طائره الترفيهي<<بطوله اكثر من سبعين عضوة من عضوات الترفيهي

بسم الله الرحمن الرحيم
في إحدى الرحلات السيااحيه وحيث إن طائرة الواحة الترفيهية المقلة للعضوات من رتبه عضوه جديدة ومميزه ونادرة ومحرره بجميع أنواعها ومشرفات كانت تطير بسلام إلى إحدى الاقساام الأخرى التابعة لعالم حواء وصرح مصدر غير مسئول يقول :
ان الرحلة كانت ذاهبة إلى القسم العام لأنه وكما تعرفون يحوي على العديد من المشاهد الزراعية الخلابة والثلوج العاتية والرياح المتراكمة وذلك بسبب الطفش وركود الواحه <<ما قلت لكم غير مسئول من بعد هالكلاام امسحوا أيدينكم منه

وكان على خشة الرحله العضوة مداد المشاعر اللي عيونها مبققه من الفرحه بهذه الرحله حيث انها كانت تقبع بجواار العضوة قلب الدلع وكانت قلب الدلع صاكها راسها ما امداها تخلص اختبار الا جارتها مدوو مع شوشتها الا ترووح معها وبحجه انها تريد تشقر على موضووع اختها كشه اللي منزلته امس مووب البارحه

وكانت العضوة روموز قابعه بالخلف ولكنها مغمضه بعيونها بقووه لانها كانت تخشى من الارتفاعات وبالقرب منها سلطانه المجالس وكانت جالسه بقررب الدريشه تتفررج على الحماام اللي بالبرااااااااااااااااااااااري مدري وش سون حمااااااامي ياللي بالبراااري

8888
عذرا كنا مع فاصل اعلاني قااط عررض

نرجع لمحوور حديثنا وكلامنا اللي ما يخلص لذا على قوله ام تابط امكعي فيش التلفوون لين اخلص مسولفه عليكم تعرفوون لندن ما تجيب ادق التفااصيل

وكاان يوجد الكثير من العضووات وكل وحده نجيبها مع السالفه حقتها ويقولون كل شئ بوقته حلوو
من هذه الحظه اختي العضوه اقضبي روحك لاني بشيلكم واجدعكم على السوق قصدي الطياره

الجو بااارد والكل نائم وخصوصا بنات ثالثه ثانوي ايه يا عمري الوزاره ما خلوهم ينامون وبناات المتوسط ماغير ركض بالطياره ومطارده على بالهم بساحه المدرسه وبنات الجامعه حاطاات ايدينهن على قلوبهن ينتظرن النتايج وعسى نتايج التحليل ما تكون الوحده منهم حامل والا معه تووم والا اكثر لذا راحوا يغيرون جو وينسون الطفش والهم
اما المدراساات فتراهم طالعات معنا لكن هيهاات الي ما خلصت للحين معه القلم الاحمر واورااق البنات تصحح والامهاات اللي ترضع بزره واللي تراكض وراء عياله

مع العلم بان هذه الرحله لا تحمل أي جنس اخر غير المصرح بهم وهو من يكتب اسفل اسمه عضو

نجي للبدايه
وانا مبسووطه وفرحانه الا تجي قلب الدلع وتنغزني
مدوو نايمه ؟؟>>تراها معقدتني الكلمه كل ما شفت رقمها رديت وقلت لا ما نمت
قلت : لا مو نايمه جالسه افكر
الا تجي جنان طايره مدري من وين شكلها من الدرجه السياحيه لاني انا كنت بدرجه اولى مدااد ما طلعت النتيجه ؟؟
اسمعي جناان ان سالتيني مررة ثانيه ترا بشوتك مع الدريشه واتصل على اهلك ياخذونك بالمحطه على السحابه رقم 37
قالت لا خلااص برووح انا واجلس ارسل للبنات رسايل واقهرهم <<هههااي مو نفس العاده انت ورسايلك يا جنانوه بس اقول اقضبي اختك تراها كل فجر اشوفها على المسنجر واذتني طالعه داخله ما تقر شكلي بحط لها صمغ فيران
واحنا جالسين تجي ام تابط شرا هي وولدها اللي لازالت تلاحقه تابوطه وتقوول امها وراها عصلا بعذرها من ولدك اللي ماغير مقامز والله يخليه لكم
وام تابط جاايه تسال تقوول متى الفطوور ؟.؟
وش تبغوون اسوي لكم فطوور <<ام تابط مدري ليش احسك نسخه من حدى خواتي مره طيوبه وما تخلي احد الا تصحيه لانامت عندنا تحب الجمعه والفطور الجماعي وطلعة البران وسواليفها ومزحها جنان بس عليها غلاظه شوي وهي تمزح يعني احتمال تسطرك كف وتقول امزح
قلت والله مدري يا ام تابط بس شووفي الشيفاات اللي عندنا يمكن هم بيطبخون لنا فوول والا خبز تميس
الا تقووم المسلمة الحرة <<ام نقط تراي ما نسيتها
وتقوول اهم شئ الكراث لا تنسونه مع ليمون وجبن <<اتوقع انه كذا والا ؟؟
قالت ام جوري افاا عليك لا توصين حريص قايله لاهلي يرسلون لي امس علشان الطلعه
وتجي قمرهم كلهم : الا وش رايكم ننزل على قسم الطبخ ونفطر ونكمل رحلتنا ؟؟
وايدوا الكثير فكرتها
وامرنا الكابتنه طياره وحيده بين البشر انها تمر على الطبخ قبل نكمل رحلتنا
وكلها ربع ساعه الا نسمع العضووة فاقده غالي تعلن عن قرب هبوطنا الى القسم لذا ترجوا من الجميع الجلوس وربط حزام الامان
ومن سمعوا الكلمه الا كل واحده صاكه الثانيه بترجع مكانها
لكن مع الدقايق هدء الوضع الا من عضوتين اللي هم عطر شانيل وصديقتها شوكلاته حلوه يتهاوشوون >>اعتقد كذا اسمها افتر راسي من كثر الجلكسي بالمنتدى
كل وحده تقوول هذا مكاني لكن سرعان ما انحل الاشكال وجلسوا
واحنا بنهبط الا الاخت روموز تصررخ على بالها الاخت بملاهي
ومن فتحت الطياره ابوبها نزلنا
والله واستقبلونا استقبال حاار مع روائح الخبز والمعجنات والمرقوق <<دااش عرض
وكانت اللي متراسه الطاقم الطباخ ام عزيزان
والله وقدموا لنا كل شئ طيب واخذتنا السوالف معااهم<<ايه بلاكم ما معكم رجال يطيرونكم بالمشيه
فااصل اعلاني
يا عضوااات يا حلواات اشربوا الحليب للنومه والصرقعه اطلبوا الحليب

كان هذا الفاصل الاعلاني برعايه العضوة منيرة العنزي
وتنصح الجميع بشرب طاسه لبن وانه يتغطى بلحااف وينام
888
هههههههههههاااي
اخيرا رديتها لك انت ولبنك اللي ورااي ورااي بمواضيعي

لقد عدنا

واحنا طالعين للطياره نكمل مشورانا
ومن اقلعنا الا ام عزيزان تتصل بنا
الووو
قلب ادمته الجرااح: نعم
ام عزيزان : هلا قلوبه شخبارك ؟
قلبوبه وهي مستغربه تو ما بعد مشينا عنكم : خيير يا ام عزيزان حااصل شئ ؟
ام عزيزان : لا بس ما نسيتوا شئ ؟
قلوبه وهي تفكر : لا المفتااح وهذااه معي <<حق قفول المواضيع
ام عزيزان : لا شئ ثاني ؟
قلوبه : اصبري اسال البنات
بعد ما سالتنا قلوبه كل وحده قامت تحووس باغراضها واللي تدوور
الا تصررخ سااكي : قطوتي
بعدين تتراجع عن الكلام
لا خلااص حصلتها تحت الكرسي
ويرجع الاخروون بالبحث وكل واحد يفكر ياربي وش ناسين
وبعد دقاايق من البحث تجي المسلمة الحرة وتقوول وين كافي لاتيه ؟؟
صاارت كافي لاتيه هي اللي منسيه ورجعنا نقلها معنا على خشه الطياره
وفي الطياره كانوا بعض البنات يشتغلون كانت طفوشه تفكر بموضوعها اللي نزلته لام تابط
وتشووف ردود البنات وكانت فراشه ورديه ترسم لوح فنيه وعلكه بالفراوله توزع علوك بمناسبه نجاحها
اما سمسومه "هع هع السمسم المحرق قصدي " جالسه تدوور بنات يكلمونها بالدردشه <<لازم الواحد على ما تعود حتى لو كانوا بجنبها
وساكي ماسكه البنات سين سؤال وجاوبوا وتقدم لهم الالعاب
اما الثنائي عذبة الروح وسبلة الوادي
كل وحده تكب بالثانيه قصيده هجاء ومن بعدها كل وحده تقووم تحب راس الثانيه
وحبيبة عمها " الحمد لله على سلامه عمك ترااي ما عرفت الا امس غلاتي ما يشوف باس "
وعوشي جالسين سوالف مع بعض
ومع الاجواء هاذي تقاطعني قلب الدلع : مدوو ؟؟
انا : سممي
قلب الدلع : نمتي ؟؟
انا : اسمعي يا كويحتي ترا ان قلتيها ثانيه ترا بشوتك انت ايش فيك علي لاحقتني لاحقتني
قلب الدلع : لا بس انا اسال اخاف تكونين نايمه وازعجتك .
88
نفس المحادثه تصير يوميا ههههههههههههههاااي
كشه جالسه تتمصلح مع المسلمة الحرة وتراها وافقت بس ما شفتك علشان اقولك
وتجي من بعدها مجرووحه مشاعر طايره ومعها اختها قلب رحوم وهي تقوول شوفوا اختي تنزف
الا الاخت مجروحه تنزف لانها مجروحه مشاعرها وحسبي الله على من جرحها
وندوور لنا وحده معها لصاقات جروح ويالله لقيناها مع ضيم الجراح لانها متعوده على الحركات وماخذه احتياطتها
لقينا فسفوريه جالسه تزين تواقيع وتصاميم فالحبر الفسفوري طلع علينا وحااس الدنيا حووس حتى البرتقاله وطماطه صاروا الوانهم فسفوري لانهم كانوا جالسين بجنب فسفوريه
وبتلك اللحظه تنغزني قلب الدلع ثانيه وتقول : مدوو؟
انا التفت عليها وقلت : لا ما نمت ..وراك انت..
قالت قلب الدلع : لا مدوو شووفي وش اللي جانا وانا اناظر الا والله غنم
كان تطير عيوني وصبخن بعيون قلب الدلع ورجعن
ومن سمعتنا ام جوريه ضحكت وقالت : هاذي مرت راعي غنم ما رضت تجي معنا الا وغنمها معنا ووافقنا
قلت اييه كذا المساله طيب ليش ما شاورتوني بالاول تعرفون يمكن عندي فوبيا من الاغناام
قالت المسلمة : امااك حالبه الغنمه بمداياات والا كله فلسفه وما عندك ما عند جدي
قلت : لا حراام عليك كلش ولا هالشئ انا اخااف استغفر الله لو تبين اقوم احلبهن حبتهن
قالت الفراولــــــــــــــه >>كذا اسمك يا فراوله مطوله : اتحدااك قومي
وتجي مداد تفسر عن ذرعانها ومن وراها سونه وعهود الحربي وهمس الوجود وجود وعلكه بالفراوله تشجيع وتصفيق
ومن تشوفنا مرت راعي غنم الا تمد عصى المكنسه وتحط حاجز بيني وبينهن وهي تقوول : خيير
انا : الخير بوجهك يا وجه الخير بس ممكن اخذ حليب مدري لبن منيرة العنزي ناصحتني فيه كم مره وبجربه وبيني وبينك بحلبهن انا علشاان اثبت شجاعتي .
مرت راعي غنم : وهي الدعوه سايبه وكاله من غير بواب .
انا : لا بس يرضييك يعلقوون علي ويتحدوني وما اقبل التحدي .
مرت راعي غنم : لا ما ارضى تتجربين ..
بالحظه هاذي وطيت على رجلها فصرخت مرت راعي غنم .
واتارك الفرصه واقوول خلااص مو لاازم احلب ما رضيتي براحتك اهم شئ انت تكونين راضيه
بنات شفتوا ما رضت والا كان ودي اجرب قصدي اوريكم.
وبعد دقايق الا نسمع صراااخ
وهنا بدوا الحريم يحللون الحاله .
تباشير الصباح : خيير من صوته
الفجر البعيد : مدرري بس كنه الصوت مو غريب علي ابدا .
انا : لااه اكيد هاذي حدى العضوات خايفه من قطوه ساكي
***بنت وبس *** : اييه يمكن لان البنات مرره يخافوون
هنا تجي ميمو. : بالله ايش فيها القطووه كلها ملح وصغيره واليفه وما تخووف .
كلنا معها : لا بصراحه ما تخووف ابد .
ومع النقااش تدخل مسك ابيض وكانها مجروره او احد متلثم يجرها من شوشتها
وهي تصارخ والمسدس على راسها
ومن شافوها البنات ما تسمعوون أي صووت
الكل سكت
الا كافي لاتيه : اييـــه زي العاده العصابه القشرا هاذي عذيب وامومه وريماس ام الكتاكيت .
هنا انومه قالت : ما اعتقد ريمااس عندها زواج وراحت له مدري هي جت والا لا ؟
هنا قامت مرعيده وضربت على كتف كافي لاتيه وقالت : شووفي ورااك
التفتت كافي لاتيه ومن هوول صدمتها اصبحت على الصامت وبدون هزاز
من شافت شافت شله العصابه وعذيب المتهمه في كل صغيره وكبيره جالسه وراها ومن ضمن المصوب عليهم
بعد الصدمه بعض العضوات قامت تدور على نقابها واللي تدور شيله لاننا ما زلنا ما نعرف هويه الخطف هل هو خاطفه ام بدون الهاء
وقامت الحلم الهادئ تجر برقع البدويه وهي تمسكه ولين ما صااار قسمين كل وحده اخذت منهم جزء .
في هاللحظه قامت الدره المكنونه من مكانها وقالت : بنات شوفوا الواحه الترفيهيه كل المواضيع صارت مصفره كلها راحت كنت كاتبه محجوز وما لقيت الموضوع من حدثت كل المواضيع اختفت
الا تشوف الوضع اللي حولها وتنتبه وتتدارك الموضوع وتقول اسفه على الازعاج وتجلس بمكانها وتحاول تفتح المسنجر تستنجد الا تتلقى ضربه على رسها وقاموا بقطع الاتصال .
88
بطله يا الدره بس الله يرجعك لنا بالسلامه
وكل دقيقه يزيدون افراد العصابه وهنا تكلمت الرعيسه وقالت : أي محاوله اخرى بنقووم بتفجيركم وتسديحكم على الكره الارضيه.
هنا اللي تغطت فتحت واللي تدور غطاء وقفت
والحلم الهادئ رجعت غطاها للبدويه
والوضع كل ماله يصعب ودخلوا العصابه لقسم القياده واحتجزوا كل من راعيتها و غريبه بين اهلي والكابتنه وحيده بين البشر وفاقده غالي
واصبحت كل سبل الاتصال منقطعه بطلب النجده او ارسال المعونات
صااب بنات الواحه الملل والخوف
احلى نجديه اصيبت بالاغماء
روموز عندها خوف من الرتفعات فما بالكم بحالات الاختطااف .
واحه حواء تقوول يا ليتني ما رحت معكم ورحت مع اهلي
اغصان الشجر تقووم بمحاوله القيام بالاتصال لكنها تتلقى عقوبه وهي زجها بسجن انفرادي لحقت فيها اوكي وريوفه حينما حاولوا الدفاع عنها
88
ما صار انفرادي
هنا وباللحظات قرر الطاقم التخطيطي بانهم يسالون الخاطفين بسبب الخطف والطلب الذي يريدونه
فقالوا البنات رهوفه هي اللي تقووم بهالدور
رهوفه قالت لا انا اخااف
لزقوها بفتافيت سكر رفضت البته
قالوا ما فيه الا انت يا قلوبه قالت قلوبه : انا لا ما اقدر لو علي انا خوافه ومقدر اقول شئ بس مجرد ما اشوفهم اطب ساكته
قالوا ما فيه الا انت يا ام العيال المشغوله فاجابت بالنفي لانها كالعاده على قوله طفوشه مشغوله وعندها عيال .
حولوها للمسلمة الحرة قالت : حتى انا عندي عيال وتوها الحساسه مخلصه من الثانويه وارووح ابيع عمري
قالوا لام جوريه برضوا كل وحده تتعلث بعيالها
وصلوها لام تابط قالت : توي طالعه والده وتضحوون فيني هذا غير انكم بتفقدون معلقاتي
قالوا الامهات مافيها حنا عندنا عيال خلونا ندور وحده من البنات الللي بمقتبل العمر
هااه انت يا كافي لاتيه قالت : موتوا كلكم انتم مو لو ناسيني هناك وما رجعتم تاخذوني احسن ؟
هااه يا شقحه ؟؟ لااا ربي وربكم واحد يا نعيش مع بعض والا نموت مع بعض
وكلها لحظات ومن حجه لحجه حتى وصلت الاصابع لي انا
ياربي عاد شاللي بيخلصني هالحين ؟؟؟
ومن قالوا اسمي الا اسمع صووت جااي طفولي على رجولي

الا هو تابط شرا فقال : هذا وان ابن امي وابوي
انا هنا الرجال وانتم خايفين
هنا حطت ايدها ام تابط على قلبها وقالت دحووم وش رايك تعقل تووك صغير يا وليدي
هنا قال تابووط : لا يمه انا مرسلني ابووي معاكم علشان احميكم وبعدين انا مو صغير انا كبير الحين اروني هي الصغيره
هنا سكتها تابوط وقالت ام تابط : شفتوا ما يجيبها الا رجالها .<<وين كلام تو
رااح تابوط لفردات العصابه وطلب مقابله الرعيسه

وهنا طلعت الرعيسه وكانت تشررب فصفص وتاكل شاهي <<ايه عاادي مرورها التكليجات واجد
وقالت من انت يا ولد وكيف اقتحمت دااري
تابوطه : دارك " بلغه الاستهتار" من متى ؟؟
الرعيسه : منذ ان دخلت الى السفينه ايها القبطان ؟؟
تابوط : أي سفينه انت وخشتك ؟؟
الرعيسه : انت يا فتى لا تعرف اننا نحن سيطرنا على واحة امك وربعها
علشاان الرمه الثانيه يعرفون يشااخرون ويخلونها ترعى لحالها مابها الا الدجه
واما لقبي على الطائره بنها سفينه فهذا من اسلوبنا الترفيهي يا ولد امك
في تلك اللحظات كانت بنت ابوها جاايه من الملتقى ولاحظت بعض العضوات انهم مالهم نشااط قالت اكيد بالترفيهي هذا بعد ما رحبت بالكثير من العضوات الجدد وكانت جارتهم معها توريهم ابداعتنا
فلما طقت الباب بتدخل سمعت صووت صداء
وفتحت الباب الا تلاقي المتواجدون >>>صفر
المواضيع >>صفر
راحت لغرفه المشرفاات
تنادي ام العيال المشغوله
يا قلووووووووووبه
يا كلي امل
ما تلاقي أي رد منهم وتفتح تدوور ما تلقى شئ
وتلقى ورقه مكتوب عليها ياهلا باللي يدخل احنا طالعين زياره اليوم على القسم العام
اذا بتلحقوننا حياكم
قرتها حبيبة ابوها وطلعت للقسم العام
سالت هناك عنهم ما حصلتهم
اتصلوا المشرفات على الاقساام الثانيه يتاكدون يمكن غيرنا الرحله وردت عليهم احدى مشرفات الطبخ ولما سالوهم استغربت قالت مرونا الصبح افطروا عندنا ومشوا لهم الحين اكثر من الوقت الازم انهم ياصلونكم

سووا اتصال للطياره فما حصلوا أي اشارات والا معلومات
بحثوا بحثوا بس مااش ما جااهم أي جديد
بالحظه نفسها دخلت بنت جده وتقول انها لما فتحت ايميلها لقت رساله من الدره تقوول الحقونا احنا ... وما كملت الرساله
عرفوا ان الموضووع فيه انه
واتصلوا على المدير العام لحواء
وارسل لهم طائرات وسوو بحث وقاموا جميع الاقساام بالبحث
وباللحظه نفسها كتبت العضوة غيغي موضووع عن قصة الاختطااف وصارت تنزل اخر المستجدات بالموضوع
وباللحظه نزلت العضوة ليدي موضووع دعووه لبنات الترفيهي بانهم يرجعوون سالمين الى اراضي الترفيهي سالمين
دوحاويه قطروجووواناصاروا يبحثون عن صوور يمكن يلاقون صور للخاطفين في السجل الاسود
قامت بعض العضوات مثل بنت الامارات وقمر المملكة بالبحث والتحري وتسجيل اواخر من تم تسجيل دخولهم وان كان هناك دخلاء على عالمنا
وضعوا من المشتبه بهم وجنه الرمان و وضعوا عذيب من ضمنهم <<هم ايش عرفهم انك معنا من كثر ما ذااع عنك كذا لزقوها فيك
وايضا من المشتبه بهم وجياناوبرستيج طعسه وشوق العيون وشوكلاته ذهبيه لرفضهم الذهاب على متن هذه الرحله
وخياليه ووعد لسوابقهم الاجراميه للعب بالبنات <<تذكرون يوم تلعبون علي ههههههههااي
نرجع للوضع بالطائره
بعد النقااش بين تابوط وبين رعيسه الخاطفين رجع تابوط وكان معصب ويقوول جنيتوا على انفسكم
سالنا ::ليييييييييييييييييييش؟
هنا قال تابوط : مو لو انكم صرتوا تشغلون عقولكم وبدال الملطووش تجيبون من افكاركم اشياء جديده
مو لو انكم ايديكم متحدات كااان ما سطووا عليكم
هنا جلست كل عضوة من العضوات تفكر بالكلاام اللي قاله تابوط
واللي تفكر بنفسها لما تلطش موضووع لين طفشت وملت وقالت امين
ومن اللي تنزل العاب وتجلس تترقب العضوات
فقررت كل عضوه انها لما ترجع لارض الوطن الترفيهي انها تنزل موضووع وانه يكون من فكرتها واعددها
واتخذوا هذا الوعد وراحت كل عضوه تسررح بفكرها يوم كانت عايشه بربووع الترفيهي
وكانت مرره مبسوطه كل وحده تتذكر مواقف الثانيه وتضحك عليها وكيف انها تربط بينهم المحبه والاخوه والتالف فيما بينهم وكيف انهم عايشين اسره وحده
وباللحظاات هاذي اخترق صووت من بعيد يقوول :
على جنب يا راعي الطياره الورديه معااك شرطه حواء
وارموا السلااح فانتم محاصرين
هنا قاموا بنات حواء الترفيهي وتكااتفوا ومسكوا الخاطفين واوسعوهم ضربا وقيدووهم
ورجعت السيطره على الطائره وقادت الكابتنه وحيده بين البشر الطياره <ذكرتكم 3 مرات لانكم 3 مستخدمين > ههههاااي وفكوا عن اغصان الشجر واوكي وريوفه
وهنا قررت الركااب الهبووط بالملتقى حتى انهم يروونهم اعضاء حواء ويتحمدون لهم بالسلامه وبالحظاات هاذي صحت الدره المكنونه
وهنوها بالسلامه لكن في نهايه الشئ ومن جيت انزل استغربت قلب الدلع لانها ما قالت لي انت نايمه فرحت اشوفها البنت حيه والا ميته فاذا بقلب الدلع نايمه وبسابع نومه <<<بتغدى فيك قبل لا تعشين فيني وتنزلين الموضووع
ومن صحت سالتها قلوبتي انت نايمه ؟؟؟

النهاية
يالله بنات ترا العررض ب 200 ريال والدفع عند الباب
وياويل اللي تقول ما معي والا سلف
والرجااء منكم رفع معنوياتي كل هالقرق الفجر كتبته بس انزله اذا قمت ان شاء الله
وتعبت حتى اطلع اكثر العضوات بالصورة
البرنامج برعايه عالم حواء ومداد المشاعر للتاليف والخزعبلات وقاام على المساعده اللغه العربيه الفصحى <<<خخخ احب امطرس بالموضوع
وعسلــــــــــ مداد المشاعر ــــــــيمه
اتقبل أي نقد والموضوع موضوعكم حياكم