هلا وغلا بهموسة
الله يوفقك ويسعدك يارب
ويرزقك بالزوج الصالح تكونين قرة عين له ويكون قرة عين لك
خسارة سبقتني أموره بالرد أول وحده
حبيت اسجل أعجابي بك كانسانه وكطباخه
ماشاء الله عليك الله يحفظك ويخليك لكل عين ترجيك

ما شاء الله عليك يا هموووسه
لقاء وحوار ممتع
ما شاء الله لا قوة الا بالله
انتي بنوته يا قلبي والله تفاجئت الله يحفظك ويرزقك انتي وهنودة وكل البنات بالزوج الصالح البار
ما في سؤال يحضرني الحين
والكب كيك رووعه ما شاء الله
ننتظر الطريقه يالغلا

يا حيا الله اهل الامارات ...

وهذي الساعه المباركه اللي تعرفنا فيها عليج الغا ليه همسه الشوق ..

و سعدا ء بالتعرف عليك اكثر ..خصوصا انك من دفعتي :D 2004

اسئلتي لك :

1- قريت من اجابتك ان عندكم طباخ ... سؤالي ليش فضلتوا تجيبون

طباخ بدلا من طباخه ؟؟ علشان النفس والا قدرته على التحمل اكثر في

طبخ اكلاتنا ومجابل عزايمنا ..( ودي اجيب طباخ لكن ما عندي مطبخ

خارجي ولا عندي غرفه له !!)

وشنو المهام اللي على الطباخ بس يطبخ والا معطينه اشغال ثانيه ؟؟


2- سؤال نسيت اسأله للغاليه المسافره والغاليه هند ..
بما انكم من الامارات الحبيبه ...وعندكم وايد محلات خصوصا بالشارقه
على البحر لهذا الصنف ..

اشرايك بخبز الرقاق مع المهياوه :p .. اعتقد المهياوه منتشره عندكم

بكثره ولها شعبيه بعد .. اكثر من عندنا بالكويت ..

حتى كنت اشوف بالمخابز الايرانيه عندكم ( اللي يالشارقه خاصه )

حاط له بطل مهياوه بالواجهه يعني دعايه !!

عندنا بالكويت مو منتشره وايد و محد يذكر صراحه انه ياكلها مدي ليش

هذي العقد !!

صارت لي سالفه لما رحنا الامارات على الخبز هذا ..كنا ساكنين بفندق

شقق في دبي ..وشرينا الخبز هذا للريوق وظل منه شويه خليته

لثاني يوم .(.راهيه المره) سخنته الصبح بالفرن ونسيته شويه ..تحمص

وطلعت ريحته الحلوه :eek: وابو العيال كان مودي عياله حمام السباحه

و لما رجعوا يقول لي انت :angry2:شمسويه ؟؟ اشطابخه ؟؟ ريحه المهياوه

تارسه الفندق وواصله حمام السباحه ..

يعني بخرت الفندق يومها بالمهياوه :happy:


2- حبيت اعرف عن اكلاتكم الشعبيه وهي مثلما شفت من اجابات

المسافره وهند ..قريبه جدا من اكلاتنا الكويتيه والبحرينيه ..

حبيت اعرف بين اماره وثانيه هل يختلف طبخ الاكلات هذي ؟؟ يعني

بالكويت قديما كنا ثلاث مناطق داخل السور ( طبعا انا مو من ايام السور !)

شرق وجبله والمرقاب ..طبعا اكلاتنا نفس الشي لكن مثلا اهل شرق

يسوون المموش بدون لحم واهل جبله يسوونه مع لحم وناس يحطون

مع المرق نخي ( حمص ) وناس لا ..اشلون الحال عندكم ؟؟



هذا اللي عندي الحين والف شكر لك ..

وكان ودي اكتب الغاليه هند لكن المنتدى ما كان يفتح معا ي ابدا ..

ا لمفروض نحط وقت بدل الضايع للتواصل مع هند !!

هلا وغلا بأحلى هموووووسه.. نورتي حبيبتي..

وعجبني ردج ماشالله كل شي شرحتيه من الخاطر ههههههههههه..

وطلعتي مثلي تحبين الأشياء اللي تسمن :o

حطيتلج الشعار يالغلا.. وسؤالي لج..

تعتمدين بالطبخ عالمقادير والا عالنظر؟ شكلج دقيق صح :p

وباقي الأسئلة تاركتنها لهنود والخوات الله يعطيهم العافية..

وحياج حبيبتي...

ماشاءالله عليج هموسه

بصراحة انسانة طيبة ورائعة

واليك اسئلتي:-

من هي اعز عضوة لديك بمنتديات عالم حواء..؟وماهي نقطة ضعفك؟؟

وماهي امنيتك......؟

اتمنى ان تكون اسئلتي خفيفة...

يعطيج العافية حبوبة...

مع تحيات السفيرة