يابنات انا عايزة اعترفلكم بس سامحونى
اعتراف خطيييييير
ساكتة عليه من زمااااااااااااااان
ولو قولتلكوا عليه ممكن تضربونى



















وزنى زاد
بعد الجواز لحد دلوقتى








7 كيلو وبقيت 70





يلالالالالى
انا هبتدى الرجيم
بس مش تزعقولى اوك









انا

بيب بيب شوشو

بيب بيب شوشو


بسم الله ما شاء الله ربنا يزيد و يبارك
بجد مبسوطالك جدا جدا
يعنى فاضل حبة صغيرة قوى و تكونى غزال شارد يا جميل

عقبال الباقى و انا كمان بعد الولادة اخس بسرعة ياااااااااااااااااااااااا رب


مشمشة انا كمان عاوزة الترجمة
هو انا فهمت طشاش كدة بس زيادة توكيد


اوشى حبيبتى كلنا هذا الرجل فعلا
عادى ان الواحدة تتخن بعد الجواز بس تخن معقول
لان الجسم بيختلف
بس لازم نفضل قمرات ذى قبل الجواز
عشان محدش يفتح بوقو معانا


باقى البنات بحبكم فى الله

كلكم وحشتونى جدا نيفو انا هنا بفتح كل شوية واقرا الكلام لكن للاسف عندى هبوط دايما وعلى طول دايخه لكن بعمل بنصيحة اشتقت اليك وبشرب عصير برتقال وليمون بدون سكر طول النهار لحد مابقيت بشوف الدنيا كلها لون واحد برتقالى بس كله يهون
حبيبتى المشتاقة لمكة وحشتينى جدا جدا وهستنى الكسكسى عالخاص ومش الكسكسى بس لأ واحلى الاكلات الجزائرية
أوشى ياعسل الدكتورة رجاء انا سمعت عنها كتير انها ممتازة توكلى على الله لكن مميزات كانت بتقول انها بتصر انك قبل ميعاد الكشف تعملى تحاليل انتى وجوزك ولازم التحاليل دى تكون عندهم فى المركز علشان الدقة
فاطمة الزهراء وطمطم طماطم وحشتونى جدا
كوكر انا بحب اطمن عليكى دايما
على فكرة عندى لكم خبر حلو الدكتورة بعد كشف السونار قالتلى ان التكيس قل شوية ده معناه انى بتحسن لكن انا عندى استفسار الدكتورة كمان مستغربة ان التبويض بقى طبيعى جدا والرحم الحمد لله بتقولى مفيهوش مشكلة والتكيس بيتحسن وسبحان الله مش بيحصل حمل صحيح عندى انبوب واحد طبيعى لكن مش مشكلة الدكتورة قالتلى جوزك يعمل تحليل بس انا مستغربة لانه كان عامل تحليل من سنتين وكانت نتيجته ممتازة الحمد لله وهو مش بيشتكى من حاجه وانا بصراحه علشان كده اتحرجت اقوله يعمل تحليل تانى رأيكم ايه لازم التحليل ولا مش مهم محتاجاكم ياخبرة

حبيبتى شيمو اولا الف مبروك على التحسن
ثانيا الزوج تحاليله بتتغير من يوم ليوم
انا شايفة ان مش فيها حاجة انك تقوليله يعمل تحليل
وربنا يوفقك ويقدملك اللى فيه الخير ويرزقنا ياااارب
كلنا

مشتاقة لمكة....شاكرين مهللين على الترجمة يا قمر....و آسفة يا حبيبة قلبى...انا كنت خرجت قبل ما أقرأ مشاركتك....لكن كله وصل و الرد كمان وصل يا قلبى....معلش انا أصلى مش متعودة لما بأدخل إنى ألاقى حد فيكم أون لاين...علشان كده بافضل أغنى مع نفسى و أخرج قوام....بس ملحوقة أول ما تحتاجينى قولى جزر....

كوكر....اشكرك يا عسل على التشجيع....بجد حسستونى إنى فى متش كورة ....حلوة الإثارة ديه...ربنا ميحرمنيش منكم أبدا...عقبال باقى الغزالات الحلوين و عقبالك لما تقومى بالسلامة و تنضمى للفريق اللى هنسميه بعد كده فريق الغزلان....عارفة يا كوكر....أنا و الله طول عمري كنت غزال ...طول 165 ووزن 60....و متخنتش بعد الجواز...هى كلها كانت الزيادة بتاعة الحمل....و لأن جسمى شكله متبهدلش أوي بالرغم من الزياده ديه ..فعلشان كده مكنش عندي حماس جامد للنزول...و كمان مكنتش أعرف إن الزيادة ديه هى اللى ممكن تمنع الحمل ثانية و تعرضنى لما أنا فيه الآن....و الله لو كنت أعرف لكنت نزلتهم بعد الولادة مباشرة و ماستنتش كل ده..لكن هنعمل ايه...قدر الله و ما شاء فعل...علشان كده باقولك اوعى تكسلى..و اول ما تولدي و البيبى نومه ينتظم...تبتدي تتبعى نظام جيد و يكون مناسب للرضاعة...بجد يا بنات التخن ده وحش أوي...

أوشى...تعالى هنا انتى هتاخدينا فى دوكة....يعنى مقاتيش طولك أد إيه ...و يا تري ال 63 كيلو اللى اتجوزتى بيهم دول كانوا مناسبين و لا كان فيه زيادة؟...علشان نشوف مع بعض التارجت بتاعك إيه....و يلا انضمى للفريق...عايزين البيبيهات لما ييجوا يلاقوا أمهاتهم زي القمر....

شيمو...طبعا ألف ألف مبروك على التحسن الجميل و عقبال ما ربنا يتم نعمه عليكى بالحمل السليم و الذرية اللى تقر عينك......بس أنا لى تعليق على كلام الدكتورة بتاعتك ده بس فى مشاركة لوحدها كمان شوية لأنى مضطرة أقوم دلوقتى.....لكن طبعا حبيت أحييكى يا حبيبتى على مثابرتك....أيوه كده شدي حيلك...بس يا قلبى متفتريش على روحك أوي....يعنى الليمون بدون سكر صعب أوي...حطي يا حبيبتى سكر دايت...ماهو برضه لازم ناكل حاجات طعمها حلو علشان نفسنا متصعبش علينا...و ممكن كمان يا قلبى تجبى سفن أب دايت...أو تعملى كركدية و تحليه بدايت سويت....و أهم حاجة...لازم يكون النظام اللى بتتبعيه فيه كميه كافية من البروتينات و الفيتامينات و منتجات الألبان....اللى ممكن نطنشه هم الرز و المكرونةو المعجنات و السكريات و الدهون..لأنها أصلا و من غير دايت مضرة....و ديه نقطة مهمة ...لأننا جميعا قصدنا من العلاج و من الدايت اننا نهيأ نفسنا للحمل....يبقى المفروض نخس و احنا بندي جسمنا كل العناصر المفيدة....

و هاقولك على حاجة....انا ملتزمة بالدايت بتاع الدكتورة....بس بصراحة...بازود بعض الحاجات لما احس ا الدايت هيضر جسمى....يعنى اليوم الى مفيهوش لبن...انا بحط فيه كوباية أو نص...و اليوم اللى مش فيه بروتين...بأزود عليه شريحة لحم أو فراخ مشوي....يعنى نزود بس فى المعقول....شدي حيلك يا قمر ...و إن شاء الله ربنا يوفقنا جميعا...