همسه الشوق :

س14..كم مره احترقت الطبخه معاك ؟؟ حالياّ ما أتذكر في طبخة انحرقت عندي بالكامل..وأعتقد انها ماصارت.. اللي يصير عندي بعض الأحيان الطبخة تتحمر زيادة .. بس .. آخر مرة .. صارت عندي..هي تقريبا مش طبخة نص طبخة ههههه كنت أحمص بيكان (الجوز الأمريكي).. لأني كنت بسوي سينابون..أول مرة حطيتة في الفرن ورحت عند الوالدة اسولف وياها ونسيييت انه شي في الفرن.. ويوم رحت المطبخ اشم ريحة غريبة :09: أقول في خاطري شو هالريحة مافي شي في الفرن ويوم دخلت المطبخ تذكرت انه في بيكان وكيف صار أسسسسسسسسود فحمة هههههه تغصصت لأنه صعععب القاه عندنا كنت شاريتنة من الدمام يوم كنا مسافرين.. قلت يالله مافي مشكلة بسوي مرة ثانية وبتم عدال الفرن.. وحطيت كمية ثانية وأنا كل شوي أشوفة .. مادري كيف مانتبهت له ونفس الشي انحرق:icon33: قلت مادري شو صاير فيني اليوم هههههه والله قهههر مابقى شي من البيكان الا شوي..قلت خلاص طلعت الكمية الثالثة<<مصرة تسوي السينابون بس هالمرة ما حمصتة هههههههه والحمدالله سويت السينابون .. بسلام !! بس بيني وبينكم صار درس تعلمت منه.. لأنه من كم يوم كنت احمصة حق آيسكريم,, والحمدالله تحمص بالشكل المطلوب .. لأن العين تمت عليه ههههههه ..س15.. اول كتاب طبخ اعتمدتي عليه ؟؟ مافي كتاب اعتمدت عليه.. مع انه الوالدة اللي يحفظها كانت تشتري كتب طبخ .. يعني مع بدايتي المطبخية وانا عندي كتب مثل خفايف.. ووعندي الشيف رمزي..وفي بعد كتاب الطبخ لوحدة سعودية والله نسيت اسمه نفس اللي حطت أميرة الشوق صورتة يوم كان دورها .. عندي جزئيين منه.. بس ماطبقت من الكتب وايد أكثر شي من المنتديات.. س16..مين قدوتك بالمطبخ ؟؟ الوالدة الله يخليها.. لأنها ماشاء الله .. من زمان كانت دايما تطبخ.. مثل ما يقولون عندها نفس .. بس مادري جتها فترة صارت ماتحب الطبخ(يمكن من كلام الحريم الله يهديهم مايذكرون الله) .. وابتعدت شوي عن المطبخ.. بس خلاص أحين أنا خذت الدور هههههه س17.. تحبي احد يساعدك بالطبخه ؟؟ لأ أبداً بس أحب الخدامات يساعدوني مثلا في تقطيع الخضار أو تجهيزات فقط.. س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟ اذا صالحة طبعا ما أرميها اعطيها الخدامات أو الطباخ..اذا كانت رايحة فيها مثل البيكان للأسف مافي مجال غير للحيوانات(الله يعزكم) .. س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟ فكرة رووووعه.. قربتنا كثيييير من بعض.. الله يجزي صاحبة الموضوع:) س20 مـــيـــن ترشحى بعدك او ممكن تختاري اللي بعدك .. رشة عطر.. س 21 من اي دوله انتي ؟؟ من امارات الخير :) س 22 وماهي الاطباق الشعبيه المشهوره في بلدك ؟؟؟ مثل ما ذكرت هنوودة .. الهريس والفريد والبلاليط<<حدث الموسوم كان بدور هنوودة هههه والخبيص .. والجباب.. والعصيدة .. والعرسية..ووووو الخ.. س 23وماهو الطبق الشعبي الذي ما زلتي تطبخينه وتحبينه ؟؟؟ بيني وبينكم أنا مش وايد مع طبخ الأطباق الشعبية << طلعت الفضايح هههه لأن عندنا الطباخ هو متكفل بهذي الأكلات أنا أسوي الأشياء الخفيفة والحركات ههههه س 24 اكتبى لنا طبق مفضل من اختيارك ... او من مواضيعك فضلا ؟ سويتة أمس وطلع رووووعه..ان شاء الله بنزل التطبيق في موضوع الأطباق المجربة.. http://forum.hawaaworld.com/showthread.php?t=758172&highlight=%C7%E6%D1%ED%E6 س 25 متى كان دخولك لعالم حواء وكيف تعرفتي على المنتدى ؟ التسجيل 19-03-2004 مثل ما شفت انه بنفس سنة الغالية زهرة النوير :) وتعرفت على الموضوع .. اعتقد كنت مرة أتحوط في المواقع .. وكان في موقع يحط روابط مواقع فدخلت على عالم الحواء الحبيب واللي ما استغني عنه بأي منتدى آخر .. واعذروني أخواتي .. طولت عليكم في الاجابات.. بس لأني أحب أوصف كل شي ههههههههه وانتظر تعليقاتكم واسئلتكم الحلوة:)

س14..كم مره احترقت الطبخه معاك ؟؟ حالياّ ما أتذكر في طبخة انحرقت عندي بالكامل..وأعتقد انها...

هنـــد :

الحمدلله أهلي يمتحدون طبخي دوماً ، خصوصاً الشيف الكبير السيد ماما الله يحفظها ما في شي محدد كل ما هو متوفر ومناسب ما أحب الكباب ولا السمك المشوي :35: ما أتذكر بس أذكر بديت بطهي الكيك الجاهز ( العلالي ) كثيييييييييير ومرة كنت أسوي أم علي وأحمص الجلاش بالفرن ونسيته ساعة وفتحت الفرن لقيته متفحم ومتحجر :hahaha: خفايف ( لمريم محمد عبدالله ) الوالدة الله يحفظها وكل أخت مبدعة أستفيد منها ولو بشيء بسيط والمبدعات هنا كثر ما شاء الله بدأ أم عزيزان أول مبدعة بدأت أنهل من خبراتها أميرة الشوق ، عزيزة غرومه ، همسه الشوق ، دردشة مطابخ، كريكره ، عيون حزينة، ماكو أسامي ، زهرة النوير بيان ، والكثيرات الكثيرات اللاتي لا تحضرني أسماؤهن الآن وأرجو منهن المعذرة أبداً ولا أحبذ هذا الشيء المساعدة فقط بمناولتي الأدوات التي أحتاجها لكن في الطهي لا أحب تدخل أحد لو خربانة خربانة مثل ما يقولن طبعاً أرمي :35: ولو صالحة للإستهلاك الآدمي أخلي إخواني ياكلونها غصب خخخخخ فكرة ممتازة ورائعة كروعة هذه الوجوه الخيرة المجتمعة في صرح عالم حواء الرائع لا حرمكن الله الأجر جميعاً وأسال الله أن يكتب لنا اجتماعاً دائماً في الفردوس الأعلى من الجنة لا أدري هل أختار ؟ أم أترك الخيار مفتوحاً لكن ؟ دار الغالي زايد ( أسال الله له الرحمة والمغفرة ) الإماراتالعربيةالمتحدة إممم كثيرة الهريس ، الخبيص ، البلاليط :35: الثريد ، العصيدة العصيدة أموووت فيها وأسويها كل ما اشتهيتها تفضلوا :) هذا الطبق لاقى صدى كبير في أغلب المنتديات :) ويا كثر ما انلطش وانمسح إسمي منه هههه تاريخ تسجيلي : 03-05-2004 أي منذ 4 سنوات :) ولا أذكر والله كيف تعرفت على المنتدى .. جزاكم الله كل خير وأنا حاضرة لأي استفسار جزاكم الله كل خير وأنا حاضرة لأي استفسار

الحمدلله أهلي يمتحدون طبخي دوماً ، خصوصاً الشيف الكبير السيد ماما الله يحفظها ما في شي...