طااااقة اللثمة وجاية تصلي التراويح !!

لاحظت بهالشهر الفضيل السنه هاذي بالذات وفي صلاه التراويح ... انه بعض الحريم الله يهديهن يجون للمسجد لابسات عبايات كتف كأنها فساتين سهره او جلابيه فخمه ... وداقين ابو الزين مكياج كامل كأنها رايحه لعرس وساعات الماس ملووونه وشنط ماركه ( خاصه اللي تجي كبيره مره وعليها قطع ذهبيه او ملونه ) وداخله للمسجد الله يهديه اما كاشفه او حاطه لثمه .. يعني الاجنبيات ماشاء الله عليهم يصيرون لابسين عبايه كتف وكاشفات بس مايلفتون الانتباه زيهن... والمشكله انها تقعد تسولف مع رفيقتها وتضحك كنها في بيتها بين التسليمتين .. ويصلي الامام ويقرا القران وهي مازالت تسولف ... الين جاء الامام يكبر للركوع قامت بسرعه وصلت ...

واذكر انه احد الاخوات الملتزمات قامت تنصح بشكل عاااام وبدت تبكي وتصيح وهي تقول ((انكم جئتم للوقوف بين يدي الله في جو روحاني خاشعين ومتذللين متجردين من ملذات الدنيا ومظاهرها الزائفه ))... ومسكينه مامداها تكمل نصيحتها الا وحده منهم ردت عليها وقالت (( تراك ذبحتينا ياأخيه وياأخيه ... انت ماتدرين عن اللي بقوبنا.. بالله وفري نصيحتك لنفسك ووفري دموعك للدعاء .. يمكن ربي مايقبل منك ويقبل منا ))

يعني نصيحه مانفع مع بعضهن ولا المطويات والمنشورات اللي توزع بالمسجد نفعت معهن ... الظاهر مابقى الا يحطون حارسه امن عند الباب وتخلي الحرمه اللي جايه وكاشخه بعبايتها اللي كنها فستان سهره .. ترجع وتغير عباتها .. مثل النظام اللي يطبق بالمدارس على الطالبات والمعلمات بمنع لبس هالعبايات ... لكن اقوول (( انك لاتهدي من احببت ولكن الله يهدي من يشاء ))

منقول