شوشو كلام فى سرك ومش تقولى لحد
انا طولى بالظبط 157
والوزن بالظبط بالظبط69
وقبل الجواز كان شكلى معقول
انا كل اللى شافنى قالى خسيتى عن قبل الجواز ولاكن انا زايدة على الميزان ده لان جسمى زايد من مناطق معينة

قولولى ابدا ازاى دايت
من غير حاجة قاسية اوك
الا ارجع فلى كلامى
انا بتلكك

السلام عليكم ورحمه الله وبركاته ازيكم يااحلي بنات في العالم كله وحشتوني اووي كلكم والله من غير اسامي انا فرحانه اوي ان النت اظبط عندي عشان ابقي معاكم بس ادعو ميبوظش تاني انا اخر اخباري اني عملت تحليل هرمونات وطلعت كلها نورمال الحمد لله ماعدا تحليل البرجسترون طلع 3من عشره طبعا نفسيتي وحشه بس الحمد لله علي كل حال ياريت اللي يعرف حاجه عن الموضوع ده يفيدني لاني بدات اخاف من لخبطه الدكاتره فعايزه افهم قبل ماروح وده معناه اني عندي تكيس ادعولي انا مقرتش اللي فات هقراه وارجع ان شاء الله

السلام عليكم ورحمه الله وبركاته ازيكن يا حلوايات وحشتوني قوي مبروك يا امانس وعقبال مانباركلك علي النونو وانتي يا ام انس ٢٠٠٦ مبروك لحمل مرات اخوكي نفسي تبقي عندياراده قويه للرجيم بس للا سف لمل بكون مضايقه باكل كتير

سمسمة...نوتى بيتك يا قمراية...أنا كنت باشوف اسمك لما كنت باطلع على الملف الأولانى...يعنى من قبل ما انضم لهذا الجمع الجميل...يا ريت النت يحترم نفسه و مش يبعد عننا تانى...و فيه تعليق صغير يا قمر...البروجسترون القليل معناه ضعف تبويض...لكن مش بالضرورة يكون فيه تكيس...و هأقولك على حاجة.....لو هرمون ال FSH ضعف ال LH يبقى مفيش تكيس...راجعى المعلومة ديه مع أرقام تحاليلك و لو طلعت مظبوطة يبقى مفيش تكيس و يبقى كل اللى عندك ضعف تبويض...و أعتقد إن حله فى التنشيط....و إنا أعرف بعض الناس كان التبويض عندهم ضعيف جدا و اتعالجوا صح و ربنا أكرمهم...عقبالك..بس انتى اهم حاجة فعلا حاولى تثقفى نفسك كويس علشان تقدري تميزي الكلام المظبوط من الكلام النص كم...

أوشى يا عسل...بصى متعتمديش على الشكل...خلينا ورا الميزان...لأنى أنا كمان شطلى مفشولش خالص بالرغم من إن عندي 16 كيلو زيادة...و لو اتكلنا على كده يبقى هنفضل زي ما احنا و مش بعيد نزيد....خلينا نبقى طماعين شوية....و نطمع إننا نرجع غصن بان زي زمان (إيه ده انتى هتخلينى أقول شعر)....ومتنسيش حاجة مهمة....إن شاء الله لما ربنا يكرمك بالحمل ...اقل حاجة هتزيديها هتبقى 12 كيلو....فلكى أن تتخيلى المنظر.....فخلينا نبدأ من دلوقتى....و لو عايزة تنزليهم بسرعة يبقى حاولى تبصى بصه فى الموضوع التانى بتاع نيفو اللى فى قسم التغذية...و ده فيه ريجيمات متعددة..من ضمنها الريجيم اللى أنا باتبعه دلوقتى..و ده على حد قول الدكتورة بينزل 8 كيلو شهريا....أما لو عايزة تنزليهم بالراحة شوية...يبقى هندعبسلك على نظام أخف شوية و خلينا نتواصل عن الموضوع ده هناك.... http://forum.hawaaworld.com/showthread.php?t=1569175&page=13