صباح الخير منووووووووووووووووووووول

خليني اكمل القصة

وتخرجت..

وكنت اول مرة احاتي اني ممكن ازيد وزن يوم ايلس في البيت...
فحافظت على وزني ..... شوفواااااااااااااا ما نقصته لا حافظت عليه وكنت زايدة تقريبا 10 كيلو.... انزييييييييييييييييييييييييييييييييييييييييييييييييييييييين

المشكله ابوي الله يحفظة يموت وييين إذا قلتي بسوي رجيم... تسمعي التعليقات والفتنه... ومن ايي حد عندنا البيت يخبرة ويقول الفلانية تسوي رجيم ما ادري شو فيها ... من زود الشحم تراج زينه جيه عن هاي الخبصة... امي ما كانت تدخل تخلينا على كيفنا بس ابويي لين اليوم ما يعيبه انا نسوي رجيم ولا حتي نخفف اكل... يوم ايي الغداء يشوفنا من ما اكل زين ويبدأ زن وتعليقات... الله يحفظة ويخليه لنا يا رب..

واشتغلت البنت... بس شغل شو... كان شفتين من 7:30 لين 1:30 ومن 4:30 لين 7:30 وايام محد يرجعني البيت الظهر او عندي شغل وايد... وكنت بنت وحيدة بين رجال فكنت استحي اكل او اشرب... والمصيبة حتى الحمام (الله يعزكم) مرات ما اروحة لين ارد البيت...

يعني كنت اكل وجبه وحده في اليوم اللي هيه فليل... اكل اكل مفجوووووع وانخمد واصبح الصبح في الشغل... ما ادري شو اللى خلاني اصبر على ذيك الفترة

زاد وزني بعد 10 كيلو في اربع سنوات والاخت لاهيه ولا في الدنيا... وبعدني اشوف عمري البنت الضعيفة اللي ما تمن...

ويا المعرس... ولزمن ربيعاتي اني اسوي رجيم..(لاحظوا ربيعاتي اللي لزمن ولا انا ما اريد اسوي رجيم ... هوه اختارني ولازم يا خذني مثل ما انا (يزينه من تفكير)
.. اصلا قبل هذا الرجيم انا وخواتي على قوله برييئة ما نعرف شو رجيم نمتنع عن الاكل ومناك كل الحلويات والشبسات ناكلها (امحق من رجيم)

رحت عند الاخصائية ومسكينه بذلت جهد... وكان نظام سعرات... التزم بالاكل ... لكن هاتي عصيرات وكوكتيلات... انه ما يمتن... نزلت في 6 شهور 6 كيلو وكنت طايرة من الفرح والسعادة لاني نزلت وعرست الحلوه

ولنا تكمله

عرست الحلوه... وما زاد وزنها بعد العرس مع انه الكل يقول انك اذا عرست تمتن...

وبعد اربع شهور حملت... بس حمل شو كله في الحمام ترجيع الله يكرمكم واسهال...

بعد رباي بولدي الكبير ما زدت وايد يعني يمكن 6 كيلو اللي نزلتهن قبل رديتهن... ورحت الدوام وربيعاتي يقولن ما شاء الله ما متنتي... واستوى اي حد يقولي ضعفانه جنه يذمنى وابذل الغالي والنفيس عشان امتن... كنت كل ما اقول حق زوجي خلاص قررت اخفف اكل واسوي رجيم... مرة يعزمني على عشاء ومرة يشتري لي كيك ومرة يشتري لي بسكن روبنز وغالبا كوكتيلات وعصير فرش (تراه ما يمتن على قولته)

المهم زوجي رغم انه يحبني رشيقة بس ما ادري ليش يشتغلي في الرجيمات
وزدت في السنه هذي 10 كيلو .... تخيلو 10 كيلو في سنه....

المهم حملت مرة ثانية وكان حملي اهون عن الاولي بعد ما زدت وايد بعد الحمل يعني في حدود 4 كيلو... وييت ارضع الولد لانه الكبير ما رضعته وكنت وايد متضايقة انه ما رضع...

عاد الاخت ما فيها حليب وطول النهار تشفط صدرها عشان يستويلها حليب.. وعندي امساك... نصحوني او يمكن بروحي اخترعت طريقه... اطبخ شوفان مع حليب واشرب منه طول النهار
منه ارتحت من الامساك ومنه الحمد لله رضعت الولد... لكككككككككككككككككككككككن
زاد وزني بعد 6 كيلو ووصلت التسعين...

وقفت على الميزان وتروعت يوم شفت التسعين... سألت نفس انا وين رايحة وشو اريد ... بعده عشرة كيلو واصير ضعف وزني الاصلي ويلست اتخيل عمري اني كورة مدورة امشي...

المهم الله يجازي بنات عالم حواء خير... تعرفت على المنتدى
وبديت اقرأ رجيمات ... وعرفت سبب مشكلتي ... اني لين ذيك اللحظة وانا اشوف عمري رشيقة يعني اوقف جدام المنظرة وما اشوف جسمي الحقيقي وانما الصورة اللى انا راسمتها عن روحي... بنت ضعيفة وجسمها حلو... ما كنت احب شكل جسمي وما اتقبله...

عشان جيه اول شي بديت اتقبل شكلي...
وبعدين بديت اتخيل شكلي إذا وصلت الميه
وبعدين بديت افكر إذا مت (بسم الله علي) كيف بيشلوني ,,, ويوم بيشلوني اول ما ينزلوني في اللحد ... محد بيقول الله يرحمها بالعكس بيقولوا الحمد لله نزلناها وافتكينا... والله هذي الفكرة حزنتني وايد وكل ما افكر فيها ازيد عزم على الرجيم

وبعد لنااااااااااااااااااااا تكمله مع الرجيمات والتجارب....

كملي ام سعودي

وبعديييييييييييييييييين حصل ايه

تعرفت على عالم حواء...
والله كنت اغلب وقتي من رجيم الى اخر... لاااااااااااااااااا ما اجربهن بس اقراهن واخذ فكرة من النصايح والاشياء وألاحظ الاشياء المشتركة... وعرفت السعرات الحرارية اللي موجوده في الاكل وستويت احسب السعرات...

وبديت الرجيم يوم كتبت الدكتورة راس المال موضوعها للي تبى تنحف.. بس طبعا الموضوع ما تكمل هي بس عطتنا ملاحظاتها عنا وعن كم بنوصل...

كانت معاي ربيعتي في الدوام متابعة معاي وبدينا العام الماضي شهر 2... ما مشيت على نظام معين ولكن التخفييف والمشي اليومي ... حتى لو زوجي معاي اطلب منه اروح بيت اهلي بس عشان المشي... وإذا ما وداني العب رياضة... شي بعد كنت يوميا العب رياضة الصبح قبل ما اسير الدوام... وفليل بعد المشي اسوي صنفرة بزيت اللوز والسكر واهن خل وانام...

الحمد لله لين شهر 7 وانا نازله 15 كيلو يعني في حدود الكيلوين للكيلوين والنص في الشهر... بس صراحة كان انجاز..وزوجي ما كان مصدق اني بضعف... وعاد وحده خقاقه وشايفه عمرها ... قلت حق اختي الكبيرة بالمرة... تراني كنت مفصله ثياب وهن واسعات على خذيهن... طبعا خواتي الكبار بعد ما عرسن زاد وزنهن اما خواتي البنات ما شاء الله الله اكبر بعدهن ضعاف وسمبتيك...

وحليلها اختي الكبيرة دوم تعلق على عمرها.. انا ما اكل ووزني ما ينزل شو اسوي... المهم

ارتاحت صاحبتنا في الصيف ... ما زدت ولا شي تميت على وزني وبدا الدوام وتمن بعد البنات يقولن ما شاء الله بعدج ما زدتي... عاد قلتلكم انا من حد يقولي ضعفانه جنه يذمني او جني استويت بشعة... وتمييت اخبص... ومرة فكرت قلت همه يقولولي ضعفيتي وحلويتي وانا اجلبها العكس ليش... لازم استانس وانزل وزني زيادة مو العكس (إلا صح النوم توه الناس)

المهم زدت الخمسه كيلو من شهر 9 لين شهر 3 السنه هذي... وكل ما احاول استمر على التخفيف ما استمر واخبص... شهر 4 كان عرس اختي وانا كنت مصرة اني انزل وزني بس ما كنت اقدر ارد بنفس العزيمة والارادة مالت العام اللي قبل...

رديت على التخفيف بس مش منتظم... وراحت بنت اختي (مع انها ضعيفه يمكن بس زايده 5 كيلو) للدكتور نيوترشن... البنات كانن ناصحاتني فيه العام بس انا ما اقتنعت فيه

المهم البنت ضعفت وخذت امها (اللى هيه اختي الكبيرة بالمر معاها للدكتور) ما شاء الله الله اكبر ضعفت بسرعة وصارت اضعف عني ... (وموتي وغيرتي انهن يضعفن اكثر عني، وحده حقودة صح...) كنت اريد اكون انا الاحلى والاضعف...

قرب عرس اختي اللي تصغرني ... وياني الم في الظهر ... لاني يلست غلط... ورحت بيت امي ازورهم... وهناك اختي الكبيرة ... قالتلها امي خذي هذا الزيت مقراي فيه قرآن وادهني ظهر اختج... تعرفواا شو ردت وقالت.....

اصلن انتي متينه والمتن مب زين هوه اللي مسولج الالم في ظهرج.... والله بغيت اموت من تعليقها وصابتني كآبه وتميت حزينه ,,, هيه اللي كانت امتن عني تقولي جيه ...

المهم دهنت ظهري وراحت... طلعت ورحت عند اختي العروس... جان تقول... اريد البس عباه من عباياتج يوم ايي من الصالون... تراه عباياتي ما ين على الفستان اما عباياتج انا اضيع فيهن.... والله الدمعه كانت بعيني... وشوي بصيح...

طلعت وشليت عيالي ورحنا البيت وانا حزينه .. الاولى من العوده والثانية يت من الصغيرة في نفس اليوم

ردت العزيمة وبديت مرة ثانية طبعا مع بعض التخبيصات...
وفي العرس كنت نازله شوي (الحمد لله)
كانت اختي وبنتها يبوني اروح معاهم نيوترشن وانا ما قادرة اتقيد بالنظام... لاني ما اعرف امشي على جدول ومقتنعة بالتخفيف... ومرة سألت زوجي قلتله كلهم يبوني اروح نيوترشن بس انا ما اقدر التزم... رد علي رد انا ما توقعته منه لانه كله يحبط من عزيمتي...

نظرلي نظرة فيها حنو ومحبه (قلبتها فلم رومانسي) وقالي انتي إذا عزمتي على شي تقدريله بس عزمي ...والله ارتفعت معنوياتي وطلبت البرنامج من بنت اختي عشان اجرب قبل ما اروح وما اكمل... هذا كان آخر شهر 5

جربت البرنامج نزلت في الاسبوع الاول اللي التزمت صدق 1.400 كيلو واربعمائة... والاسبوع الثاني كيلو.. والثالث ولا شي لاني خبصت....

يلست فترة يعني امكن اسبوعين وبعدين آخر سته سجلت معاه عشان بس التزم...

لكني بعد ما التزمت صح كنت انزل بس مش وايد يعني 800 في الاسبوع... لاني كل ما اشوف الرطب آكل ... والمنجا ما اشتريه عشان ما اكل... ومن اروح عند امي إلا تقول أنا حاطلج همبا هناك كلي منه وشلي معاج... والله بلشه الصيف بالرطب والمنجا...

كنت اريد شي يساعدني على الالتزام حد يكون معاي ويشاركني مثل ما كانت ربيعتي تشاركني كل يوم بيومه واي شي يديد تخبرني فيه...

وداومت وحصلت طايرة كات وتعلقت فيها والحمد لله من التزمت معاكم وانا ملتزمة وافكر فيكم طول النهار.. واقاوم رغبتي


الحمد لله الحين افكر مليون مرة قبل لا اكل عشان ينزل وزني...

وطبعا كله فضل من الله اللي ساعدني بقوة العزيمه وبملاقاتكن على الطايرة .... وتشجيعكم لبعضكم البعض...

الله يجزاكن خير في الدنيا والاخرة وينولكن الرزق الطيب