انا مشاركه جديده معكم ومتابعه لكم داءما واحب تشاركوني لاني حبه صداقتكم

والنعم والله باهل المملكتين السعوديه والبحرين ..

يا حيا الله الغاليه رشه عطر ..

والا اقول غرشه عطر ! عطرتينا بزيارتك العطره ...و هذي الساعه المباركه والله اللي تعرفنا فيها عليج أكثر يا أحلى خبازه ..

الحمد لله لحقت عليج قبل ما تنتهي مده زيارتك وسامحيني على التأخير ..أصلا ما ادري انك زرتينا محد بلغني وانا لاهيه مع الثانويه العامه
وعندنا استنفار بالبيت ..لذلك ما ادش النت وايد هالايام ..

وادري ان اليوم دور الغاليه ام ناصر والف شكر لك على اختيارها ومتشوقين لاستضافتها والتعرف عليها ..
لكن تسمح لي ام ناصر بطرح اسئلتي لظروفي السابقه ..

1 - كيف استطعت التأقلم بالغربه بدون اللجوء للخدم مع وجود 4 اطفال ما شاء الله ..وهل المعيشه بالخارج اسهل برأيك وفرصه للابتعاد عنهم ؟
اقصد عن الخدم طبعا !
واذا رجعت الديره ان شاء الله هل ستحضرين خادمه ام انك تعودتي على عدم وجودها ؟؟

2- هل برأيك نوعيه الدقيق تؤثر على المعجنات والفطائر وانواع الخبز
من واقع خبرتك طبعا بالدقيق الفرنسي مثلا هل هو افضل
ا من الدقيق السعودي او الكويتي او اي نوع خليجي ؟!

وبس البنات ما شاء الله كفوا ووفوا بالاسئله ما قصروا ..

وعلى فكره حرق البصل اثناء الحمسه شي مشترك بيننا :D

العفو حبيبتي .... وحياك الله ....



تسلمي حبيبتي ...
نوع كامرتي سوني ....

Sony Cyber-shot DSC-N1 8.1 mégapixel

وبالنسبة لهواية التصوير .... كان عندي اهتمام بس الطبخ كان اهتمامي الأكبر ... وبعد ما سافرت .... لقيت فيه اشياء كثيرة تستحق التصوير .... والطبيعة ما شاء الله .... وبعد كذا زاد اهتمامي بالتصوير في الطبخ وغيره ...



ياهلا وغلا أختي المسافرة ...

ومغامراتي كثيرة خصوصا مع امي الغالية .... ودائما اشاركها بالطبخ خصوصا الكيك والبتيفور والمعجنات .... ويا كثر ما خربت لها كيكات ... مشكلتي ما اسمع كلامها ربي يحفظها ... واحط على كيفي :35:...

والعفوسة .... بصراحة هالطبق رووعة ولذيذ .... وما اعرف الرنجينة بس هذا نستخدم فيه الرطب الكامل النضج ويفضل الخلاص .... يقشر ويزال النوى ... ويحمص الطحين بدرجة معينة ويضاف الرطب ثم زيت او دهن ويحرك على نار خفيفة ثم يقدم بأطباق ويدهن ويكون شكله مثل الخبيص بس لونه غامق ومتماسك وريحته وطعمه تجنن ....
طبعا في مواسم الرطب .... بعد تقشير الرطب نفرز كمية منه حتى نسويه اي وقت .... لو كان عندي رطب سويته :cook:...
وشرفتيني بأسئلتك الحلوة ...



الله يحيك أختي ... وعليك بالعافية اذا عجبك شي وطبقتيه ...



ياهلا بأختي ... يوه اكيد ثقتك في محلها ...:35:والقلوب عند بعضها ...حبتك العافية ...

والمواقف الطريفة ... يمكن حصلت بس ما اذكرها ... بس فيه موقف بعيد شوي عن المطبخ اقصد بعيد كل البعد خخ وما له علاقة ابد ... حصل لي من فترة .... اني كنت رايحة اجيب اولادي من المدرسة ومعاي ولدي الصغير ...والمسافة بعيدة شوي من بيتنا للمدرسة .... المهم كان الجو حلو وكل شي تمام ... وعند منتصف المسافة ... الا الشمس غابت وكل شي انقلب ... السما قامت تمطر على خفيف ... بس عادي ... فجأة شي ما كان على البال مطر .... مطر .... سيول ... بصراحة ما قدرت اتحرك من مكاني ولا فيه مكان اتخبى فيه وانا جامدة محلي لا حراك .... بيني وبينك قمت ابكي .... :06:لأن الحظ ابد ما ساعدني ... ما عندي مظلة و جوالي طفى يمكن من الخوف :D وما قدرت اكلم زوجي ... وولدي يبكي ... بس ربي كريم .... شافتني فرنسية ودخلتني بيتهم لحد ما هدأ المطر .... ويم ثاني سويت لها صينية سينابون من اللي يحبه قلبي .... وهديتها اياه ....



حبتك العافية يالغلا .... وياهلا فيك ....



يا هلا بالغالية نويرة ...:35:
الله يحيك حبيبتي ... ومسموحة يالغلا ....

بالنسبة لأسئلتك .... جات في محلها حتى بس اعطيكم فكرة عن رايي في موضوع الخدم ....
قبل لا اجي كان عندي خادمة ... جات بعد ما كنت حامل بطفلي الثالث ... حتى تساعدني بشغل البيت لأني كنت مرهقة ... وظلت عندي كم سنة بس انا ما اعتمد عليها بكل شي ... يعني بس تنظيف وكوي ... يعني الطبخ :32:وتربية الأطفال كلها علي ... واضطريت اسفرها بعد قبل لا اسافر ... والكل يقنع فيني أني آخذها معاي تساعدني ... لأن الأطفال متعبين والغربة صعبة ...بس رفضت ... وجيت انا مع اطفالي .... بصراحة في البداية واجهت صعوبة .... لأني تعودت على مساعدة من ناحية تنظيف والاهتمام بالبيت ... لكن مع مرور وقت بسيط تعودت ولقيت ان السالفة ما تحتاج خدم ... والحياة اسهل بدونهم ... ما تشعرين بأنك مراقبة .... وتكونين براحتك وتتصرفين على طبيعتك .... وبلا هم ومشاكل مع الخدم ... ولقيت بالنسبة لفرنسا ما فيه احد يعتمد على خدم ولا شي ... اذا كانت الأم تشتغل .... تاخذ الطفل للحضانة .... وبعدين تهتم فيه طول اليوم ... وايضا الزوج يشارك الأم في تربية الابناء والاعتناء فيهم بجانب ايضا دوره ومشاركته في اعمال المنزل ....
لذلك قررت اني بعد عودتي بالسلامة اني ما احضر خادمة .... حتى لو الكل عارض فكرتي ...:27:


وسؤالك الثاني عن الدقيق .... نعم اعتقد ان الدقيق له تأثير كبير على المعجنات والكيك ....
والدقيق الفرنسي جيد بس متعب ... لأنه يتطلب سؤال قليلة ... يعني دائما الاقي العجينة لينة وتتلصق .. ... واخذت وقت الى ان تعودت عليه ... يمكن لأني لازلت متبرمجة على الدقيق الكويتي :35:...
لكن عجبني انه فيع انواع .... مثلا عندهم فئات للدقيق 45 ... 55 و65 وغيره .... وكل نوع يناسب شيئ معين سواء خبز ابيض او اسمر او كيك .... لكن عادة استخدم 45 ... لأنه مثل الدقيق جميع الاستعمالات او الفاخر ويشبه لحد ما الدقيق الكويتي ....

ومع ان الدقيق الفرنسي جيد وطعمه ممتاز الا اني افضل الدقيق الكويتي لأنه اسهل بالاستخدام ....

وان شاء الله اني ما طولت عليك ...
وسلامي لكم ....

هلالالالالالالالالا بالغاليه على قلبى عطوره
منوره عيونى والله العظيم احبك واحب طبخك
وشكل اطباقك ما شاء الله تبارك الله روووووووووووووعه
ردودك هادئه ورزينه وحلوه ما شاء الله تبارك الله
الله يحفظك ويبارك فى جهودك ياقمررررررررررر

يا هلا بحبيبة قلبي أم علاء ...ربي يعلم بالمعزة اللي لكم ...
واخجلتيني بردك اللي يخليني اعجز عن التعبير ...
لا حرمنا منك غاليتي ...وحفظك الله من كل مكروه ...