي بعض الأحيان الطبخة تتحمر زيادة .. بس .. آخر مرة .. صارت عندي..هي تقريبا مش طبخة نص طبخة ههههه
كنت أحمص بيكان (الجوز الأمريكي).. لأني كنت بسوي سينابون..أول مرة حطيتة في الفرن ورحت عند الوالدة اسولف وياها ونسيييت انه شي في الفرن.. ويوم رحت المطبخ اشم ريحة غريبة :09: أقول في خاطري شو هالريحة مافي شي في الفرن ويوم دخلت المطبخ تذكرت انه في بيكان وكيف صار أسسسسسسسسود فحمة هههههه
تغصصت لأنه صعععب القاه عندنا كنت شاريتنة من الدمام يوم كنا مسافرين..
قلت يالله مافي مشكلة بسوي مرة ثانية وبتم عدال الفرن.. وحطيت كمية ثانية وأنا كل شوي أشوفة .. مادري كيف مانتبهت له ونفس الشي انحرق:icon33: قلت مادري شو صاير فيني اليوم هههههه
والله قهههر مابقى شي من البيكان الا شوي..قلت خلاص طلعت الكمية الثالثة<<مصرة تسوي السينابون
بس هالمرة ما حمصتة هههههههه والحمدالله سويت السينابون .. بسلام !!

بس بيني وبينكم صار درس تعلمت منه.. لأنه من كم يوم كنت احمصة حق آيسكريم,, والحمدالله تحمص بالشكل المطلوب .. لأن العين تمت عليه ههههههه

..س15.. اول كتاب طبخ اعتمدتي عليه ؟؟
مافي كتاب اعتمدت عليه.. مع انه الوالدة اللي يحفظها كانت تشتري كتب طبخ .. يعني مع بدايتي المطبخية وانا عندي كتب مثل خفايف.. ووعندي الشيف رمزي..وفي بعد كتاب الطبخ لوحدة سعودية والله نسيت اسمه نفس اللي حطت أميرة الشوق صورتة يوم كان دورها .. عندي جزئيين منه.. بس ماطبقت من الكتب وايد أكثر شي من المنتديات..


س16..مين قدوتك بالمطبخ ؟؟
الوالدة الله يخليها.. لأنها ماشاء الله .. من زمان كانت دايما تطبخ.. مثل ما يقولون عندها نفس .. بس مادري جتها فترة صارت ماتحب الطبخ(يمكن من كلام الحريم الله يهديهم مايذكرون الله) .. وابتعدت شوي عن المطبخ.. بس خلاص أحين أنا خذت الدور هههههه





س17.. تحبي احد يساعدك بالطبخه ؟؟
لأ أبداً بس أحب الخدامات يساعدوني مثلا في تقطيع الخضار أو تجهيزات فقط..

س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟
اذا صالحة طبعا ما أرميها اعطيها الخدامات أو الطباخ..اذا كانت رايحة فيها مثل البيكان للأسف مافي مجال غير للحيوانات(الله يعزكم) ..


س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟
فكرة رووووعه.. قربتنا كثيييير من بعض.. الله يجزي صاحبة الموضوع:)

س20 مـــيـــن ترشحى بعدك او ممكن تختاري اللي بعدك ..
رشة عطر..

س 21 من اي دوله انتي ؟؟
من امارات الخير :)

س 22 وماهي الاطباق الشعبيه المشهوره في بلدك ؟؟؟
مثل ما ذكرت هنوودة .. الهريس والفريد والبلاليط<<حدث الموسوم كان بدور هنوودة هههه
والخبيص .. والجباب.. والعصيدة .. والعرسية..ووووو الخ..

س 23وماهو الطبق الشعبي الذي ما زلتي تطبخينه وتحبينه ؟؟؟
بيني وبينكم أنا مش وايد مع طبخ الأطباق الشعبية << طلعت الفضايح هههه
لأن عندنا الطباخ هو متكفل بهذي الأكلات أنا أسوي الأشياء الخفيفة والحركات ههههه

س 24 اكتبى لنا طبق مفضل من اختيارك ... او من مواضيعك فضلا ؟
سويتة أمس وطلع رووووعه..ان شاء الله بنزل التطبيق في موضوع الأطباق المجربة..
http://forum.hawaaworld.com/showthread.php?t=758172&highlight=%C7%E6%D1%ED%E6

س 25 متى كان دخولك لعالم حواء وكيف تعرفتي على المنتدى ؟
التسجيل 19-03-2004
مثل ما شفت انه بنفس سنة الغالية زهرة النوير :)
وتعرفت على الموضوع .. اعتقد كنت مرة أتحوط في المواقع .. وكان في موقع يحط روابط مواقع فدخلت على عالم الحواء الحبيب واللي ما استغني عنه بأي منتدى آخر ..

واعذروني أخواتي .. طولت عليكم في الاجابات.. بس لأني أحب أوصف كل شي ههههههههه
وانتظر تعليقاتكم واسئلتكم الحلوة:)

هلا والله بهموسة ويسعدني أكون أول واحدة ترحب بيك مع إني صار لي فترة مادخلت وفاتني كتير من مقابلة الأخوات تشرفت بمعرفتكم عيوني الله يوفقكم ويحميكم يارب

أهليييييييييييييييييين همممموسة
منووورة يالغلااااا

حبيت اكوون اول من يرد بعدك على طووول ^_^
جايتك بالأسئلة
أستني علي شوووي ^_^