حلو النوتيلا سهل وسريع وعيالي يموتون علية ودايما اسوية اذا بطلع واخليهم ( اقص عليهم فية اخليهم ياكلون وانحاش :) )
المقادير:

2 كيك سارالي فانيليا
1 علبة كريمة حمراء KDD
2 قيمر
1 علبة كاكاو نوتيلا متوسطه
كاكاو فليك مبشور

الطريقة:

تخلط جميع المقادير بالخلاط الكهربائي (من غير الكيك طبعا) ثم يقطع الكيك شرائح.. وتصف الطبقه الأولى من الكيك في صينية البايركس.. ثم نصب نصف الخليط فوق الكيك.. ثم نضع طبقة كيك أخرى ويصب فوقها النصف الأخر من خليط الكاكاو.. ثم نرش طبقة الكاكاو الأخيرة بالفليك المبشور.

اي والله يا بريئة صراحة امنية حياتي وشغلى الشاغل هالفكرة لكن خايفة من الفشل غير اني ما لقيت فكرة مقنعة

تسلمي يا هوى

انا بعد نفسي في شغل خاص فيني ويكون في بيتي... فكرت بالطبيخ حق العزايم... او تغليف الهدايا... بس ما ادري والله... ومرات افكر فحضانه عائليه... شو رايج هوى انتي وبريئة

وهذا بعد وايد اسوية وسهل ويصلح اذا يو ضيوف فجاة
المقادير....

1 قيمر
2 حليب مركز نستله حجم صغير
1 كيس كريم كرامل
1 كيس دريم ويب
1 علبه بسكويت بيتي بور
حليب كي دي دي الصغير >>الي حق اليهال
علبتين كيك العائله سارالي الي على كاكاو وفانيليا..
كاكاو سيرب


الطريقة....
في الخلاط حطي كل المقادير ماعدا الكيك والسيري
تقصين الكيك مربعات وتصفينه بالبايركس
نصب عليه الخلطه
ونزينها بخطوط الكاكاو وباالشوكه نسوي تموجات يصير شكلها رخامي ودخلوها بالثلاجه

لما ماتبرد
وهذي صورتة

انا اخاف من الخسارة بنات لان بالفعل الخسارة تكسر الظهر غير ان الفشل شي محرج جدام الاهل غير انج راح تخافين تسوين شي ثاني يعنى الواحد يعمل حساب كل شي قبل لا يسوي شغل خاص فية