اشتقت اليك :

نوفى...سبتلك مشاركة ليكى لوحدك:26:.....علشان أحتفل بالأخبار الحلوة ديه و التقدم اللى أحرزتيه بعد طول انتظار..... كده أنا متأكدة إنك خسيتى حبة حلوين:7_5_127:....و ده لأن جسمك ما شاء الله بدأ يتظبط و البريود جت ....و برافو عليكى إنك عملتى التحاليل علشان لما تروحى للدكتور تبقى مكملة كل حاجة و تبتدي فى خطة العلاج اللى طال انتظارها... أما بقى المفاجأة الكبيرة.:2thmup:..فديه قلبى مش قادر يتحملها.....نوفى حبيبتى هتتواضع و تروح للدكتور....و مين ...دكتور عادل....أنا أي نعم كان نفسى من زمان إنك تروحى ليه...بس من كتر اللى عملتيه فيا:09: ...تواضعت أحلامى ....و كنت هاكتب فى وصيتى إنك تروحى لدكتور...أي دكتور...حتى لو كان واخد الدكتوراة فى (حتى).....لكن إنك تحققيلى هذا الحلم قبل ما أموت...ده إنجاز كبير....و بعدين متشغليش بالك يا قلبى....تخرجى من عند الدكتور من الباب و لا من الشباك ..ده ميفرقش معانا خالص...المهم إنك رحتى و بدأتى العلاج...باقى الإصابات نبقى ننظر فى أمرها بعدين :22:...فينك يا رمال يا حبيبة قلبى علشان تيجى تشوفى الهنا اللى احنا فيه....إوعى يا نوفى تزعلى....بنضحكوا معاكى ...فعلا أنا مبسوطة للخطوات اللى أنتى أخدتيها ديه...ربنا يعينك و يصلحلك الحال و يتم شفاكى على خير... و نيجى بقى للجد....بصى يا حبيبتى...إحنا ضيعنا وقت كتير...يبقى فعلا على رأي البنات....لازم مش تضيعى حقك فى إنك تتعالجى صح...و لا تضيعى حق الطبيب فى إنه يعرف حالتك مظبوط....يبقى لازم تبطلى حالة الصمت الرهيب :42: و تخليكى بربنط فى جميع الأحوال.....و تكتبى أسئلتك كلها فى ورقة صغيرة....و انتظري لحد ما الدكتور يخلص كلامه...هو غالبا ممكن يكون فى وسط الكلام جاوب على معظم أسئلتك...و اللى يتبقى يا ستى ابقى اسألى فيه....أهم حاجة تعرفى كل شئ عن حالتك و تاخدي العلاج الصح علشان نعوض ما فاتنا....ربنا يسمعنا عنك دايما كل خير...

نوفى...سبتلك مشاركة ليكى لوحدك:26:.....علشان أحتفل بالأخبار الحلوة ديه و التقدم اللى أحرزتيه بعد...

kokar_2001 :

المشتاقة لمكة الف سلامة عليكى و فعلا لازم تروحى لدكتور كويس عشان تشوفى الموضوع بتاعك دا و متطنشيش عشان ربنا يكرمك بأذن الله ربنا معاكى و يفرح قلبك يا رب لوجى يا حبيبتى ركزى معايا حتبدتى الحقن من اليوم الـ 21 للدورة اللى قبل اللى حتنشطى فيها او او يوم للدورة اللى حتنشطى فيها على حسب الحالة انا ابتديت من اليوم الـ 19 عشان انا طول دورتى 26 يوم يعنى المفروض قبل ميعاد الدورة بأسبوع بتاخدى الحقنة اللى تحت الجلد و دى ابرتها صغيرة خالص و تشتريها جاهزة على انك تديها لنفسك على طول و بتاخديها يأما فى الفخد من فوق من قدام يأما فى البطن يأما فى الايد من فوق برضو ذى ما تحبى انا اخدتها فى رجلى عشان مجرؤتش اديها فى بطنى و جربت مرة الدكتورة تديهانى فى ايدى وجعتنى لكن الرجل الحمد لله كانت كويس و بتاخدى حقفة كل يوم لحد ما توقفيها مع التنشيط و الحقنة الواحدة منها بـ 37.5 جنيه و من اول او تانى يوم للدورة بتبتدى التنشيط انا ابتديت التنشيط من اول يوم كنت باخد 3 حقن 2 الصبح و 1 بالليل دى يا سيتى بتكون امبولة بودرة و بتتخلط بأمبولة واحدة من الماية يعنى اذا حتاخدى 2 الصبح بتخلطى 2 بودرة + واحدة ماية و فى الاخر بيكون عندك شوية ماية بترميهم فى الاخر و سعر الحقنة 50 جنيه و عدد الحقن بتتحدد برضو على حسب الحالة انا بعد اليوم السادس زودلى الحقن لـ 2 الصبح و 2 بالليل و دا لحد اليوم الـ 12 من الدورة تقريبا (على ما انا فاكرة) برضو على حسب حجم البويضات لان حقن تحت الجلد بتتحكم فى امتى ممكن تفجرى البويضة و بتوقفى الحقن كلها و تاخدى بدلها قبل ميعاد السحب بـ 36 ساعة حقنة التفجير و يسحبو البويضات و يلقحوها و يرجعوها تانى اما العملية فى المركز اللى عملت فيه كانت تمنها لوحدها 5000 جنيه و انا محتجتش اجمد اجنة لان كان جنين واحد هو اللى رجعهولى بس سألت على تكلفتو كانت من 1500 الى 1700 جنيه يعنى تقدرى تقولى التكلفة 5000 العملية + الادوية + التجميد من 1500 الى 1700 طبعا العملية تمنها بيختلف من مركز للتانى و نصيحة ممكن تنفع ممكن تجبى الحقن من اى صيدلية بتديكى خصم اهو فى الكميات اللى حتستخدميها لما توفرى فى اليوم مثلا 20 او حتى 30 جنيه كويس طبعا انتى اولى بالفلوس دى انا مكنتش عارفة انى ممكن اجبهم من الصيدلية الا فى الاخر و مش لازم تجيبى علبة كاملة اذا كنتى قربتى و حتحتاجة حقنة او 2 لأ هاتيهم بالحقنة و اى حاجة تانى انا تحت امرك فاتيما اهلا بيكى معانا و ان شاء الله ربنا يكرمك فى الحقن الجديد يا رب بس يا ريت تقولى تجربتك مع الحقن عشان البنات تستفيد و برضو الاسعار و مكان الدكتور بتاعك و اذا كانت المشكلة عندك ولا زوجك و العملية اللى فاتت كانت رقم كام؟ معلش اسئلة كتير بس عشان البنات تستفيد ام انس ايوة هالة صدقى الحمد لله حامل انا سمعتها بنفسى فى التليفزيون و هى كانت مبسوطة جدا من الحمل طبعا ربنا يتملها على خير يا رب

المشتاقة لمكة الف سلامة عليكى و فعلا لازم تروحى لدكتور كويس عشان تشوفى الموضوع بتاعك دا و متطنشيش...